خسارة مكسب

في السلك

بابكر سلك

خسارة مكسب

*تعادلنا أمام توتي خسارة
*فبحساب فارق الخبرات والإمكانات توتي مع احترامنا لها ليست نداً
*ولكن هذا لا يمنعها حقها في أن تطمح في الفوز علينا
*بل حقها في الحلم بأن تظفر بالممتاز
*فالهلال مثلاً يحلم بالأميرة السمراء لما عجّز
*ولو كانت الأميرة السمراء راجية الهلال لأصبحت أشهر بايرة في العالم
*المهم
*من حق توتي أن تطمح وتحلم وتنجز
*لا تبخسوا لها حاجاتها
*كان تعادلنا أمامها خسارة
*وكان مكسب
*كان مكسب يذكرنا بأن الكرة لا تعرف الأسماء ولكنها تعترف بالعطاء
*كان مكسبا لأنه نبهنا لنقاط ضعف تحتاج لمراجعة
*وكان مكسباً لأنه تجربة من تجارب الإعداد لمشوار المجموعات
*يبقى لا للحزن
*طالما الفشل يعتبر تجربة ونعتبر به
*وتبقي خسارة مكسب
*المهم
*الفيفا مالها طولت قاطعه وشها؟
*وتعديلاتنا الحاصل فيها شنو؟
*ولجنة عامر قالت شنو؟
*والجمعية متييييين؟
*ومنو البحق ليهو دخول الجمعية؟
*والحاصل شنو في لجنة العضوية؟؟؟
*لكن الحاصل في الإستاد غير
*ما شاء الله
*وتحية لنفرة الجار ٢
*وتحية لنفرة المضمار الجابت أربعة مليار
*تحية للقروبات الساهمت
*وتحية للديمقراطية
*التي علمت الناس أن ينفروا خفافاً لأجل كيانهم
*لأن أساس العمل الديمقراطي يقوم على إلزام النفس بالواجب قبل المطالبة بالحقوق
*وأن تساهم بفكرك ومالك في مسيرة ناديك
*هذا يعني أنك ديمقراطي حتى لو ما عارف روحك
*السؤال الغلط هو البلد دي عملت لي شنو؟
*أما السؤال الصاح فهو أنا قدمت للبلد دي شنو؟
*الصيغة الأولى هي فكر الإنتهازية وأنصار الشمولية أرباب المحسوبية
*أما الصيغة الثانية فهي صيغة أهل الديمقراطية
*وتحية للديمقراطية وأهلها
*المهم
*يا محمد عبد الماجد
*ربنا أداكم الأمير
*لكن اصرفوا النظر عن الأميرة
*ما ممكن الأمير والأميرة
*والله لو بقيتوا الهلال السعودي ما تجمعوا بين الأمير والأميرة
*وكتب الحبيب محمد عبد الماجد عن حاجة الهلال لسبعة من نجوم المريخ عشان يظفر بالأميرة
*ونسي محمد أن في هذا اعتراف بأنو السبعة ديل ما ليهم مثيل في المائدة الأميرية
*سبعة يا مفتري؟
*طيب التشكيلة بتاعتكم فضل فيها كم؟
*أظنها الخجلة هي التي منعت صديقي من التصريح بأنو الهلال لو ما جاب حداشر من المريخ ما بشيل الأميرة السمراء
*شكراً ياحمادة على ترشيحك لنا بالظفر بالأميرة.
*أيها الناس
*لسسسه عند كلمتي
*اهتموا بالصغار تبقوا كبار
*المهم
*نحتج على الاتحاد
*نحتج على لجان الاتحاد
*ثم نعود لنمارس الصمت عند الترشيحات للاتحادات ولجانها
*الاحتجاج يجب أن يكون بالعمل
*والآن الفرصة سانحة بغياب المؤتمر الوطني
*والكلام ده ساااهل
*لما فكرنا في تغيير اتحاد السلة المحلي
*غيرنا الاتحاد المحلي والعام
*في أقل من عام
*وعندما تم فتح باب التنافس لرئاسة الاتحاد المحلي لكرة القدم
*تقدم حسن عبدالسلام
*ودفع المريخ بمنافس مريخي لحسن عبدالسلام المريخي
*هكذا كنا ندير معارك إنتخابات الاتحادات
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا
*تاني اترّست علينا
*غلبتكم ولا شنو يا والينا؟؟؟؟

سلك كهربا

ننساك كيف والكلب قال في ناس بقوا يقولوا غشيتونا ارح القيادة بنوديكم العيادة ارح القيادة بنوديكم العيادة مشينا القيادة قفلتوا العيادة ومرضتونا
وإلى لقاء