سلبية سلام وعدالة

في السلك

بابكر سلك
سلبية سلام وعدالة

*أمس الماسورة نقطت
*ولو مهاجم العرب استثمر الانفراد
*الماسورة كان دفقت عديييل
*نحن ذاتنا ماسورتنا قربت تنقط
*الحكم رازاها رازاها
*لكن ربك ستر أبت تنقط
*قانون التحكيم الجديد ده صعب شديد
*باب البلنتي
*الفصل الأول
*الحكم الشاطر لازم يدعم المدعوم ببلنتي
*الفصل التاني
*الحكم الجيد
*الحكم الجيد لازم يغض الطرف عن أي بلنتي يرتكبها المدعوم
*الفصل التالت
*الحكم الصاحي
*الحكم الصاحي لازم ينوم على أي أوف لصالح المدعوم
*يعني يفضل صاحي اليوم كلو؟… لازم ينوم
*إذا توافرت الصفات أعلاه في الحكم
*بنتقل لدرجة أعلى
*وهي باب النقض
*وهنا يمنع طرد الغربال ولو نقض مشاطو
*وبابه التاني
*نقض أهداف الزعيم حال بدأت الماسورة في النقيط
*وده الحصل أمس في كورتنا
*شخصيا
*وفي ظل هذا الاتحاد
*أتوقع تطور التحكيم في نفس الدرب أكتر من كده
*فلا تستغرب إن شاهدت حكما يركل الكرة داخل الشبكة لصالح المدعوم
*اتحاد حقاني خلي بالك
*المهم
*كانت أمس كورة المدعوم تحت شعار
*سلبية سلام وعدالة
*سلبية النتيجة
*والسلام تمثل في الهتاف
*ما دايرنك ما دايرنك فاطنة الصادق أحسن منك
*أما العدالة فكانت عدالة السماء التي مكنت كرومي من التصدي لركلة الجزاء
*المهم
*مستوانا كان زفت
*أداء سلبي كان يمكن أن يقود لنتيجة سلبية
*ولو حصلت ما كان تبعها سلام ولا عدالة
*لا نلوم الجهاز الفني
*لسه الحكم عليهو ما جاء وقته
*ما حا نعمل زي العملوا للزولفاني
*إن فاز محظوظ
*وإن خسر مغمور
*لأننا لا ننتمي للكيان وفقا لاستراتيجية رسمناها
*ننتمي بعشق فطري
*لذا لا نستعجل الحكم
*بل نتمنى للغرايري التوفيق
*لأننا ننشد استقرارا فنيا
*المهم
*نمر نجدنا
*ولعلها دعوات الصالحين من المريخاب
*وما كلو مره تسلم الجرة يا أولادنا
*بس في حاجة واجعاني
*قون الجزولي ده مالو يا حكم؟
*الله يسألك يوم الحشر العظيم
*أيها الناس
*أعجبنا بانضباط التونسي
*لكن ما فهمنا قصة اشراك توني دي
*هل هي مفروضة؟
*أم اضطرارية؟
*أم تمهيدا للاستغناء؟
*خبر بفلوس
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف علينا
*قلت لي يوم تلتين متين بجينا؟؟؟؟

سلك كهربا

ننساك كيف والكلب قال بكره فرض عين على كل الوطن ما فرض كفاية إلا تكون ….
وإلى لقاء.