صحيفة كورة سودانية الإلكترونية

رصاص وجثث !!

31

بالعربي الكسيح
محمد الطيب الأمين

* في الدين الإسلامي إذا (ادعيت) المرض فإنك ستمرض وستموت..
* لا تتمارضوا فتمرضوا فتموتوا..
* يعني لو صاحبك عزمك (سماية) وانت ما عندك نية تمشي ما تقول ليهو ( أنا عيان ما بقدر)..
* ما تعمل المرض شماعة عشان ما تبقي عيان بالجد..
* العاقل هو الذي يتظاهر ويدعي العافية حتى ولو كان يشعر بالمرض..
* أحيانا انت تدعي المرض عشان تتخارج من حاجة لا تسوى شئ ..
* ما عايز تمشي قول عندي ظرف لكن ما تقول (عيان وعندي ملاريا)..
* ح تمرض وح تموت..
* وبما إن ذلك كذلك فنحن وبعيدا عن كرة القدم لم نحس بأن هنالك مشكلة أمنية في الخرطوم..
* الإحساس دا نهائي ما جانا ..
* ما حسينا بالحاجة دي لا أمبارح ولا أول أمبارح ولا اليوم..
* لو في مهدد أمني طبيعي جدا نحس بيهو..
* ما في مهدد أمني بيكون صامت أو غير محسوس..
* طالما هو وصل مرحلة يبقي (مهدد) قطع شك بيكون محسوس..
* وإحنا ما حسينا والله العظيم..
* يا ربي يكون عندنا مشكلة في الإحساس ؟؟
* الخرطوم آمنة للحد البعيد..
* الناس بتساهر في شارع النيل وأندية المشاهدة لحدي الثالثة صباحا ولا احد يخشى شئ بخلاف النعاس وربما البعوض والحمدلله..
* من شدة الأمن والأمان ما بنخاف إلا من البعوض..
* ودي نعمة كبيرة..
* البقالات فاتحة وشغالة لحدي واحدة صباحا، المواصلات بالنهار زحمة لكن بالليل شغالة لحدي أتنين صباحاً..
* عمارة الدهب بتلقي الدهب يلمع ولا في زول بمد يدو..
* الأعراس مدورة والزغاريد والناس خالطة في حدائق حبيبي مفلس والمطاعم الفاخرة..
* أمن وأمان والحمدلله..
* ولا يوم ما حسينا إنو الخرطوم فيها إشكال أمني، ونسأل الله أن لا نحس بهذا الإحساس مطلقاً..
* الخرطوم التي تعتبر هي في صدارة العواصم الآمنة يجب أن لا تدعي غير ذلك..
* الرياض فيها كركبة وتفجيرات ، القاهرة فيها مسيرة ومظهرات، سوريا فيها رصاص وجثث ، غزة فيها دموع ودموم ، طرابلس فيها بلطجية وقطاعين طرق، العراق فيها حذر وطوارئ ، أما الخرطوم فيها أمن وأمان واستقرار والحمدلله..
* أنا قلت الكلام الفوق ده بعيدا عن الرياضة..
* طيب نجي للمباراة التي تم تأجيلها لدواعي أمنية..
* نحسن الظن ونقول أن السلطات في ولاية الخرطوم تخشى أن ينزل الهلال هزيمة قاسية علي المريخ تجعل جمهوره يخرج عن طوره ويبدأ ثورة التكسير من جوة الإستاد وتنطلق نحو الشارع..
* نفترض أن هذا هو المقصود بالدواعي الأمنية..
* طيب أول حاجة لو المباراة أقيمت بالأمس فإن جمهور المريخ الذي سيدخل الإستاد لن يتجاوز الألف..
* هم أصلا شوية وغير كده بخافوا من الهلال..
* شايفين الهلال مدور ما بقدروا يدخلوا الإستاد..
* كانوا ح يدخلوا حوالي ألف شخص ..
* الألف ديل لو جبتوا ليهم خمسين عسكري من مكافحة الشغب ح يجروا عديل ..
* بمبان واحد ما بتلقوا ولا زول قاعد..
* والله صحي..
* الحاجة التانية كونو الهلال يفوز علي المريخ دي حاجة عادية وطبيعية وما فيها شئ..
* الهلال بفوز علي المريخ لو الرئيس قريش او الوالي او سوداكال..
* المريخ مستقر ولا ما مستقر هزيمته ما صعبة ..
* اربعطاشر سنة المريخ مع جمال في استقرار ونعيم مالي كبير لكن المحصلة في كل السنوات كانت وصافة حمراء..
* يبقي العادي خسارة المريخ والما عادي تعثر الهلال..
* الحاجة التالتة: اصلا جمهور المريخ بيكسر الكراسي لانو ما عندهم وجعة لأن الكراسي ركبتها الحكومة ..
* وأحب اطمنكم ناس المريخ ممكن جوه الإستاد يكسروا الكراسي ويجوطوا لكن في الشارع لو جبتوا ليهم عربية دورية واحدة بس بتلقوا الشارع فاضي..
* المهم .. أنا كمواطن ما حاسي إنو الخرطوم ما فيها مشكلة..
* صحيح المريخ فيهو مشكلة ولكن المريخ ليس هو الخرطوم وليس هو النادي الأكثر جماهيرية في السودان..
* الشرطة والأجهزة الأمنية التي نظمت فاصلة مصر والجزائر هي قادرة على حفظ النظام إذا خرجت جماهير المريخ (البسيطة اصلا) عن النظام..
* نحن عمرنا ما شككنا في جهاز الشرطة بل ثقتنا في الشرطة وكل الأجهزة ثقة عمياء..
* عشان كده ما بنقبل يقولوا دواعي أمنية عشان المريخ ولا حتى عشان الهلال نفسه..
* اليوم المباراة معلنة وإذا رفض الهلال اللعب لن يلومه أحد..
* لانو نحن ما (لعبة) عشان يقولوا لينا شمال نمشي شمال يقولوا لينا يمين نمشي يمين..
* لكن أنا بتمنى الهلال يلعب..
* بشة لما يجيب القون لو في حرب بتقيف..
* ولو خايفين من الجمهور جيبوا ليكم خمسين عسكري وما في مريخابي بقدر يفتح خشموا..
* جمهور صبر على فشل جمال الوالي 14 سنة قطع شك سيصبر علي هزيمة الهلال في 90 دقيقة..
* ديل يا سعادتك اخدوها سبعة في الأردن وقعدوا يغنوا نهواهو في كل الظروف..
* وغايتو جنس غايتو..
* ونركب صافنات ونجيبة (هلالابية) واصلو الزول بيموت والذكرى تفضل حية..
* و..و..
* ومصابك سميرك..

 

 

التطبيق               

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app 

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

 

حمل تطبيق كورة سودانية لتصفح أسرع وأسهل 

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملوh

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app

 

 

 

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد