شكرا صاحب الفكرة وشكرا راعي النفرة وان تاتي متاخرا خيرا من الا تاتي
تغريدة واتساب
بقلم : معاذ ابومؤيد
شكرا صاحب الفكرة
وشكرا راعي النفرة
وان تاتي متاخرا خيرا من الا تاتي
غدا يوم طويل للمريخاب
كلو نفرات،،،
نبداها من نفرة الساعة ٢
من رئاسة الجمهورية
شكرا لصاحب الفكرة
وشكرا لراعي النفرة
تمنيناها قبل الخروج من الابطال
لكن حاليا برضوا حنواصل المشوار
الاسماء المذكورة فعليا دعمت النفرةً معناة تسجيلاتنا حتشوف النور باذن الله
اتمني من كل قلبي ان تودع في حساب خاص بالتسجيلات بعيدة عن معركة السبت
لانو نفرة القصر حتكون كاملة الدسم
توضع بعيد هناك وماتظهر الي بعد يوم عشرة وتكون تحت تصرف التسجيلات ،،،،
قلنا ليكم جيتكم متاخرة لكن انشاء الله تنقذ مايمكن انقاذه ،،
نتمنى مشاركة كل الفطاحلة والجلابة ،،،،
شكرا صاحب الفكرة
شكرا راعي النفرة
••••••••••••••••••••••••••
النفرة التانية نفرة المشرفين
اتمنى لها النجاح ايضا
لكن لجنة التسيير قصقصت جناحات القروبات وحماسهم
استجدت العداء
واحبطت الجميع
القروبات بعد اتحمست
لجنة التسيير شتت الرصاص وخلقت عداوة مع الجميع
المهم اهم رافد منتظر رحيلكم عشان يتكاتف مع البجي بعديكم!!
وياقروب المشرفين ربنا يعينكم
لجنة التدمير احرجتكم كثيرا!!!
نتمنى نجاح نفرة القروبات غدا ونتمني تقديم الدعم فعليا للاعبين
••••••••••••••••••••••••••
نجي لمجلس الشورى واجتماعهم ودعوتهم للجميع بالهدؤ
نحن نقول ليكم حاضر ياكبارنا
وقالو عندكم دعوة غدا بعد صلاة المغرب للجماهير ومخاطبتهم
نتمنى مخاطبة اللاعبين قبل الجماهير،،
طمنوا اللاعبين ديل وحسسوهم بالامان
الامان الوظيفي اهم مميزات نجاح اي مؤسسة او منشأة واللاعبين ديل يعتبرون موظفين في منشأة المريخ ومجلس الشوري يعتبر امأن لهم ،،
عشان كدي عمنا ودالياس طمنوا اللاعبين وكلمتين منكم للجمهور ممكن تروق المنقة وتساعد في الحشود ،،،
وياريت كلمتكم تتسجل تلفزونيا وتتبث في عالم الرياضه او في ساعة الشروق او مع البحث عن هدف في النيل الازرق،،،
كلمة مجلس الشوري ممكن تساهم في الحشود الجماهيرية لمباراة العبور للمجموعات ،،
الوضع مشحون جدا ياكبارنا!!!
وحنسمع كلامكم ونصمت الثماني واربعين ساعة القادمة،،،
الجمهور منتظر منكم الكثير فماتحبطوهم ذي لجنة التسيير!!!
••••••••••••••••••••••••••
ختاما
اليومين ديل كلامنا كلو عن الكيان ومباراة المجموعات ،،
حنقفل كل الملفات من اجل المريخ الكيان
••••••••••••••••••••••••••
ونحن علي المدرج سندعم ونشجع ونتفرج
سندعم بفهمنا وسنشجع بفهم الكيان وفرجتنا حتكون مختلفة
المدرج بنادينا ياشبابنا
والكيان الان في مفترق طرق يانكون او ننتظر تاني سنة وخلال السنة دي ننتظر قناة النيلين ياتنقل لينا او لاتنقل لينا؟؟
المهم مدرجنا لاذم يكون مليان يوم السبت ،،
وباكر عندنا بروفات الاتراس العندو رغبة للمشاركة يجي التمرين باكر ،،،
يوم باكر طويل ويوم السبت اطول
نكون او لانكون
الكرة في ملعبنا كجمهور ولاعبين فقط ،،
اي نجاح نجاح للكيان
والكيان عندنا لاكبير علية
••••••••••••••••••••••••••
همسة اخيرة
ياناس الشوري نتمني تكون عندكم وقفة مع صحيفة النادي وناس التحالف ديل !!
وجهوا صحيفة النادي بتوحيد الخطاب واختيار عناوين بعيدة عن استفذاذ الجمهور!!
دفاعهم عن التسيير مايبعدهم عن الكيان ،،
وناس التحالف والمعارضة ديل
تصريحاتهم دي ماتلزمناخلال اليومين ديل،،
وكل قرد يشوف ليه شجرة يطلع فيها!!
الناس مخنوقة خلقة والناس الكانت مختفية دي شايفنهم بلمعوا في نفسهم !!
اوقفوهم عشان عندنا مباراة مهمة !!
تجاوزاتهم ذادت ونحن صبرنا ماطويل،،
لم تطالبوا بالهدؤ اطلبوها من الجميع وياريت تمنعوا عنهم التصريحات حتي لو عايزين يتوقعوا نتيجة مباراة السبت مانافع معانا،،،
••••••••••••••••••••••••••
خارج النص
الجميع خلف الكيان
وياريت يبعدوا ناس الكيمان
المريخ مريخ الشعب
والشعب هو الجمهور
والجمهور هم شفوت المدرجات والقروبات،،،
يامجلس الشوري كلمتكم غدا للجمهور ممكن تكون سلاح العبور قوة كلمتكم حتفرق كتير مع المدرج،،،
فتناكم عافية
••••••••••••••••••••••••••