صحيفة كورة سودانية الإلكترونية

طلاق يوم الزفاف !!

46

بالعربي الكسيح
محمد الطيب الأمين
طلاق يوم الزفاف !!

* في مفهوم الثقافة الشعبية السودانية يقول ليك : (لو عايز تطرد العقارب أحرق اللستك) ..
* هذه ثقافة يعرفها كثير من الناس في بلادي ..
* لو عندك مخزن في البيت وإنت شاكي إنو المخزن ده فيهو (عقارب وثعابين) ما عليك إلا أن تقوم بحرق (إطار عربية) أو حتى (لستك درداقة) ..
* بعد الحريق (العقارب) بتهرب ..
* بتنسحب تكتيكياً..
* وهذا يرجح أن (العقرب) لا يحب ريحة (اللستك) ..
* في حلتنا أذكر ذات مرة عندنا جارنا (حرق لستك) بغرض طرد (عقرب من المطبخ) ..
* وأول ما جارنا ده حرق اللستك إكتشفنا إنو أي مطبخ في الحلة طلع منو (عقرب) ..
* والله صحي ..
* هو حرق اللستك لـ(عقربو) ولكن (عقاربنا) مرقت بعامل (الريحة) ..
* إتأثرت بقرب مكان الحريق فغادرت المطابخ في هدوء شديد ..
* وكثير من الأشياء أحياناً تتأثر بـ(قرب المسافة وتتفاعل بعد ذلك) ..
* مثلاً.. أنبوبة الغاز لو فاتحة و(عين) البوتجاز فاتحة لو إنت (ولعت زناد من مسافة بعيدة ممكن يشتعل) ..
* في عالم التكنلوجيا (ال واي فاي) ممكن يلتقط ليك (نت) في تلفونك من مسافة بعيدة ..
* والبلوتوث كذلك ..
* نفس الفكرة .. أول أمبارح مدرب ليسكر الليبيري كان متواجد في نفس (المنطقة) المتواجد فيها المدرب محمد عبد الله مازدا ..
* ولذلك خسر ليسكر بثلاثية أمام الهلال ..
* المدرب الليبيري خسر بعامل (الريحة) ..
* المسافة بين الجوهرة الزرقاء التى إستضافت المواجهة وإستاد المريخ حيث يتواجد مازدا .. المسافة كانت قريبة ..
* نفس فكرة جارنا الحرق لستك لعقربو وقام طلع عقاربنا ..
* الفريق الليبيري كان ممكن يخسر بالخمسة وكان ممكن يخسر بهدفين إشمعنا يعني خسر بالتلاتة ؟؟
* أكيد في سبب قوي ..
* ليه يعني (3) بالتحديد ؟؟
* مش كان ممكن تكون ستة صفر أو اتنين صفر ؟؟
* خسر بالتلاتة لأنو إتأثر بالريحة ..
* مازدا خلى البلوتوث فاتح ..
* دي كل القصة ..
* عموماً.. تأهل الهلال وهذا (عادي جدا) ..
* قلنا ان نجوم ليسكر ح يندهشوا أولاً بسبب الجوهرة وح يندهشوا ثانياً بسبب الجمهور وقد كان ..
* مدرب ليسكر إتغزل في جمهور الهلال وقال ان الجمهور كان كلمة السر ..
* المدرب الليبيري لم يكتفِ بذلك بل قال: أتمنى من الاداريين الذين رافقونا إلي السودان ان ينقلوا تجربة جماهير الهلال إلي ليبيريا ..
* هذا التصريح يعتبر إعتراف صريح بالدور الكبير الذي يلعبه جمهور الهلال العظيم ..
* مدرب ليسكر حاسدنا حتى في جماهيرنا ..
* وليس مدرب ليسكر وحده بل كثير من الأندية في أفريقيا والوطن العربي تحسد الهلال على هذه القاعدة الجماهيرية العريضة ..
* كل الأندية في دولة الامارات إذا (جمعت وطرحت) جماهيرها ستكون أقل من جماهير مدرج واحد في إستاد الهلال ..
* تأهل الهلال للمرحلة القادمة بعد أن إجتهد لاعبوه وقدموا مستوى جيداً في كثير من فترات اللعب ..
* وقطعاً الهلال مع مرور الأيام سيتحسن أكثر ..
* يحتاج الهلال لكثير من المباريات، ويحتاج عدد من لاعبيه للشفاء من الارهاق ..
* أثبت بشة أن (الكبير يظل كبيراً)، كما انه أثبت أن المهاجم الذكي هو الذي (يشم القون) ..
* يملك بشة حاسة قوية تجعله يحس بالهدف قبل تسجيله بربع ساعة ..
* وهذه ميزة كبيرة لا يتميز بها إلا بشة في الوقت الراهن ..
* أيضاً البرازيلي أجاد وهو يلعب (الكرة السهلة) وقد كشف عن إمكانيات أكثر من جيدة فيما يتعلق بالتسليم والتسلم ..
* المهم.. أمبارح منتخب عطبرة بقيادة التاج يعقوب وقصاري ومحمد الرشيد وضياء الدين والتكت فاز على الفريق البتسواني المغمور ..
* نحن نهنئ منتخب عطبرة بهذا الإنتصار (الما جايب حقو) ..
* شينة والله ..
* شينة إنك تطير قبل ما تبدأ ..
* الطيران من التمهيدي زي الطلاق في شهر العسل ..
* وبالمناسبة دي أنا عندي سؤال ..
* السؤال: من هو السبب في طيران المريخ ؟ هل هو مازدا أم غياب بكوري ؟ أم عدم وجود رئيس ؟ أم جمال الوالي ؟؟
* الإجابة عندي .. كل ما ذكر غير صحيح لأن السبب في الطيران هو البتسواني..
* المريخ ضعيف وقد لعب وهو يفقد جهود أخطر ثلاثة لاعبين هم (حكم الوسط والمساعد الأول والمساعد الثاني) ..
* المريخ تأثر بغياب هذا الثلاثي ..
* هسه معقولة ح تكونوا قاعدين في البلد دي لحدي شهر فبراير من العام 2019 ؟
* معقولة !؟
* سنة كاملة ما ح تركبوا طيارة ..
* سنة كاملة ح تقضوها ما بين شندي وسنار وعطبرة ونيالا ..
* وده عيب إنك تطير من التمهيدي ..
* مسكين قصاري جواز سفرو فيهو تأشيرة واحدة كانت إلى بتسوانا ..
* قبل ما يعمل تأشيرة تانية في الجواز قام المريخ طار ..
* وحقيقة أكثر ما يؤسف له ان عدد المريخاب الذين تمنوا طيران المريخ أكثر من الذين تمنوا تأهله ..
* اتمنوا طيران المريخ نكاية في محمد جعفر قريش ..
* وأنا والله ما في حاجة محيراني إلا جمهور المريخ الذي صبر حتى نهاية المباراة ..
* أنا ما عارفهم كانوا قاعدين منتظرين شنو ؟
* شكلهم كانوا منتظرين الحلو ..
* طبعا ح يقول ليك المريخ عندو ظروف واصابات ..
* ما في ظرف المريخ فاقد الرباعي بكري ومحمد عبد الرحمت ورمضان عجب وتحت تحت صلاح نمر..
* أربعة بس ..
* والهلال برضو كان فاقد نزار حامد وعمار الدمازين ومع ذلك اتأهل ..
* القصة ما قصة غيابات واصابات، القصة قصة فريق عمرو كلو ماشي بالدفرة ..
*والله صحي ..
* مدفووووور ..
* عموماً.. شدوا حيلكم السنة الجاية الهلال ح يوفر ليكم مقعد في الأبطال ..
* لما قلنا ليكم السنة دي يا متنا من الضحك ويا كمان الضحك كتلنا ما صدقتوا كلامنا ..
* الضحك كلتنا ولن يتبقى لنا إلا أن نموت من الضحك ..
* يا بتوعين الروضة ..
* وغايتو الله يكفينا شر المصدي اللمعتو الايام ..
* ونركب صافنات ونجيبة (بتسوانية) واصلو الزول بموت والذكرى تفضل حية ..
*و..و..
* المدفور طار ولسه أطفال الروضة ما أجزوا .!!

 

 

 

 

 

حمل تطبيق كورة سودانية لتصفح أسرع وأسهل

       

لزوارنا من السودان متجر موبايل1

                      

http://www.1mobile.com/net.koorasudan.app-2451076.html

                            

2,456حملو التطبيق      

                           

لزوارنا من جميع انحاء العالم من متجر قوقل

                              

https://play.google.com/store/apps/details?id=net.koorasudan.app

                     

17756 حملو التطبيق

 

على متجر apkpure

 

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

 

على متجر facequizz

 

http://www.facequizz.com/android/apk/1995361/

 

على متجر mobogenie

 

https://www.mobogenie.com/download-net.koorasudan.app-3573651.html

 

على متجر apk-dl

 

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

 

على متجر apkname

 

https://apkname.com/ar/net.koorasudan.app

 

 

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد