سلامة التش

كدة الكلام 🤙 مافيهوش شتايم حتي الهلالاب علي المستوى الرسمي والجماهير والكتاب تحسروا على اصابة التش لانه لاعب خلوق ومبدع لدرجة الادهاش
نتمنى ان ترتقي الصحافة لمستوى الاخلاق لا المكايدات

إصابة اللاعب التش أحزنت كل الرياضيين يا عمو أبو دليبة، لكن ده ما معناته إنو طواااالي تمشي ترجعنا للاعب عماد عبد الله وفاوله الزماااااان داك وتحاول تثير الجماهير عليهو من جديد، وحتي جريدة الصديد الإنت بتكتب فيها الليلة جايبة خبر وذاكرة فيهو بالبونط العريض إنو اللاعب التش قال اللاعب الكنغولي ما لمسه، عشان كدة سيبك من الإسترزاق عبر إشعال النيران وإثارة الفتن ومحاولة إعادة نبش جراح الماضي وإثارة الجماهير على لاعب بياكل عيش من الكورة، ولا كمان نقوم نرجعك لإصابة وتصفية المرحوم والي الدين زي ما بتقول من قبل الضو قدم الخير…. ولا نسيت ؟
نحنا برضو بنعوذ بالله منك ومن شرك يا عدو الحكام !!
* شيء غريب لاحظته في اعتداء عماد عبدالله السابق على التش واعتداء اللاعب الكنغولي عليه من الخلف.. حيث وقع الاعتداءان في نفس الموقع من الملعب.. جوار خط منتصف الملعب مع خط التماس الغربي!! 😂😂😂 بالمعني كدة إنو اللاعب مكجر في الحتة دي، والشغلانة على كدة عاوزة ضبيحة في الموقع ده 😆😆😆
غايتو أبو دليبة ده شكله بتاع أناطين ودجل وشعوذة، أعوذ بالله…….!!