شعب المريخ ينتظر فرحتين فرحة رمضان وفرحة جمال والبيانات مابتقربكم لشعب المريخ ياناس التحالف
تغريدة واتساب
بقلم : معاذ ابومؤيد
شعب المريخ ينتظر فرحتين
فرحة رمضان وفرحة جمال
والبيانات مابتقربكم لشعب المريخ ياناس التحالف
شعب المريخ ينتظر الساعات لاعلان لجنة التسيير الجديدة
عينهم علي عودة جمال
وفرحة رمضان
وفرحة رمضان حتكون فرحتين الا لمن انحرف عن المسار!!!
يوم الاثنين لو رمضان
جماهير المريخ حتكون صايمة بالنهار
ومحتفلة بالليل بعودة جمال
طبعا علي حسب كلام الشورى،،،
لكن بعد دا كلو
المريخ يعاني وناس ماعندها شغلة غير شتيمة الوالي!!!
تسعة شهور والمريخ من مطب الي مطب وناس كان كل همها التلميع والشهرة وبناء مجدهم علي اكتاف الجماهير المغبونة!!!
معقولة لكن تحالف مين الجاي تقول عليه!!!!
عايزين تعرفوا قيمتكم وشعبيتكم الحقيقة اعملو صفحه في الفيس واعملوا منشور صغير
مع او ضد التحالف
وشوفوا الردود الحتصلكم تعرفوا قيمتكم وحجمكم !!!
الجمهور الان يبحث عن مخرج وانتم تبحثون عن مأذق !!!
دي حالة دي؟؟
تسعه شهور مالكم مانديتو بالديمقراطية ؟؟؟
مالكم ماضغطو علي الوزير ؟؟
ماشفناكم لافي نفرة ولاشفناكم في تمرين؟؟؟
النادي دا ماكنتو بتعرفوا دربوا؟؟؟
سبحان الله فجاءة اصبحتم تعرفون درب النادي ؟؟؟؟
••••••••••••••••••••••••••
كبار المريخ اليوم اجتمعوا والاجتماعات لم تتوقف منذ صرخة المدرج طلعت
جيتوا متاخرين لكن ان تاني متاخرا خيرا من ان لاتاتي
اجتمع امس ياريت مخرجاتوا ترى
النور
تاكيد عودة جمال الوالى
صدور القرار الاثنين
بمجلس تسيير جديد
مناقشة تفاصيل الاتفاق الاطارى مع الشركة الصينية
تقديم مقترح بتحويل مبانى النادى الى فندق لتقليل تكلفة الصرف
البند الاخير دا بالذات ياريت يفعل منذ الغد
وياريت يضاف ليهو بند اغلاق المكتب التنفيذي بالخرطوم ٢
ونقل مكاتب صحيفة المريخ
عايزين القلعة الحمراء تحتوي الجميع ،،،
كل شي يدار من العرضة
تقليل المصاريف فيها قيمة لبناء شغل مؤسسي،،،،
حاليا الان اهم بند تقليل المنصرفات ،،؟
••••••••••••••••••••••••••
التدريبات مستمرة ولاذالت الغيابات السمة الابرز؟؟؟؟؟
وبعدين ؟!؟!ننتظر وصول لاعبي المنتخب ونشوف الباقي وين؟؟؟
السؤال الابرز
اين مبادرة القروبات السابقه لدعم التدريبات!!!
محتاجين نرسل رسالة للمجلس القادم انو في ناس قلبها علي الكيان
حالة الركود الحاصلة الان مامبشرة
مبادرة بقيمة خمسمية جنية تعني الكتير
للاعبين والمجلس القادم
نتمني مبادرة تلهب الحماس في الباقين ،،،،
هل من مستجيب ونشوف لينا قروبين ثلاثه اليوم،،،،،
••••••••••••••••••••••••••
مسك الختام
المريخ مريخ الشعب والشعب هو الجمهور
والجمهور هم جمهور المدرجات والقروبات
نحن اساس حتبني علينا خطط مستقبلية
لابد من تفعيل دورنا قبل مايجي تفعيلنا عبر الاستثمار
علي كل مريخي
كن مبادر لانقاذ الكيان
••••••••••••••••••••••••••
ونحن علي المدرج حندعم ونشجع ونتفرج
طالما الخيارين بتاعين التشجيع والفرجه مؤجلة
فلنفعل الخيار الاول
الدعم ثم الدعم
اليومين القادمين حتنطلق نفرة لاستقبال المجلس القادم يقيادة جمال،،،
بدل نقل الاخبار وعاجل والشتل والنقاشات
خو شعارنا نفرة القروبات
من اليوم وحتي الخميس عايزين مانشوف غير قوائم الدعم وارقام الدعم وتجهيز مبلغ محترم من كل قروب
المجلس الجاي عايز بشارة خير
والجمهور هو الخير وكل الخير
الحوبة حوبتنا نحن فقط
••••••••••••••••••••••••••
همسة اخيرة
كل من يطلع خارج النص ويغرد خارج السرب تاكد تمام انك تغرد لوحدك
الكل الان ينتظر الاعلان
وانت جاري وراء بيان
نكرر الدعوة لكل شخص عايز تقيم نفسك اعمل صفحه فيس واطرح سؤال عن فكرك
ونحن مستعدين ننسر ليك عنوان صفحتك !!!
التقييم اصبح ساهل في زمن العولمة والسوشل ميدياء ووسائل التواصل الاجتماعي،،،،
صفحة فيس تكشف ليك حقيقتك عند الغير !!!
البيانات والفواكه ماتديكم الحقيقة،،،
••••••••••••••••••••••••••
خارج النص
منتخبنا يعاني
وتاني نحن خارج امم افريقيا
نلف في نفس الدائرة منذ سنين
طالما المسؤلين ماعارفين انو المنتخب لاعب مباراة ولاتمرين!!!
اتحدى انو في ناس ماعارفة المنتخب خارج السودان ولاقي سراليون!!!!
عاد دا كلام دا
قنوات الجزيرة عارفة واعلامنا يدي المنتخب في برامجوا ساعة؟؟؟؟
كل شي مكرر سنويا وبالنص
كرة القدم صناعة
وكرة القدم مال
وفكر اداري
هل المقومات متوفرة لمنتخب البلد!!!
هل دورينا عندو مخرجات تخلينا ننافس خارجيا كاندية ولامنتخبات!!!
ربنا يرحمنا من فضلوا ونشوف في يوم عندنا منتخب
ربنا يصلح حالنا قادر ياكريم
••••••••••••••••••••••••••
تغريدة مرورية
وراء كل حادث مخالفة مرورية
والموبايل يشكل نسبة كبيرة من الحوادث المرورية
اصل واتصل
اتصالك مهم لكن حياتك اهم
لاتسرع فالموت اسرع
الطريق ملك للجميع فلاتفتكر انه ملكك وحدك وتقعد تشتم في خلق الله،،،
طول بالك من اجل عيالك
تزكر دائما
ان اسرتك وعيالك في انتظارك
••••••••••••••••••••••••••
هذه اراء التغريدة اقبل منها ماتشاء وارفض منها ماشئت..
التغريدة تنقل نبض المدرج والقروبات وتقف في مسافة واحدة من الاحداث ،،،،،
نحاول ان نلفت الانتباه لبعض الاحداث والنقاط بواقعية……..
التغريدة لن تخرج خارج نطاق المجتمع المريخي نهائيا الا ماندر
نقد الذات يوصلنا الي الامام والي المنصات باذن الله ،،،،،
ادعمونا بالنصح والارشاد وصححونا انا اخطاءنا في يوم من الايام،،،،،،،،
====================
