خربوا طبعنا بقينا ننوم بمحترف ونصحى بمجنس !!
قزاز ورذاذ
محمد الطيب الأمين
خربوا طبعنا بقينا ننوم بمحترف ونصحى بمجنس !!
* فرحة المريخاب بإنتهاء التسجيلات كانت أكبر من فرحتهم بتسجيلاتهم.
* فرحوا إنو التسجيلات إنتهت.
* عشان يرتاحوا من أجانب الهلال.
* ونحن زعلنا إنو التسجيلات إنتهت.
* شهيتنا كانت فاتحة.
* كل يوم محترف جديد.
* ننوم بمحترف ونصحى بمجنس.
* إتمنينا التسجيلات ما تنتهي.
* عزة جد.
* زمان المريخ بشوف الهلال فاوض لاعب محلي طوالي المريخ بمشي يفاوض نفس اللاعب.
* أي لاعب الهلال يمشي عليهو هم تاني يوم بمشوا.
* الآن الهلال نقل تسجيلاته للخارج.
* أجانب بس.
* شغل خارجي.
* الهلال السنة دي عمل شغل في التسجيلات (عالي المستوى).
* شغل عالي جداً.
* شغل ما بقدر عليهو أي زول.
* شغل حرفاء وشفاتة.
* تشكيلة من المحترفين الأجانب.
* دي في تاريخ الرياضة السودانية ما حصلت.
* عملها الهلال الآن.
* ومن غير الهلال فوق .. فوق في العالي؟
* نحن ريادة.
* وسيادة.
* بعد خمس سنوات المريخ ممكن يستفيد من تجربة الهلال دي.
* إستفيدوا من التجربة دي عشان كلنا مع بعض نكسر الصفر الدولي.
* الهلال صفر دولي والمريخ صفر دولي.
* المريخ حقق كأس (دورة سلام مانديلا) 89 وتم إعتمادها لاحقاً من قبل الكاف تقديراً لدور المناضل مانديلا وتشجيعاً للسلام الأفريقي.
* الهلال حقق كأس بن ياس وتم إعتماده لاحقاً من قبل الإتحاد العربي تشجيعاً للوحدة العربية.
* يعني الهلال والمريخ صفر دولي.
* كأس الكؤوس هو لقب لاسم دورة سلام مانديلا.
* الصفر واحد يا حبايب.
* المهم.
* يُشكر مجلس الهلال على هذا العمل الكبير الذي تم في التسجيلات.
* صراحة شغل كبير.
* بخلاف الصرف المالي كان هنالك حُسن تصرف كبير من مجلس الإدارة في إدارة هذا الملف.
* التجنيس لم يكن سهلاً.
* تدبير الأمور والحِنكة.
* شغل شفاتة.
* في الأول خفنا وقلنا المجلس الشغلانية غلبتو.
* لكن الحمدلله في نهاية المطاف عملوا شغل محترم.
* ما قصروا تب.
* أنجزوا ملف التسجيلات على أفضل نحو ممكن.
* وهي التسجيلات الأفضل في تاريخ الهلال حتى الآن.
* بعد ده الكرة في ملعب اللاعبين.
* والتوفيق من الله.
* ونحن علينا بالصبر ثم الصبر.
* نتكاتف ونبطل تخوين وتنظير.
* خلونا نكون محضر خير.
* حتى لو في قصور وسلبيات نستفيد منها ونعالجها في التسجيلات القادمة.
* ما في كلام بتقال غير شكراً مجلس الهلال.
* شكراً العليقي.
* شكراً فلوران.
* شكراً لكن من ساهم في هذه التسجيلات.
* و.. و..
* ومنايا ليك ما وقف وإتمنيت أنا … توفيق ونجاح للهلال العظيم يارب.
العربي المسيخ لا زال مرعوب. ههه هسه الدخل المريخ شنو هنا؟ انت طبعا ما بتقدر تنوم من غير تكيل الإساءة وما الكوتة الخاصة بالتجنيس والمحترفين حدها قريب بس نوم واصحى انت وبعدين حاتشوف شعاع… انت تصنف كأس الكوؤس دورة سلام هههه وتعترف بالصرف الدولي هههااااي جلفوط مذكور في قصاصات داروين وفاقد الضنب يا عمك قهقه قهقهقه اظنك فهمت حاجة.
بس ما تبخس انجاز اخوانا المريخاب؛ كأس الكؤوس الأفريقية بطولة رسمية للكاف (ومعه كأس الاتحاد الافريقي) قبل التحول للنظام الحالي الذي تحول فيه بطولة الأندية الافريقية إلى دوري الأبطال؛ و تم دمج بطولتي كأس الكؤوس و كأس الاتحاد في بطولة واحدة هي الكونفدرالية.
الهلال لم يف ببطولة دولية خارجية رغم انه مصنف قبل المريخ كفريق القرن السوداني.
عليك الله انت سعيد بي انك بتنوم بي محترف و بتصحى بي مجنس!!!!
عليك الله لمن تكتب حاجة قبل ما تنشرها اقراها لي روحك امكن تشوف العيوب الفيها…..
كلامك دة..
دوره يا حاقد ي
تقول انا اعلامي والله فعلا
اعلام الفول كما شبهكم
الكابتن هيثم..
المريخ جاب بطوله عينك
عينك وبالرجاله وتم تكريمه
بالقصر الجمهوري..
فعلا الهلال وصل المباراه
النهائيه للبطوليه الافريقيه
ولكن كيف معروف بالرشاوي
ولو لقي فرصه كان اشتري
كاس.. لم يعين الكاف تحكيم
هجين الا في مباريات الهلال
.. لماذا يا حاقد افندي
نحذرك. من مقالاتك البايخه
دي نحذرك من غضبة
الصفوه..
دورة للفقيد كمان
الهلال زعيم الامة وسيد البلد
والنتيجة صفر كبير
اترك الاحلام يا صفرابي واصحا
؟؟؟؟؟؟؟؟