ضبيبينة وارغو

‬‬في السلك

بابكر سلك
ضبيبينة وارغو

* تاني حا اتكلم عن استجلاب الاجانب
* انا شايف مافي اي داعي لي اجانب في هذه المرحلة اطلاقا
* اقتصاديا الظروف لا تسمح
* ولا اتحدث عن اقتصاديات المجلس
* بقدر ما اعني اقتصاديات الدولة
* لان امر الاجانب يتعلق بدولار
* ولا كلمة لنا علي الدولار سواء كنا مريخ او سودان
* الامر ما بي ايدنا
* والدولار بقي زي حمي الملاريا
* بطلع فجأة
* ولو نزلت بالمكمدات والمسكنات سرعان ما تعود سخانتها تلحم
* وده واقع لا تستطيع حتي الدولة ان تنكره
* فدولة مشروع جزيرتها واصل للمرحلة الشايفنها كلنا دي
* مزارعها ناشفه
* مصانعها قسموها مخازن
* كوادرها هربت واغتربت
* حتي خدمتها المدنية تدهورت
* لان التعيين بي زولنا وولدنا وزولي وزولك يجعل مناعه للموظف من المحاسبة حال الاهمال والتقصير
* وبي بساطة ممكن يقول ليك امشي اشتكيني
* عشان كده بفطر من عشره لي اطناشر الا ربع
* وبمشي الصلاه من اطناشر لي الترحيل
* وتقفل الخزنة من صبحا بدري
* دولة انتاجها صفر قطعا جنيهها صفر والدولار فيها يبقي زي ليلة القدر
* عشان كده
* مافي داعي لي اجانب في المرحلة دي بالذات واسمنا عند الفيفا بقي زي معتادي الاجرام
* ضف الي ذلك
* اذا كان الوطنيون لايستطيعون ان يصعدوا بنا لمرحلة المجموعات الافريقية
* يبقي حتي لو جبنا ليهم الاجانب التلاته ما خايعملوا شئ
* لذلك اري ان ندخل الموسم باولاد البلد فقط
* وعند التكميلية اذا صعدنا لمجموعات افريقيا
* يبقي في الوكت داك ممكن ندعم صفوف الفريق بالاجانب الذين نحتاجهم ويحققون لنا الفارق الذي ننشده
* حينها لو وصل الدولار سعر انبوبة الغاز ما كتير
* لكن نجيبهم اسي عشان يدخلونا المجموعات وجنيهنا يخجل امام عملات العالم
* يبقي كتير شديد علينا
* وعلي ذكر الاجانب
* نحمد الله
* انتهت ضبيبينة وارغو
* كان فرقعه في فنجال لم تستطع حتي كسر الفنجال
* اذكر له في خمسة سنين قون في اتحاد مدني
* واقوان بورتسودان في مباراة الوداع
* وبعد ده عندو نفس يشتكي كمان
* وارغو الماسورة
* ايها الناس
* صدحت الابواق بان الهلال اكتسح التسجيلات المحليه
* متوكل النسور
* حسين افول
* محمد موسي مهاجم الاهلي
* فكانت اختيارات كرواتي المنتخب بعيدة كل البعد عن ناس الابواق ولكنها طالت بعض المغمورين الذين سجلهم المريخ
* ولو كان كرواتي المنتخب كوارتي المنتخب ما كان حايتخطي في اختيارو للمنتخب اولاد المريخ الجدد
* انه اول مؤشرات نجاح تسجيلات المريخ
* ايها الناس
* حتي في التكميلية لما نصعد باذن الله للمجموعات ونجي ندعم الفريق بالاجانب
* يجب ان تكون استراتيجيتنا النجوم الصغار المغمورين اصحاب الموهبه العاليه
* اول شئ اقل سعرا واوفر مجهودا
* يحققون لنا مكسب فني بالملعب وعائد مادي عند التسويق ومابودونا الفيفا
* ولعل التجارب اثبتت ان النجوم الاجانب مابدونا شئ
* الحضري نجم عالمي كلفنا من الدولارات ما يعجز ترامب عن سداده
* وسددنا له غرامته
* واكرمناهوا
* كلو يوم ناطي لي مصر
* وفي الآخر لم يقدم لنا شئ ايجابي
* كان سببا في عدم وصولنا لنهائي الكونفدرالية باستهتاره
* خسرنا سيكافا لمستواه المتواضع
* ليظهر علينا مصرحا بانه يلعب ضد اتنين وعشرين لاعب
* ثم تناول رئيس نادينا بالقنوات المصرية علي الهواء بقوله
* لما يتصور معايا بفرح
* ثم كان النجم النفطي
* ولم يقدم شئ
* وهيثم مرابط
* لم ينجح احد
* ووارغو نجم افريقيا التاني الذي فشل وسبب لنا الفشل الكلوي والضعف الدولاري
* ولكن ايداهور المغمور نجح
* وجمال سالم الرخيس جلب لنا سيكافا بايدو وشديدو
* لذا عند جلب الاجانب يجب ان لانجري خلف الاسماء
* نجيبهم باستراتيجية تانية خالص
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* حل اردوغان ضيفا علينا
* جيدا جيت يا اخينا
* بس اكلمك في اضانك يا والينا
* عشان مانتحرج مع راجل عزيز علينا
* كان قال ليكم ماشي لام درمان
* قولوا ليهو مرقت يا والينا
* مادايرين نتحرج مع الراجل والباعوض والضبان طايرات فينا
سلك كهربا
ننساك كيف والكلب قال خايفين نحكي لاردوغان قصة الباعوض والضبان يقوم يرسل لينا المبيدنقوم نفقدوا قبل يصل بورتسودان… .بيع سوق ليبيا ده خلوهوا زمااااااااان يامان
والي لقاء
سلك

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html
3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…
5000+ حملوا التطبيق