*طالب جهازنا الفني تأجيل لقاء الموردة بحسب الاخبار
*وهو نفسه جهازنا الفني الذي وعد بتجهيز بكري وتيري للقاء الموردة ومن لقاء الموردة
*تبقي القصة محيرة
*هل جهازنا الفني اكتشف ان بكري وتيري جاهزين لحماية الدين
*ولا جهازنا الفني قنع من جاهزيتهم؟
*الف سؤال
*والف احتمال
*ولكن الرأي عندي
*لا للمجازفة ان كانت هناك مجازفة
*فسلامة اللاعبين ومستقبلهما في الملاعب يتوقف علي الحتة دي
*اتمني لهما الجاهزية والمشاركة والمساهمة في التأهل
*لكن المجازفات لأ والف لأ
*المهم
*زعترة اشرك جمعة يوم الجمعة
*جمعة الذي لم يشارك منذ آخر جمعة السنة القبل الفاتت والامة مجتمعه
*ابو الهل ماشي زامبيا
*الحارسان الذان يشاركان هما جمال سالم ويونس
*اذن لماذا يجهز الزعتوري جمعة؟
*زمااان قلت ليكم زول بدفع ماهية شهرية لجمال سالم ستمية مليون مافي
*وقلت ليكم سالم عمرو شهور في الهلال
*وسالم قال قروشي
*وكردنة جنو وجن الكلمة دي
*قام زعترة خدم كردنة واشرك جمعة يوم الجمعة
*هزيمة في كوستي
*ولا دولارات تمشي
*باي باي جمال سالم
*يوغندا سعيدة يابيه
*المهم
*مبادرة جار النبي
*الصلاة علي النبي
*خلية نحل بالعمل
*وموعودون نحن بالعسل يوم المولودية
*استاد يفتح النفس
*وتأهل يرد الروح
*بس الدور والباقي علي الشفوت
*مهما تجمل الاستاد
*فان جماله بشواغر يتبدد
*ترسم المبادرة الجماليات علي الاستاد
*ولاتكتمل اللوحة
*الا باكتمال الاستاد
*خمسين الف بالقديم
*كلنا نجي
*ليدرك العرب كم نحن نتباهي بكثرتنا كما ادرك ذلك العجم
*تعالوا لتضعوا بصمة علي خد التاريخ الناير علي صفحة المريخ
*وياحبذا لو جينا بالشعار
*ايها الناس
*شفوت كتار اسهموا باموالهم في مسيرة المريخ
*بالذات في عهد مجلس ادارة المبادرات
*وشخصيات كتيرة اعلنت عن نفسها وعن حبها
*منها الوجيه حازم
*الذي شارك بنفرات عدة
*ودين المجلس قروش جابسون بتاعة الفيفا
*في الاول كانت تبرع
*فتحولت لدين
*لا ادري سر التحول
*ولكن الرجل قدم في الحالتين
*كان تبرع كان دين
*ولكن مايدعونا للاستغراب
*ان الاخ حازم عبر عن امتنانه بالمشاركة في مبادرة الدار
*التزم سعادته بالمركز الاعلامي وقاعة المؤتمرات
*وفجاة تغير الالتزام الي سداد تبرع سخي مبلغ ميتين مليون بالقديم
*بصراحة الحتة دي ماقدرت افهمها
*لكن بالتأكيد لها مايبررها
*بس بتشبه لي التبرع البقي دين
*بس نشكر الرجل مهما كان
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*ممكن العيب يكون في زول
*لكن ماظنيت العيب يكون في قانون
سلك كهربا
ننساك كيف والكلب قال التطبيق في الحنة بشيلها لو كان تمام
والي لقاء
سلك