• بالله دي وصية مهمة للاعبي القمة.
• عليكم الله حاولوا قدموا مباراة تليق بسمعة السودان.
• قصدي مستوانا زمان.
• زمن جكسا وماجد وكمال عبدالوهاب وصديق منزول.
• ما زمنكم دا.
• يعني بالعربي كدا الدافوري بتاعنا دا انسهو هنا.
• عايزين مباراة كبيرة في اي حاجة.
• ماف داعي للفضائح.
• الاحتجاج والكلام الكتير ما التحكيم ما بنفع.
• والمشاكل بين اللاعبين والعفص والدفسي ما حبابو.
• دي كورة ودية والناس ديل قدموا لينا دعوة عشان نحتفل معاهم بذكرى الراجل الطيب زايد.
• ويعني شنو كان واحد من الفريقين اتغلب.
• أهو دا ريال مدريد اتهزم من برشلونة بالخمسة.
• في حاجة حصلت.
• شفتو ليكم لاعب ولا اداري جاري ورا الحكم.
• ولا حتي الجمهور بكورك ويسيء لي زول.
• وديل كمان ناس الكورة جد جد.
• بدفعوا قروش تقيلة والتعاقد مع لاعبين بملايين الدولارات.
• ما زي ناس المحترفين بالكوم.
