صحيفة كورة سودانية الإلكترونية

زولفاني عيبو الشنب يعني؟؟؟

40

 في السلك

بابكر سلك
زولفاني عيبو الشنب يعني؟؟؟

*نقلت الاسافير ان راتب مدرب المريخ الجديدة ابو شنب
*تلاتة الف دولار شهريا
*والمتفحص لعدد شعرات شنب عمك شنبو بلقاها اكتر من تلاتة الف صوفة
*هذا الراتب البسيط بحسب رواتب المدربين الاجانب
*ليس كافيا للحكم علي فشل هذا المدرب مسبقا
*لان نظرية الغالي بغلاتو مع المدربين مابتشتغل
*فيا ما غاليين بغلاتهم ماضقنا حلاتهم
*بل خرجنا في عهودهم من التمهيدي وخسرنا حتي الدوري
*لنعود ونفوز بسيكافا ثري في عهد محسن بي رخستو وبرهان يوريك مغصتو
*والخروج من التمهيدي في عهود الغاليين بغلاتهم
*لايعني فشلهم ولايعني فشل المدرب اب راتبا كبير
*فسيرهم الذاتيه كانت تتحدث عنهم قبل ان نفكر فيهم
*ولكن قصة الطيران من التمهيدي دائما يعود سببها للطريقة التي يدار بها النادي
*فوضي وشلليات ومحاباة وعدم انضباط وتصرفات مخجلة
*مثل تلك التي قادت صديقي معاوية الجاك للحديث عن شلة الهيلتون
*ومن تلك الامثلة اسباب سبعة الوحدات التي لاتخفي عن الجميع
*والتي كان موقف مجلسنا وقتها منها موقفا لايخفي علي الجميع
*وبقيت سبعة الوحدات عار علينا في سجلات التاريخ
*وبقي موقف ذلك المجلس عار عليه الي يوم الدين
*المهم
*بعضنا يقيم الامور ماديا
*حيث يعتبر الجودة تكمن في السعر الغالي
*وده تقييم خاطئ
*اذكر ان نسيبا لينا اخصائي ثياب نسائية
*يصممها في الخارج ويختار الخامة ويصنعها
*بحكي لي قال لي
*مرة جبت تياب نوعين
*نفس اللون والتشكيلة
*بس الخامة بتختلف
*وختاهم في الدكان
*الخامة الجيدة بخمسمية التوب
*بدري الكلام ده
*والخامة الاقل جودة بميتين خمسة وسبعين
*ابو خمسمية قرب يكمل
*وابو ميتين خمسة وسبعين راااقد
*معاهو عامل في الدكان قال ليهو
*النسوان ديل شفتات خلاس
*النوع الاقل جودة اصلو مابشيلنو
*صاحبي قال ليهو لاشفتات ولاحاجة
*خت ديباجة الخمسمية علي النوع الاقل جودة
*وخت ديباجة الميتين خمسة وسبعين علي الاعلي جودة
*وآخر الشهر اديني النتيجة
*آخر الشهر كانت النتيجة
*النوع الاقل جودة العملوا سعروا خمسمية كمل
*والنوع الجيد العملوا سعرو ميتين خمسة وسبعين قاعد ردوم
*صاحبي قال للعامل قلت لي النسوان شفتات!
*خت في النوع الجيد الفضل ديباجة سعر سبعمية وخمسين
*تاني يوم كل الكمية كملت
*دي الطريقة البقيم بيها بعضنا المدرب الاجنبي واللاعب الاجنبي
*عشان كدة كثير مننا حكم علي اب شنب من خلال الراتب المتداول علي الوسائط
*ايها الناس
*اذا كان الراتب الف دولار كتير مقارنة بظروف البلد العامة وظروف النادي الخاصة وظروف المجلس التي حيرتنا
*واذا دايرين نبني نادي بطولات
*يجب ان نستفيد من اي مليلم استفادة قصوي تؤسس لنتائج مستقبلية لا آنية
*فالظفر ببطولة ساهل جدا
*ولكن بناء تيم بطولات هو الانجاز والاعجاز
*لانك لما تهدف لنيل بطولة في موسم
*تبذل قدر البوصلك الليلة للبطولة
*حتي ولو كانت نتائج ذلك التدحرج للدرجة الادني بعد نيل البطولة تلك ولو كان سبب ذلك عقوبة لمديونية تمت في عهد التتويج مرة لا لبناء تيم بطولات
*لسسسسسة
*بدري علينا كتير
*المهم
*طالما المجلس يسعي للتعاقد مع مدرب اجنبي
*فوت الزولفاني ليييه؟؟
*مع العلم بان الزولفاني عمل في ظروف صعبة اقلها الاصابات التي اهمل المجلس في علاجها وتواضع المعسكرات وتأخر المرتبات الذي يهبط بالنفسيات
*ضف الي ذلك الحرب المنظمة التي شنها بعضنا بقوة علي الرجل حتي من قبل وصوله للسودان
*تتذكروا المريخابي الرسل للزولفاني محذرا من التعاقد مع المريخ؟
*اها ده واحد مننا
*ودي النوعية البتزيد جننا
*عشان كدة انا في حتات كتيرة بقول بعضنا
*لانهم للاسف بعضنا
*المهم
*الزولفاني مشاهو مجلس الوفاق
*لانو اعضاء المنتخب الذين قبلوا بالوفاق لاشخصية لهم داخل المجلس بسبب ايد الشيخ عطية الملوية التي لاتساهم في تسيير الامور بالنادي
*ووقتها سوداكال جعل يده مغلولة الي عنقه كرد فعل للخيانة التي حدثت عند قبول الوفاق
*ومادبو كان بره في فرنسا
*واعضاء المجلس المضاف كانوا مضغوطين من المقربين والاوصياء
*قاموا لارضاء قادة الحرب علي الزولفاني رفضوا تجديد العقد مع الرجل
*وعاد مادبو بعد فوات الاوان
*وهاهو يسعي للتعاقد مع اجنبي جديد تنظرة حرب ضروس
*عرفتوا ليه بقول ليكم المجلس ده غير سوداكال ووزير ماليتو مافي زول ناقش حاجة؟
*واسد لما يتزنق يقول ليك الامور مرتبة؟؟؟
*تصريح عائم لايفيد السائل في شئ
*ايها الناس
*ياناس المجلس
*اكرمونا بالنظام الاساسي
*وساعدونا في تغييركم بالافضل
*بس بالقانون
*واذا عندكم رأي زمن الغتغيت انتهي
*قولوهوا
*ايها الناس
*نفهم بالتعاقد مع اب شنب انو زولفاني عيبو عدم الشنب؟؟؟؟
*المهم
*قالوا كردنة اجازتو المرة دي طوييييييلة
*حايقضيها معانا
*مرحبا بالرجل في وطنو الثاني اقصد الاول
*لكن بصراحة بص الهلال تبرع من الراجل
*ايها الناس
*ان تنصروا الله ينصركم
*اها
*نجي لي شمارات والي الخرطوم
*شوف يا والينا
*فيما يتعلق بالوثيقة الدستورية
*كلام مولانا وهبي واضح لينا
*الا كان في لولوة ساكت من بعضينا
سلك كهربا
ننساك كيف والكلب قال رضيتوا ابيتوا الموضوع ده انتهي والالفة كتب المهرجلين والجلد بدا
والي لقاء
سلك

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد