*صدر قرار المحكمة العليا في زمن تلاشت فيه امانة الشباب تلك التي خمجت الحياة الرياضية في البلاد وخرمجتها
*عقب اعلان فوز سوداكال بالتزكية
*تناثرت الطعون ضده هنا وهناك
*وتضاربت قرارات المفوضية وتصريحاتها
*ولن ننسي ذلك التصريح القبيح
*الموضوع طلع من يدنا
*المهم
*رئاسة المريخ مدنياااااو
*دليل علي ان الديمقراطية مرقت من نادي المريخ للشارع
*ومجلس المدنيااااو ليس بالمجلس المؤبد
*فبمثلما اتي به قانون
*يذهب به قانون
*سحب الثقة منه
*هو سلاح شعب المريخ في حكمه لمريخه
*لكن يمشي بقرار وزير وكلام مفوض وتدخل امانة شباب تاني مافي كلام فارغ زي ده
*ده زمن اصبح ذكري
*وملاواة مابتجيب حقها
*قوانين ولوائح تحكم الامر
*خرج الشعب لاجل صناعة دولة القانون
*والقانون بقول وزير نهي تدخلات في مجلسات اندية كهيه بالمرة بالكل
*ايها الناس
*حينما ساندنا الديمقراطية كقيمة سامية
*ساندناها بالفهم ده ولليوم ده
*وقتها كان كثير من ثورجية اليوم يساندون تدخلات الحكومة في الامر الرياضي
*لانهم كانوا يستبعدون اليوم ده
*كانوا يرونه بعيدا وكنا نراه قريبا
*المهم
*قرار المحكمة في تقديري ليس خبرا مفرحا لسوداكال
*لانه وضع الكرة في ملعب آدم
*فعندما كانت الكرة في ملعب امانة الشباب والمفوضية وولاية الخرطوم
*اعتذر سوداكال عن تحمل الصرف علي النادي بحجة عدم الاعتراف به كرئيس شرعي للمريخ
*اها يا آدم
*المحكمة العليا والبلد بي ظروفها دي اعترفت بيك رئيس لنادي المريخ
*يبقي يدك المسكتها عليك بسبب الطعون
*يجب ان تبسطها كل البسط
*ونحنا ماناسيين قصة الطيارة الخاصة والعلمية في إدارة ملفات النادي وايجاد الاستثمارات التي تقي الناس شر ادخال النادي في جيوب الافراد وفي كشوفات مديونيات الفيفا
*بعد ده عذر ماعندك
*وزي ماجيت بالقانون
*ونصرك القانون
*اذا قصرت
*برضو القانون بدينا حق سحب الثقة من مجلسك برغم قرار المحكمة العليا
*لذا اجد ان قرار المحكمة محرجا لآدم مامفرحا
*ياسوداكال
*عضوية المريخ اليوم عضوية اقرب للحقيقية منها للمحشودة
*فالناس قد وعت دور العضوية جيدا
*لذا تكالب الشباب المتعلم والمثقف والثوري لنيل العضوية
*يعني عضوية ام راس ماعضوية بالراس
*والحاكمية للشعب
*والكورة في ملعبك
*والهوا لو دردقها ملعب الجمهور
*صدقني تتلفت تلقاها في الشبكة
*والقانون
*يسندنا
*فنحن في دولة القانون المدنيااااااو
*المهم
*كردنة جا؟
*بالطريقة دي كيف ياروشا!!!!
*اول مرة اشوف لي نادي بدون رئيس
*بدون انجاز افريقي بلعناها
*بدون رئيس دي كيف بس؟
*القصة دي لو صعبة جيبوا زول من الادارة الاهلية لما الله يفرجها عليكم