في الصمت كلام
محمد عثمان بلل
زيدني من دلك شويه وكتر من (البلنتيات) ..!
• الليلة الوصيف عنده مباراة مع الفرسان.
• أكيد في بلنتي مضمون.
• بغض النظر عن النتيجة.
• لو حتي الوصيف غالب عشرة.
• برضو في بلنتي.
• يكفي ما حدث في مباراة النمور.
• تم احتساب ركلة جزاء لفريق الحكام بعد ثلاثة اهداف.
• أظن الحكم لم يتذكر احتساب ركلة الجزاء أولاً.
• عشان كدا منح الوصيف الركلة بعد الثلاثية.
• معليش يا حكم (النسي قديمه تاه).
• (تاه في يوم الزيارة).
• وبالمناسبة دي عايزين نعمل مسابقة لجمهور الوصيف.
• توقع في اي دقيقة من مجريات مباراة اليوم سوف يحتسب الحكم ركلة جزاء للوصيف واحصل على جائزة قيمة؟
• ما علينا.
• نمشي لمجلس كردنه.
• لسه نايم في العسل ولم يقوم بردة فعل تجاه محاباة الوصيف.
• وبعدين.
• امام الهلال مباراة ثأرية يوم السبت.
• طبعا الكأس محسوم.
• الله يجازي الكان السبب.
• ضيعتوا حقوق الهلال.
• (إستئناف ايه الجاي تقول عليه).
• الهلال أصبح يخسر بطولات مهمة بسبب أخطاء ادارية.
• (دا اهدر لمجهودات اللاعبين).
• (يا حليل الهلال).
• (هلال البابا .. والأرباب .. والبرير).
• ما في زول كان بقدر يتعدي على حقوق الازرق.
• (وتاني يا حليل الهلال).
(صمت اخير) ..
• زيدني من دلك شويه وكتر الاشواق عليا
• بكره قلبك يصفو لي وتملا بالأنوار عينيا
• في بحور الشوق مسافر مسافر زادي نظره وابتسامه
• يوم اشوفك ابقي وارسي بر السلامات القي نفسي بين ايديك
• انسي عيني في عينيك انسي كل الدنيا حولي الا انت وشوقي ليك
