صحيفة كورة سودانية الإلكترونية

دي موش كورة

81

في السلك

بابكر سلك
دي موش كورة

*ماشاهدناه بشندي لايمكن ان نطلق عليه كرة قدم
*كان قلنا كرة قدم ربنا بحاسبنا
*الكضب حرام والقبر قدام
*تسعين دقيقة جملة تكتيكية واااحده مافيها
*ماممكن نقول كرة قدم
*تسعين دقيقة تصويبة طايشه ساي نحو المرمي مافي
*ده بكون سويدي ساكت ما كرة قدم
*تسعين دقيقة وعمق دفاعنا فاااالتح
*ده ماعمق دفاع
*ده خور ابو عنجة
*تسعين دقيقة واطرافنا زي المكنة البدون اطراف
*ده ببقي ماتوظيف ولا لعب نضيف
*تسعين دقيقة مخجلة لانبرئ اللاعبين منها
*لانهم المدان الاول
*عذر ماعندهم
*قابضين لي حافز كادوقلي
*وشبعانين ضان في كرامة تيري
*عذر مافي
*فأهلي شندي لملم ناسو من بيوتهم
*لاقابضين ولا متمرنين ولا ضاربين الضان
*يجوا يخموا ناسنا بهفوة في خور ابوعنجة
*تبقي القصة ماكل اسبابها في الرصة
*التشكيلة لم تكن مثالية
*ولكننا لاندري اسباب ابعاد عناصر كان يمكن ان تكون افضل من التي مثلت بالشعار
*علي كل
*اذا كان كبار اللاعبين عندنا قد اعتادوا علي فقدان الممتاز
*عادي يعني عندهم
*فلن نستغرب من شرود رمضان ولا برود امير
*بس الخوف ناس زردية يمسكوا الوردية ويتعودوا علي خسارة الممتاز عادي
*اذا كانت تلك روح كبار اللاعبين
*فطبيعي ان يكون التمهيدي هو محطتنا الاخيرة
*لكن المحيرني
*تلاتة محاور بدون اجندة يا جيمي دي ماصعبة شوية؟؟؟
*اولادنا زي حكومتنا
*متخصصين في قتل الامل جوانا
*اسي الجاب الحكومة شنو؟؟؟
*حكومة لابتهش ولابتنش
*جايبين سيرتها فوق كم؟؟؟؟
*هي ذاتها هاميها الكم؟؟؟
*عارفة الدولار وصل كم؟؟؟
*عارفة رطل اللبن عمل كم؟؟؟
*عارفة وقفتنا في الصفوف من كم لي كم؟؟؟
*دي حالتها حكومة كفاءات
*امال لو كانت حكومة محاصصات ومخصصات ورب رب رب
*كان صفوفنا وصلن مدني؟؟؟؟
*اسي الجاب سيرة مدني شنو؟؟؟
*لكن مفروض نجيبها
*عشان مدني ماتغرق
*الخوف بعد الغرق نسمع
*اني اتنفس تحت الماء
*حزب يطالب بعدد من الولاه يتناسب مع حجمه وقواعده
*ونتحدث عن الكفاءات
*كل الترشيحات لجميع المهمات والملمات تقوم بها فئة من دون الفئات
*ونحنا نغني
*الفات وفات
*في ديلو سبعة حكومات
*والزول ضرب التلفون
*والعسكر واقف طابور
*العسكر واقف طابور
*في جيبو
*وعد بلفور
*وعمي علي بياع الزيت
*عربيتو مربوطة بخيط
*وبايته في الطلمبة
*ايها الناس
*حمدوك في هذه المرحلة مهم جدا لكنس وسخ الخارج الذي ورثه السودان
*ولكن بعد النضافة الله يستر
*ماعداه مافي زول عاديهم
*والشعب يحرس ثورته بنفسه
*والحركات المسلحة تحرس ثورة الشعب من بعيد الي حين التوقيع
*ووقتها
*الهول ضرب التلفون
*والعسكر………
*قولوا عمك سلك واحد مجنون
*واريتني اجن وازيد في الجن
*بس انتوا ماتجنوا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*بنزينك عليك ولا علينا؟؟؟
*البلد يبست طوابينها
*نملحها بالتوشيوز ولا شنو يا والينا؟؟؟
سلك كهربا
ننساك كيف والكلب قال حتت دلقان ونقطت سلس بتفطرنا و بتغدينا وبتنسينا الغبينة
والي لقاء
سلك

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد