جمال سالم يبتعد عن تدريبات المريخ ويرفض الجلوس على دكة البدلاء

ألحقوا الشغلانة إنقدت بي غادي ياناس المرخرخ، وسيبكم من حياكة الألاعيب وتحريض الفرق الأخرى وتعالوا ألحقوا النار الولعت في حفرتكم دي، ود الجنسيات التلاتة قام عليكم تاني…!!
سبحان الله، كل مرة النار مولعة ليهم في حتة، يحنسوا جابسون يزوغ كوفي يحنسوا ترتوري يجوطها ليهم جابسون…..والشغلانة مدورة وكل بسبب أعمالكم التي بدأت ترتد عليكم خبالاً ووبالاً…!!
مصير أهلي مدني حايكون الدرجة الأولي، لأنو ناس المرخرخ ماهم الناس العندهم كلمة، وطبعهم الخيانة والغدر وحايركبوا الأهلي مدني التونسية بعد ما يفكوهوا عكس الهواء طبعاً….هههههههههه
لكمة أخيرة: لسه نار شيبوب مولع النيران في القلوب وهارد الفشفاش ما إنطفت في قلوب أهل المرخرخ، وبدون خجلة رسلوا أهلي مدني يشتكي بالنيابة عنهم ومسكوهم قضية خسرانة عشان يرفعوا الحرج الوقع عليهم في ضربة شيبوب وظهورهم في أعين العالمين بالصورة المضحكة دي، وده كلو بسبب جهلهم بالقوانين، عشان كدة عاوزين يعملوا في ناس أهلي مدني المساكين نفس عملية الثعلب الضنبة إنقطع في مزرعة البطيخ ومشي ورط أخوانه….والفارات ديل بسبب مرخرخية رئيسهم الصارخة بلعوا الطعم وحايصحوا بكرة ويلقوا نفسهم في الصقيعة، وعدها لاينفع الندم والبكاء….!!
لكمة أخيرة: لسان حال رئيس جزارين مدني، عشان خاطر المرخرخ يهبط أهلي مدني ماخسارة !!