بابكر سلك
*اتفقوا
*ياسلام علينا لما نتفق
*ماخلقونا عشان نختلف
*خلقونا عشان تختلف وجهات نظرنا ونتفق علي بلدنا
*علي الدستور مابنختلف
*وريني بس دستور هواك بحفظ حروفو حرف حرف
*وحروف دستور هوانا واالضحة
*أه…وييين يا
*بالصيني اي نيييو ها
*اقلبها بس
*ايها الناس
*التفاق امر جيد
*والتوقيع تجويد
*ولا تظن ان الثورة بالتوقيع قد حققت هدفها وانتهت
*بالتوقيع الثورة يادوب ابتدت
*تحرسها ارادة الامة
*ترويها دماء الشهداء
*يغرسها حب الوطن
*نحنا يا دوب ابتدينا
*الثورة هي النهوض بالدولة
*والنهوض بالدولة يعني الانتاج والنزاهه
*الثورة هي اداة تغيير
*واهم مكامن التغيير هو السلوك الفردي والجمعي والمجتمعي
*وحتي يتغير سلوك المجتمع لابد من تغيير السلوك الشخصي
*لو اي زول غير سلوكو السلبي لسلوك ايجابي
*بالتأكيد سلوك الجماعة سيتغير
*لان الجماعة هي انا وانت وهو وهم
*دايرين نفكر في بناء دولة
*يعني ننتج وماناكل المال العام ولا نعمل الكباري في مشتروات الدولة ومبيعاتها ولا نستغل الوظيفة
*ايها الناس
*اذا وجهنا ارادتنا وحسنت ادارتنا صدقوني في ظرف سنوات قليلة سيضرب الناس بنا الامثال كما نضربها نحن اليوم برواندا واثيوبيا وجنوب افريقيا
*فمواردنا ارحب
*هي لو ما ارحب
*بلد تتسرق تلتين سنة ولسة ماكملت؟؟؟
*معقولة بس
*بلد بي نيلها ونشرب كدرا وطينا
*بلد بي نيلها وفيها مشكلة توليد كهربائي
*بلد بي نيلها وفيها شح انتاج زراعي
*بلد بي نيلها وجاتها نيلة
*لانو سوء الادارات المتعاقبة بالاخص عهد الحرامية
*كانت تشكل سوء الادارة الحكومي الذي اضعف الارادة الشعبية
*فوصل الدولار تمنين الف جنية
*وقامت في العاصمة تمنين الف عمارة
*اصبح اوائل الطلاب يدرسون بالمدارس الخاصة
*وتقبل كليات الطب طلابا احرزوا كم وستين في المية
*طالما مابدفعوا ما مشكلة
*ايها الناس
*الانهيار اصاب جميع مناحي الحياة في العهد البائد
*وكي ننهض بتلك المناحي لابد من عمل جاد وتضحيات
*والثورة مستمرة
*ايها الناس
*نريد استقطاب الاستثمارات الاجنبية
*فهل تقبل هي الاستثمار في بلد كهربتو بتقطع تلاته وعشرين ساعة في اليوم؟؟؟
*لو دايرين ننهض بالبلد حقو نحل مشكلة الكهربا دي في الاول
*اهم مصادر الطاقة الانتاجية نفتقدها بعدم التوليد
*وعندنا من الانهار ما يولد عاقر خليها كهربا
*تبقي الثورة مستمرة يا شباب
*وثورتكم دي مافي زول بقدرها
*قال المخلوع متهكما علي الشباب
*نحنا مابشيلونا اولاد الفيس بوك ديل
*وشلتوهوا بدون ماتشيلوا حجر
*يعني لو شلتوا حجر كان شلتوا ترمب زاتو
*ولكنها السلمية الغلبت الدوشكا والبندقية والكتائب الخفية
*يبقي بعد التوقيع نتفرغ لبناء وطن واحد يسع الجميع تظله المحبه وتصهرنا فيه سودانويتنا الفريدة لنردد
*شعب واحد جيش واحد
*ايها الناس
*تجري استعداداتنا بالمستطاع
*فقط يحتاج الزعيم لابنائه
*لان الوقوف علي الرصيف والفرجة علي المجلس ده بتودينا الخور
*والعضوية مطلب شعبي
*لو دايرين نشيل المجلس ده
*لابنفع مفوض ولا وزير رياضة ولائي ولا والي ولا امانة شباب
*كل تلك الخروقات قد ولي زمانها وولي معه زمان كسر رقبة القانون
*والكلام ده قلناهوا زمااان
*في ناس شبوا لينا في حلاقيمنا ديل قالوا ابدا
*ويحق للمفوض ويحق للوزير(اليسع الجميع)ويحق لامانة الشباب وخطرفات زي دي
*في هذا العهد الديمقراطي الكلام ده كلو مافي
*قانون كهيه
*والمحكمة العليا قالت الطعون فشنك
*فششن فششا
*وماعرفنا رأي اصحاب ذلك الرأي
*العضويييية هي صاحبة الحكم والحاكمية
*او شوفوا عبدالرحيم محمد حسين وين
*ايها الناس
*معقولة زول يسجل ليهو محترف تونسي مسجل لسه في الاردن؟؟؟
*دي ادارة شنو دي ياروشا
*ادارة شئون العاملين ماكدة
*انتوا كردنة جا؟؟،
*كان كدي الكلام ده ما ياهو
* ولا ياهو ياروشا؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*شفنا كهربة الولاية العسكرية
*الله يورينا كهربة الولاية المدنية
*آدر وكريم يارب
سلك كهربا
ننساك كيف والكلب قال يومي قطعت قطعت قطعن قطعا
والي لقاء
سلك
