راجل البلد

في السلك

بابكر سلك
*نصر مستحق
*تأهل بطعم البطولة
*سبعة مليون دولار في طريقها للسودان
*يابنك السودان افتح خزائنك الخاوية دي
*واجهز للدولار الجاييك
*سبعة مليون دولار ستحل مشكلة البلد
*ومشكلة البلد مايحلها الا راجل البلد
*فعلا راجل البلد يامريخ
*زغردي يافطومة
*قولن جق يابنوت
*البلد بلد البنت والولد
*وعشان كده
*ولاجل البلد والبنت والولد
*قرر راجل البلد يحل مشكلة البلد
*وتسقط بس
*المولودية
*ايها الناس
*باص بكري مبالغة
*نفس الباص بتاع كورة اتحاد الجزائر
*من نفس الحتة
*وفي نفس الملعب
*ولي نفس الميدو
*بكري يجدع( بكسر الدال)
*وميدو يبدع ويمتع
*احبك ياكردنة
*لازم نكرم كردنة
*وروشا
*وفطومة اختي
*والفريق الزامبي اسمو شنو داك
*راجل البلد قرر يحل مشكلة البلد
*و يحل مشكلة سيد اللبن
*سيد اللبن مشكلتو عويصة
*لبنو بقطع
*ورطلو مقدود
*والتمنة مصفي بس
*يحلب يملي التمنة
*ويزيدها موية
*ويتحرك
*حمارو اشتر
*بمشي وينطط
*يكشح كل اللبن
*ولما سيد اللبن يصل محل ببيع اللبن
*يلقي رصيدو من الارطال صفر
*زايد اللبن موية
*وبعد ده لا لمه في اللبن ولا الموية ولا شرف الوطن
*راجل البلد قرر يحل مشكلة سيد اللبن
*سبعة مليون دولار دي
*تقلب النيل نهر لبن ياسيد اللبن
*ايها الناس
*وضعنا ايادينا فوق بعضها
*فكان نصرا جميلا فيهو جماعيتنا
*كان استادا جميلا يحكي روعتنا
*وكان تأهلا جميلا سبب فرحتنا
*وكنا
*وضع ايادينا فوق بعضها موش افضل من وضعها علي قلوبنا؟
*لنردد عبارات الانكسار
*البقدر منو
*البدفع منو
*البعالج منو
*البعسكر منو
*البسجل منو
*البدرب منو
*وغيرها من عبارات فقدان الثقة بالنفس
*امة المريخ تستطيع ان تقوم باي شئ
*وهاهي الظروف قد اختبرتها واستدعتها
*فكان المريخ في مربع العرب الذهبي
*لو ركنا للاحباط لكنا الآن نندب الحظ العاثر ونلطم الخدود
*ولكنا كنا
*تحية لامة المريخ فردا فردا
*يا امة الأمجاد
*ايها الناس
*نحن الآن ننعم بمقعدنا في نصف نهائي العرب بجدارة
*لا لشئ سوي ثقتنا بانفسنا
*فما بال بعضنا الذي كان يفقد حتي الثقة في تأهلنا لدور النخبة؟
*ايها الناس
*اذا الشعب يوما اراد الحياه
*لابد ان يستجيب القدر
*هاهو الشعب يريد الحياة
*شعبنا
*شعب المريخ اراد الحياه
*لذا استجاب القدر
*ايها الناس
*الصبر طيب
*ولما صبرنا
*اكدت الثوابت ان الزولفاني شاطر لا مجرد محظوظ
*وان الحرفية التي يؤدي بها الاولاد
*ليست الا احترافية مدرب
*مبروك للمدرب الشاطر الصابر المثابر
*وتحية كبيرة لاعضاء مبادرة الجار الذين سلمونا القلعة وكأنها صالة افراح
*فكانت الافراح
*والتحية للاولاد فردا فردا
*وللجمهور الذي حضر وابدع
*لسسسه الغيابات علي المدرجات ظاااهرة
*المهم
*ياناس الاتحاد العربي
*جائزتكم دي بسيطة ومابتغطي معانا
*باص العقرب القبل السنتر ده من محلو بخمسمية الف دولار
*لعبو مرتين
*مرة امس ومرة يوم اتحاد العاصمة
*اها ديل باصين بمليون دولار
*سبعة مليونكم دي تاني الفضل فيها شنو؟
*قروشكم دي بسيطة مابتغطي معانا
*من هنا للمربع الذهبي زيدوها
*اي شئ زاد
*بقت علي سبعة مليونكم دي يعني!
*ايها الناس
*قون محمد الرشيد زي الشوط في الكرة الطائرة
*رمضان باصاها
*ضياء ريزها
*الرشيد شات
*كورة طايرة بس
*كورة النجم دايرين قون ضانك لي ناس السلة
*وقون فراشة لي ناس السباحه
*وقون من السيرف لي ناس تنس الطاولة
*قون الحواجز ده العقرب بجيبو براهو
*ولكن
*ماذا حدث للعقرب؟
*هل هي نفس الاصابة؟؟؟؟.
*ايها الناس
*تحية لكل من اسهم في هذا النصر
*وتحية خاصة مني لشيخي بدرالدين زول الالفية
*والمجد والخلود للشهداء
*شهداء الجزائر
*بكري لعب الباص ورا المقابر
*خلف المليون شهيد
*ولكنه عهد جديد
*ايها الناس
*ان تنصروا الله ينصركم
*اها
*نجي لي تاتشرات اقصد شمارات والي الخرتوم
*والينا
*امس اتأهلنا بارك لينا
سلك كهربا
ننساك كيف والكلب قال حايباركوا لينا كتيييير…ايامنا يافردة
والي لقاء
سلك