*برغم الاداء الغير جيد من اولادنا
*الا ان النتيجة جيدة جدا
*هدفان يصعدان بنا لنهائي العرب
*وليس بمستحيل علي شفوت المدرجات الذين صنعوا الريمونتادا
*بدا شكل الاولاد يوحي بنقص في معدل اللياقة
*ولا اجد لذلك سببا
*لكن الانضباط التكتيكي في الجوانب الدفاعية كان ممتازا برغم هفوة التغطية في الهدف الوحيد
*لن ننسي ايضا ان الزعيم افتقد لجهود امير كمال وخبرته
*ونجاعة بكري وسرعته
*واصابة حمو زادت من معدلات نقص معدل الاداء
*الاولاد قادرون علي تحقيق نتيجة ممتازة تأهلهم للنهائي ان شاء الله
*كان المريخ شبه غائب في الشوط الاول
*ولكن شطارة الزولفاني اعادتنا في الشوط التاني
*واستغل هذه السانحه واقترح تمديد عقد زولفا منذ الآن
*هذا المدرب قبل ان يخلق فريق متجانس داخل الملعب
*خلق فريقا متجانسا خارج الملعب
*وهذا هو السر في ظهور المريخ بهذه المستويات الجيدة
*واوصي مدرب الحراس بمراجعة ملف العكسيات مع ابو عشرين
*فقد ظهر ابو عشرين مترددا في الخروج عند العكسيات في مناسبات كثيرة
*الزولفاني لم يقلق علي النتيجة
*وبشرنا زولفا بمشاركة بكري في الاياب
*وحتي الاستوديو التحليلي افتقد بكري وتمريراته القاتلة
*بصراحة
*المريخ افتقد الخبرات المعتقة
*ومهما كانت النتيجة
*فهي غير مرضية للسواحلاب بل مخيفه
*لانهم يدركون تماما حجم الشفوت الذين ينتظرونهم علي مدرجات قلعة امدرمان
*ايها الناس
*اشاد الاستوديو التحليلي بالزولفاني الذي استطاع ان يعيد فرقته من جديد في الشوط التاني بعد السوء والانهيار في الشوط الاول
*وقالوا اي مدرب في العالم لايستطيع ان يعيد فريقه في ظل تلك الظروف كما فعل الزولفاني
*الزول ده مددوا ليهو سريع
*المهم
*التأهل يسكن حناجر الشفوت بامدرمان
*فاذا اردنا تأهلا للنهائي
*علينا ان نؤهل انفسنا للمدرجات
*من الليلة كل شفوت الوطن القلعة جوه
*ولن نعفي شفوت الولايات عن هذه المعركة
*فرض عين لافرض كفاية
*وكي يتحقق ذلك لابد من استمرار التقارب بين الناس والتصافي لاجل الزعيم وترك التجافي
*المريخ وطن
*والحصة وطن
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*الثقة في البنك زي الثقة في الزوجة
*لو اتزعزعت مستحيل ترجع تاني لينا
سلك كهربا
ننساك كيف والكلب قال فلقة الراس في شنو؟ الطلاق بس
والي لقاء
سلك
