شينة لما الثورة تكضب 

في السلك

بابكر سلك

شينة لما الثورة تكضب

بسم الله الرحمن الرحيم

شينة لما الثورة تكضب

*تجربة جديدة اخوضها مع صحيفة الاسياد

*نعم الاهداف كثيرة

*واجلها محاربة التعصب المرضي القمئ

*عله يسهم في تطوير حال الرياضة في البلد

*فمن العار ان نتفرج علي يوغندا وكينيا وموريتانيا وتنزانيا ومدغشقر في نهائيات افريقيا

*ونحن نلعب الدوري زي راجل المرتين

*يوم بعد يوم

*ولعل من اهداف التجربة الجليلة نبذ التعصب للافراد ايضا

*فهذا التعصب للاشخاص شق صفوف الناس

*ووأد الرأي الآخر نهائيا

*لدرجة ان الحال اصبح

*اخاك ان اراد بك ضرا

*تنقط له العسل يبصق يقل لك مرا

*ولعل انبل اهداف التجربة يكمن في ايجاد مساحات مقدرة للرأي الآخر المريخي علي الاقل تضاهي المساحات التي يحتكرها الرأي في المريخ دون الافساح قليلا للرأي الآخر

*فالرأي المريخي بذكرني النسوان الكبار

*في البص مثلا تلقاها منفره في الكنبه براها

*وتقول ليك تعال اقعد

*تتزحزح في محلها

*وشبر مابتزح

*وتقول ليك زحيت ليك اقعد

*وهي مازحت اي حته

*هكذا هي مساحات الرأي والرأي الآخر في الوسط الرياضي علي وجه العموم وفي المريخ علي وجه الخصوص

*لذا نخوض التجربة الجديدة للاهداف النبيله والمقاصد الجميلة

*ايها الناس

*التجربة الجديدة لن تمنع مناكفات ناس روشا وفطومة اختي باي حال من الاحوال

*ولعل (الحرب ) من الداخل تقود لسقوط الخرطوم وعودة الاسم لاصحابو ياروشا

*والآن روشا محاصر بالمريخاب

*سلك بجهة

*وفطومة بجهة

*وفي البيت اسرة روشا كلها مريخاب

*سلم ياروشا

*سلم تسلم

*المهم

*هي تجربة تفرد مساحة لتحقق اهدافا ننشدها جميعا وتخدم القضية

*ولما قلنا الديمقراطية قيمة انسانية يجب الحفاظ عليها في المريخ

*وحتي لو اردنا تغيير المجلس

*نحافظ علي الديمقراطية ولانغيرها

*قلنا لأ لتدخلات الوزير وأمانة الشباب

*لنحافظ علي ديمقراطية المريخ كي تخرج من نادي المريخ للشارع

* وقتها كان البعض يضحك حد الانتعاش

*لانهم كانوا يرون أن الامر مستحيل

*ما كانوا عارفين عظمة هذا الشعب

*وما كانوا داريين بان القيمة المقدسة للديمقراطية ستكتسح الخنوع والخضوع لتبقي اعلي القيم واسماها

*و الآن هاهو نفس  البعض يتابع الثورة وعودو فيها الاندهاش

*كانوا بقولوا لينا

*لو دايرين ديمقراطية ما تعاكسونا بيها في المريخ امرقوا الشارع

*ونحنا مرقنا

*مرقنا مرقنا مرقنا

*ضد مفاهيم كتيرة مدمرة

*قبل ان يكون خروجنا ضد ناس وبس

*ذهب الوزير وانبشكت امانة الشباب وثبتت الديمقراطية بحول الله

*وكان للمريخ شرف التمسك بالديمقراطية قبل ان يهب الشعب

*المريخ وطن

*جمهورية المريخ الديمقراطية

*وما احلي هذا الاسم

*المهم

*الثورة جميلة

*برغم بشاعة الثورة المضادة

*الثورة جميلة نعم

*بس شينة لما الثورة تكضب علينا

*تفول لينا مليونية

*تطلع مليارية؟؟؟

*بالغتوا ياالثوار

*الشعب مايكضبشي

*يفول مليونية

*تبقي مليونية

*نعم التذاكر حاتكمل من بدري

*لكن نعمل شنو عاد

*نجم الشباك اليومين دي هو الشارع

*الخوف الشارع يقول مليارية

*الشعب يقول ليهو

*بس انت حاول زيد

*مليار شاب نديك

*اعلامنا نرفعها ليك

*حكومة نعرسها ليك

*وكان ابت نحنكها ليك

*هو داب حنك؟؟؟

*ايها الناس

*تجربة نتمني ان تحقق اهدافها

*تاني المرتب

*يا آدم جيب من جوة

*لكن لو آدم جاب من جوة  وقابلت جيمي ياروشا

*صدقني بابكر سلك حايبقي زي بكري المدينة

*آدم جاب وبكري غاب

*ايها الناس

*ان تنصروا الله ينصركم

 *المهم

*قالوا الرحيل عز العرب

*ووردي غني قلت ارحل

*اها

*نجي لي شمارات والي الخرتوم

*كان شفت ياوالينا

*الثورة بتضحك فينا

*وتكضب علينا

*قالوا مليونية

*بقت مليارية ملت البلد علينا

*شينة

*وشييييينة

*لما الثورة تكضب علينا

سلك كهربا ننساك كيف والكلب قال تاكلوا في اللحم راجنكم تجدعوا لينا العضم…تقوموا تقرمشوا العضم ظاااااو  حيرتونا….  مابتشبعوا انتوا!!!!

والي لقاء

سلك