صواريخ باليسيتية
عن كثب
ادراك عبدالرحمن
بالرغم من هزيمة المريخ الداوية من النسر الازرق واهلى شندى الذى تلاعب به فى دار جعل الا ان بنى الاحمر فرحوا وسعدوا بانتصار اهلى شندى على الهلال بركلات الترجيح …بى نفس كمان ..يمتدحون الفريق الذى قضى عليهم بصاروخ باليستى ومحمد موسى يتفرج يعاين ويشاهد ويتفرج فى الصاروخ وهو يمخر عباب السماء ويستقر فى جراج جمال سالم ..المريخ تم تدميره تماما وحرقه بصواريخ سمؤال اس تو باليستى عجيب.. هذه الصواريخ اقلقت ترامب اكتر من بيونغ يانغ …وشريط المحرقة الكروية عم انحاء اوروبا….وبداء الجعير فى الواتساب ..جعرى بى هستريا هؤلاء احترم فيهم روح الحب للنادى لكن ذوى القلوب الميته يفرحون لنيل اهلى شندى كأس السودان…لفيف من الاهلة فرحوا لاهلى شندى لان وجود فريق ءاخر يجلد معانا لقيناهو…اهلى شندى منصات صاروخية البلد بخير يا يريس لو شفت صواريخ سمؤال وفارس كان غيرت رأيك من مشى روسيا…الهلال لديه صواريخ كاتيوشا شيبولا وبازوكا …دوشكا واهلى شندى عندو قاعدة غرب المتمة…المريخ خاوى فيهو تش وميدو..وبيس..وواوا…اكل حلاوة اتخارج قبل الوقيعة…وحشتنا يا واوا دقنو دى والله كان مونسنا بالشوت فات حبو بتاع النيل…شوال شوت بس وكان مونسنا بالشكوى لكن الهلال اراح الاتحاد…وجمال سالم مسكين حالة يرثى لها.. هذه من ناحية فنية ومن ناحية ادارية فريق بلا رئيس ولا ادارة ماشى ساكت ..تولع هنا يمشو يطفوها تولع هناك يطفوها…شكاوى من فيفا الحقنا ياجمال ..جمال دفع لى وارقو المتبقى…التسجيلات على الابواب وخشم الموس اندر كاستادى لسع ما فكوه..وملفات كثيرة فى انتظاره..والنقاد يضحكون على ركلات الترجيح ولا يقراءوا لافتة ان الهلال لم يهزم قط فى دورى السودان ولا الممتاز ..الناس الجعرت احترم جعيرهم والله قلوبهم حية اما الناس البتضحك على الهلال قلوبهم ميتة واتمنى ان يكثروا فى النادى الاحمر وجودهم يفرحنا …لاتسجيلات لاقروش لاادارة ..ويضحكون …ولايبكون…
هزم العامل البحراوى من الهلال وعند العودة للنادى وفى غرفة الملابس سمع ادارى ضحكات وونسة عقب الهزيمة فوضع الجوارب الشربات والكدارات فى قيزان الكركدى وقالو اشربوا!؟والمريخ يقهقه على خليفة فوز اهلى شندى عجبى…..
قصاصات
على الهلال دراسة الاحلال والابدال والتعامل مع هذا الملف باحترافية.
بطولة 2018اهم اجندة كاردينال هذا العام بعد افتتاح الجوهرة واتمنى استضافة فريق من العيار الثقيل…واحتفال تكون عوائده مادية للنادى العملاق.
اهم ملف يجب ان يعالج ملف التحكيم وتطوير ملاعب الاقاليم.
بدور ببكى
شمهروووش اجمع
شبيك مولاى
اخبار التسجيلات
اب كسكته..كرست عكسيوها.هلال باليستا غزال ارميزو ميدو سمانى.المريخ صاج كيما سنترليق اميقا
موووهاهاهاهاهاها…موهاهاهاهاه هاهاهاهاها
الترجمة
كاردينال المسيطر على الساحة الهلال لديه منصات صواريخ جاية الغزال..وميدو والسمانى واحد حايرجع للهلال والتانى حايتصفى فى الغربال…. والمريخ حايلعب سنترليق الصعود…
تحياتى
(خَلَقَ السَّمَاوَاتِ وَالأَرْضَ بِالْحَقِّ تَعَالَى عَمَّا يُشْرِكُونَ)
حمل تطبيق كورة سودانية لتصفح أسرع وأسهل
لزوارنا من السودان متجر موبايل1
http://www.1mobile.com/net.koorasudan.app-2451076.html
3,699 حملو التطبيق
لزوارنا من جميع انحاء العالم من متجر قوقل
https://play.google.com/store/apps/details…
13230 حملو التطبيق
على متجر mobogenie
http://www.mobogenie.com/download-net.koorasudan.app-357365…
5000+ حملوا التطبيق
تعليق على ماذا !!!!!!!!!!