في السلك
بابكر سلك
* امس شفنا صولون
* بركة الفطرناهو وماسجلناهو
* لكن العملها توماس فلمنقو امس بتأهلو للدخول في قائمة الهلال للجنة الانضباط
* زول يعتدي بالرفس بعد صافرة الحكم
* الشريط قاعد
* المهم
* اليوم نلتقي جيش سوريا الشقيقة
* يجب ان لانركن لمباراة لبنان
* الكورة ديك كانت بي ظروفها
وعلي الاولاد داخل الملعب امتاعنا حد الثمالة
* ولكن بجدية وغيره
* اداء باحتراف وحرفية
* وعلي الشفوت التواجد بالقلعة بكثافة تحت شعار كل القوة القلعة جوة
* نريد من الجماهير ان تعيد ابداع 2015
* نريد للجماهير ان تنافس بعضها في الابداع التشجيعي
* واتمني ان يكون اولتراس الجوارح قد اعد دخلة رائعة كعهده
* اولاد اولمبيوس مابتوصوا
* وافتقد الاسود وتورنيدو وغيرهما
* تجمع الروابط يشكل حضور انيق في كل الظروف
* واري التعبئة تعد عدتها
* نريدها كرنفالا جماهيريا كبيرا
* فالمباراة منقولة لكل العرب
* لازم يشوفوا العجب
* ولعل الامور المشتركة مع شيخ شيوخ مايرنو قد اتت اكلها بالذات في الكور البنفضها الحارس ولا تحتاج لنفض
* مدد
* نريد ان يتوقف الزمن برهة معبرا عن دهشته
المهم
* مباراة اليوم ليست سهلة
* وفريق الجيش ليس كما يصوره الصفراب
* والاقدار تسطر في السماء ولاتسير كما ترسم بمايرنو او مايو
* والله موجود
* والله لايصلح عمل المفسدين
* لانريد ولا نستطيع التدخل في عمل الجهاز الفني
* ولكن اشراك محمد داؤود بمعنويات مروي يثبت اقدامه ويكسبه الثقة
* انها مجرد امنية لا تدخل في عمل الجهاز الفني
* المهم
* نجي كلنا
* نشارك في اعلان تأهلنا وصناعة نصرنا
* وياحبذا لو ضمت المقصورة كل الرموز
* تعبيرا عن دخولنا لحقبة جديدة اساسها التصافي واثاثها صالح المريخ الانيق
* فنحن من نفر عمروا الارض اينما سكنوا
* وهل لنا سكن غير المريخ
* المهم
* نريده انتصارا علي حركة التمرد السودانية قبل الجيش السوري
* ونتمناها رباعية
* السياحي والعقرب وميدو وداؤود
* ايها الناس
* السياحي تيري يمكنه ان يقود وفدا سياحيا بمفرده من هنا لي السبلوقة والبجراوية وكريمة
* ويعود بنفس الوفد للدندر
* ومن هناك لي مارينو
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* شعبك من صف لي صف نلاقيهو ويلاقينا
* اظنها حركة منكم لتقوية صلة الرحم بيننا
* ما من العدم يا والينا
* ايها الناس
* فالنصبر علي كوكو
* ولنمنحه الفرصة
* يا حبذا لو الليلة اشركناهو
* عشان يكون حكمنا عليهو صحيح
* ومانندم
* تتذكروا شيمليس ??
* تيري ده زاتو السنة الفاتت موش ابيناهو في الرديف
* حقو مانستعجل
سلك كهربا
ننساك كيف والكلب قال وحدوا الصفوف عشان تفركشوا الصفوف
والي لقاء
سلك