في الصمت كلام
محمد عثمان بلل
بـ(الفار) و(التونسية) الوصيف يودع العربية ..!!
• قلنا ليكم من زماااااان من بدري.
• بطولات الكبار عندها ناسها.
• يظل الوصول لنهائي البطولة العربية حلم يراود الوصيفاب حتي اللحظة.
• المرة دي وداع تاريخي.
• وداع بـ(الفار).
• (يا الفار) دمرت احلامي.
• وبـ(التونسية كمان).
• قلنا وداع تاريخي يعني وداع تاريخي.
• هسي الحكم ذنبو شنو.
• انتوا حصلتوا منطقة دفاع النجم ساي عشان يحسب ليكم ركلة جزاء.
• ولا النجم لعب معاكم بعنف.
• نتقدم بإعتذار عااااااجل للحكم المسكين.
• غايتو شكلو في عقوبات قاسية في الطريق.
• حرمان الوصيف من الظهور في البطولات العربية.
• باي باي عربية.
• العربية بـ(الفار).
• بعد دا يا النجم جينا ع الجد.
• معقولة يا النجم الساحلي تعمل في ولدنا كدا.
• (أرجى الراجيك بس).
• التار التار يا عمار.
• (عمار دا منو كمان).
• والله كل مرة قاعد أتألم لجماهير الوصيف.
• بترجع طوااااالي بـ(خُفي حنين).
• متعودة داااااااااااايما.
• لا عودة محمد الشيخ نفعت .. ولا حوفز الوالي جابت حقها.
• بـ(الفار) و(التونسية) .. الصيف يودع العربية.
