صحيفة كورة سودانية الإلكترونية

سيدا كابتن الاندية التلاته

29

عن كثب

إدراك عبدالرحمن

حسم الكاردينال عودة هيثم للهلال وان كنت اتساءل من اين اتت هذه المطالبة ..وهيثم يمتلك رخصة تدريب وشق طريقه صوب الممتاز كى يدرب احدى الاندية الكبيرة والعريقة رغم قناعتى بان هيثم شطب افتراء وافكا هو ريفيرا وتكررت مأساة عزالدين عثمان..الدحيش صاحب الكؤؤس الذهبة وقائد معركة المحلة الذى استنفره رحمه الله الرئيس جعفر نميرى من لندن كلينك ولبى النداء على اول طائرة سودانير الى الخرطوم.. مأساة لاول محترف فى القارة رونالدينو عصره ولاعب كوزموس يعجز المداد عن وصفه  كان نصيبه مقصلة الشطب لم تشفع له  الكؤؤس الذهبيه ولا ابداعته..غطرسة  الادارة التى تعتبر ان اللاعب فرس سباق ليس الا..نفس الغطرسة شطبت هيثم ورد هيثم الصاع صاعين ..احبه جمهور المريخ مع صديقه العجب لعبة مع البايرن ميونخ تكفيه هذه المباراة.. هيثم صدوق امين وجمهور الهلال اصبح كمسرحية كلب الضابط عض الشافع وخجلانين ينتقدوا الضابط الابوه سيد الطاحونة .زى عمك جلياط طلق مرتو السمحة وشايل عكازو مهددها عشان ماتعرس…وبعد ان فرحنا بالامين وود ملاح خلقوا اكبر فتنة ودايرين قائد الكومانادوز يمشى اهلى شندى ولا الوطنى عشان يشحد يرجعوه هيثم بطولة بانياس هيثم خارطة لانتصارات الهلال قاهر بطل افريقيا..هيثم تاريخ الهلال نعم مشى المريخ لان اهل المريخ تعجبوا من استحقار ادارة الهلال لعدوهم اللدود شكرا ادارة المريخ لاحترامها فيصل العجب وهيثم ولم تشطب عجب ..لم تهينه..الان جاء دور نجم اخر فى الانتظار بشه وبويا الدخلنا الممتاز تخيلوا فى الانتظار …سبحان الله. قرروا لانو الاهلى والابيض جاهزين..والغزال وعمر بخيت كانوا فى الانتظار ولعبوا موسمين وعمر تعجب عندما صافح كابتن هيثم الاحمر وجاء هو نفسه صافح كاريكا بالاحمر.. والغزال نساهو الهلال وطنش ولم يجدد له والان تودد لعودته ..ورجغه عجيبة..سيدا كابتن الاهلى شندى لعب ضد الهلال دق كوة عجيبة فنان محسود ماتغلب من الهلال…هيثم عافص الكورة وحافظة وممكن يسمعها فى اى وكت..خلاصة القول الهلال تديره الاحقاد وهيثم عاد للديار مدربا ولايمكن ان يعود لاعبا هذا دستور ثابت من يذهب الى المريخ لايمكن ان يعود…لكن ذهاب بيكو العقرب ليس كهيثم..وتكريم هيثم كما ذكر كاردى مشكور بالجوهرة ولايحتاج الى اعادة قيد ليكرم..ولاتنسوا عمر ومعز محجوب حليلك يامعز ومساوى والغزال هؤلاء كانت لهم صولات وجولات وكثيرا من اللعيبة الذين رفعوا راية الهلال عالية خفاقة.

قصاصات

المريخ والتسجيلات خشمى وعندى

مشكلة المريخ خيط فى كراع حمامة لا اقوليكم جيب جوز حمام اتسلى بفك الخيت اخير من قصة سوداكال ..دى.

القلعوا شجرة الصندل هم السرقوا الونش..هم السيحو الكاسات.

الهلال بلف ويدور كتير بذكرنى فى الشطب زى الزول البفك خمسين كل الكروت فشنك الا كارت الفتوح..الهلال كله فشنك الا بشه كارت بلانش رابح..

بدور ببكى

شمهروش فى اجازة لكن مشكلة المريخ دى قالى الجن زاتو مابقدر عليها..عهعهعهعهعههعه…….

تحياتى

(فَقَدْ كَذَّبُواْ بِالْحَقِّ لَمَّا جَاءَهُمْ فَسَوْفَ يَأْتِيهِمْ أَنبَاء مَا كَانُواْ بِهِ يَسْتَهْزِؤُونَ)

 

 

 

حمل تطبيق كورة سودانية لتصفح أسرع وأسهل

 لزوارنا من السودان متجر موبايل1

http://www.1mobile.com/net.koorasudan.app-2451076.html

3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

13230 حملو التطبيق

على متجر   mobogenie

 http://www.mobogenie.com/download-net.koorasudan.app-3573651.html

5000+ حملوا التطبيق

قد يعجبك أيضا
تعليق 1
  1. Abojeddo يقول

    اعوذ بالله منك

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد