جابوه بالطيارة وسجلوه بالخسارة

في الصمت كلام
محمد عثمان بلل
جابوه بالطيارة وسجلوه بالخسارة

• قالوا الوصيف جاب لاعب موقوف .. أي والله موقوف عديل كدا .. موقوف من الفيفا كمان .. يا ساتر .. عليكم الله اللاعبين المنتشرين في الدنيا دي كلها ما لقيتو غير لاعب موقوف .. يا ربي ناس الوصيف ديل مالهم .. في شنو .. مالكم ومال كدا .. يمكن عشان جاي بالمجان .. ما بعيد .. خاصة مع الحالة الأيام دي .. حالتكم صعبة والله .. رئيس مافي وفلس حاصل .. جماهير الوصيف مسكينة .. ضغط وسكري وحاجات تانية .. الله يكون في العون .. دي بقت عليكم زي ناس السوق لمن يكونوا عايزين يبيعوا البضاعة .. بقعدوا يهتفوا (جابوه بالطايرة وباعوه بالخسارة) .. وأسي ممكن نقول (محترف جابوه بالطيارة وسجلوه بالخسارة) .. حليلك يا الوالي .. أسي لو كان قاعد كان خلي الكاردينال من البلد ما أتحرك .. قاعد حارس اللاعبين .. عارفين جيمي .. كان شغل خطف على عينك يا تاجر .. دا نحن زمان كنا بنخاف خطف الرئيس زاتو .. اي والله .. الرئيس .. طلعت شعارات مبالغة .. البقعد مع الوالي ما بقوم تاني .. أسي تعال شوف .. اي لاعب وقع للوصيف في التسجيلات يقول عايز حقوا بالأول .. لكن زمان اللاعب بوقع قبل ما يتحرك من بيتو .. عشان قعد مع الوالي .. السنة دي فرق كبير .. يااخ تسجيلات أهلي مروي الصاعد احسن من الوصيف .. ومعاه كمان هلال الأبيض والشرطة القضارف .. يا حليلك يا جيمي .. تعال شوف حالنا أصبح كيف.
• خليناكم عافية.
• ما تنسوا.
• الهلال وبس.
(صمت اخير) ..
• جابوه بالطيارة وسجلوه بالخسارة.

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…

5000+ حملوا التطبيق