> اكررها
> نضرب تلاته عصافير بحجر واحد
> كلو زول يشيل الدايرو
> المجلس داير المية الف دولار يشيلها
> اللاعبون دايرين فلوس
> ترحال بس
> تطلبهم يوصلوك تدفع قبل تنزل
> ديل نقول ليهم شيلوا المية الف دولار بتاعت الفوز كلها
> لو دايرنها تلقوها في الميدان اقلعوها بي ضراعكم
> وبالتالي تتنوع الزهرات بتنوع الشتلات
> وللاسف قلما تجد شتلة من نوع الكيان وتزهر زهرتها الجميلة المعروفة باسم المريخ
> الورد الكاذب كتر لان الشتل المطعوم ملأ المشاتل وضيق مساحات الزهر الطبيعي وشرف الانتماء
> اما الجمهور فما داير ولا مليم
> دايرين الفوز والابقاء علي اقدم صفر اطول مدي
> يبقي نتشفتن عشان نتمكن
> ايها الناس
> المتصفح للقروبات الحمراء يجدها تعج بالشتول ولتلك الشتول طبعا زهور
> من الشتلة بتعرف زهرتها
> يعني لو لقيت ليك شتلة بتتحدث عن اضاعة ابو طيف للجوازات
> اعرف انو زهرة هذه الشتله بايخه الشكل كريهة اللون ولامة الحشرات
> زي زهرة العوير
> واذا لقيت ليك شتلة تتحدث عن تقديم قريش لمذكرة ووعده بسكها حتي الأمم المتحدة
> تيقن أن زهرة هذه الشتلة اسمها نصيرة خالو وهو نوع من الورد الانجليزي الكاذب
> وتتنوع الشتلات في القروبات الحمراء
> ايها الناس
> مجرد انتقاد هذا المجلس لايحل قضية برغم ان الاختلاف لايفسد للود قضية
> كلنا يعلم بان هذا المجلس عندما جاء كانت الابواب مشرعة للجميع ولكنهم زاغوا جميعا
> تم الضغط علي المجلس المنتخب من الوزير والامانة وجهات تانية حامياني
> فتولد عن ذلك الضغط المجلس الحالي
> والذي سرعان ماوجد حربا ضروسا يقودها من طالب بود الشيخ وحمي مجلس ود الشيخ
> بل طالب ود الشيخ الاستلام بالقوة الجبرية
> ديل هم من يقودون الحرب علي ود الشيخ اليوم
> الحرب وحدها لاتكفي
> لان ذهاب ود الشيخ بمجلسيه الديمقراطي الذي اضاع الديمقراطية والحكومي الذي ولج كمكمل للديمقراطي مكونا معه الوفاقي
> لايحل مشكلة لان لابديل موجود
> سنعود للنقطة التي فاز فيها آدم بالتزكية ليفوز مجددا بتزكيه اخري
> ماتنتقدوا ساي وتشنفوا السمح والشين
> جهزوا البدائل واطرحوها وتمسكوا بها وادعموها
> ايها الناس
> المريخ للمريخاب
> لامكان لاي مسمي تاتي
> دعونا ننتصر بالامارات
> فمن يعارض حقبه عليه ان لايشمت من كيان
> ومن يوالي حقبه
> عليه انتظارها ليقدم خدماته
> ولكن كسير المجاديف
> لا والف لا
> شتولكم بانت وزهوركم انعرفت
> قلت لي بتحبوا زهرة النرجس؟
> بتحبوا النرجسية؟؟
> مالو؟
> من حقكم
> ايها الناس
> ان تنصروا الله ينصركم
> اها
> نجي لي شمارات والي الخرتوم
> مولد امدرمان ياوالينا
> هو اعرق اكبر مولد في العالم مرة علينا
> كان شفت ياوالينا
> السنة دي المعتمدية طارحة علينا كشيكاتا تسميها دكاكينا
> بالايجار طبعا ياوالينا
> من بعيد ممكن تقول صراف آلي ياوالينا
> او كشك جرايد ياوالينا
> الاجرة بالشئ الفلاني
> يعني ناس يوسف الفكي او الطيب سيد مكي او اولاد احمد بابكر
> الناس دي محتاجة عشرين كشك من الجديد ده لو دايره تعمل قدر دكاكينا
> السنة دي زوووول بشيل الحلاوة مافي
> نجي ونرجع ياوالينا
> بي غبشتنا الفينا
> غايتو الاكشاك دي بنات المولد الكبار مابتشيل البت بي فساتينا
سلك كهربا
ننساك كيف والكلب قال بعد المولد بودوهن وين ؟ اوعه يكون بتجدعن في حوش الخليفه للمولد القادم لما يحين حينا ؟؟؟
والي لقاء
سلك