صحيفة كورة سودانية الإلكترونية

عااااااااااجل وحصري!!!!!!

29

تغريده واتساب
بقلم : معاذ ابومؤيد
عااااااااااجل وحصري!!!!!!

الزمن دا اكتب عاجل بس ورسلها
في اي قروب واتس او صفحة فيس او تويتر…
الباقي ما عليك بيتموه الجماعة
وممكن تصلك عاجل حقتك بنفس توقيعك واسمك في رقمك او صفحتك …
بس مليانة اشاعات وممكن معاها صور مرفقات وفي احيان اخرى معاه فيديو ملحقات..
عاجل الكتبتها بعلم او من غير علم حتطوف موبايلات ولابتوبات وكمبيوترات وممكن تلاقيها متصدرة الصحف واحتمال اذاعات!!!
اكتب عاجل والباقي بيتم براهو
شتلات تزعج الفضاء الاسفيريً
لاتكتب ولاتكن ناشر ولاتكن قارئ
شجع الزعيم باحساسك وبضميرك فقط ….

????
ما كل المكتوب حقيقة
وما كل المسموع حقيقة
العين المجردة وايمانك بمريختك وحبك للزعيم دي الحقيقة
الايام دي الشتل حيكتر
وحرق الاعصاب حيكتر
في ناس ماعندهم شي يخسروه
وفااااااضين….
ركز في كل حرف يجيك واقراء مابين السطور
وتقليد الاصوات انتج فنانين واسمعونا غناء الاموات
بنفس الصوت!!!!!
كن يقظ لاتنجرف وراء عاجل
صحصح لاتبهرك الاصوات والحناجر
ماكل البضاعة اصلية
عندك صنع في الصين
اخي شفت المدرج ومشرف القروب المريخ تحت اعين ومنصات صواريخ ناس ( الشتل )……
ياريت الجايب خبر عاجل رسلو للمشرف في القروب في الخاص عشان يتاكد من صحه العاجل قبل ماتنشر وينشر غيرك
الجايه فيه اشاعات كتيره
رسل في الخاص عشان ماينقلو وراك الناس والطاسه الضائعه تغطس اكتر…..

????
ركزوا ياناس المكتب الاعلامي
وركزوا ياناس الشبكات الإخبارية
ويا الناطق الرسمي كتر من اللقاءت الإذاعية عشان تسجيل الإذاعة واضح و مسموع…
ويا صحيفة المريخ واكبوا الاحداث والصدق في الاعلام مطلوب لترويج صحفكم وصحيفتكم بالذات انتو نازلين السوق قريب خليكم واضحين وصادقين….

????
يالجنة التسيير باقي اسبوعين
خلو عندكم بيان يومي بالواقع في المريخ وخليكم شفافين
الشفوت ديل عايزين الصدق والصراحة وهم مابقصروا
بيانكم خلوه اذاعي وحصري لبعض المحطات ….
وحددوا زمن يومي عشان الناس تواكب الاحداث…
وياريت المكتب الاعلامي يوميا يسلم مشرفي القروبات النشرة اليوميه للاحداث في المريخ ياريت تكون بالليل يستفيدوا منها الصحفين والمشجعين سلموا مشرفي القروبات نسخة من حال المريخ ماليا وفنيا واداريا
والباقي خلوه علينا….
تاني شوفوا لو (شتلة) قامت ….

????
ختاما
دور الاعلام الايام الجايه اهم من دور المشجع…
الصراحة والصدق والأمانة
بيمشي المشجع للمدرج من غير تعبئة
اصدقوهم القول والمعلومه واسالوهم بعد الكوره…

????
نحن علي المدرج ونشجع ونتفرج ومنتظرين نشرة الأخبار المريخية تنزل لينا يوميا في الشبكات والقروبات ممهورة بتوقيع المكتب الاعلامي
وياريت لو الناطق الرسمي عمل يوميا لقاء في احدى الاذاعات وناس القروبات شالوا التسجيل الصوتي ونشروه
كدى شتل مافي
وناس عاجل وحصري بضاعتهم في الباي باي
وناس قريعتي راحت قعدتهم حتطول ويضربهم الصقيع….

????
خارج النص
……….
تحية احترام للاخت والاستاذه والقلم المريخي سميه طه
كم تمنيت استمرار قلمك في الصحف
والان المريخ في حوجة اليك والمدرج في حوجة لتعبئتك
استغلي الفضاء الاسفيري لحين انفراج الأزمة ولحين ميسرة
انضمي لقروبات الواتساب المريخية فهي خير عون لك الان وخير داعم وستحتضنك بكل احترام فيها المثقف والقارئي والمشجع وكلهم اخوانك
ستجدي المعلومة بكل يسر
ستوصل فكرتك في لحظات
وابعدي بس من ناس
عاااااااااااااجل وحصري
وياريت نشاهد كم قروب يسعى لقلم سمية للانضمام اليهم ونتمني نشوف كم قروب يحتفى بسمية احتفالية مصغرة
الكلام ليكم يامشرفي القروبات
تستاااااااااهل بت طه الاحتفال والاحتضان و الرعاية
ونحن في المريخ أخوة
????
وصية للشفوت والزعماء
ماتنتظر حصري وعاجل
ساعد النادي وكون انت المبادر…..
ونصيحه محب للجميع لاتشغل نفسكم بالغير
ومن راقب الناس مات هما
تابعو اخبار ناديكم احسن من متابعه الاخرين!!!!
لنا عوده تفصيليه لذلك……

 

تغريدة واتساب

قد يعجبك أيضا
تعليق 1
  1. المك يقول

    كلام مؤسس فعلا يا ابو مؤيد مجلس المريخ تنعدم فيه الشفافيه والتكتم خاصة في الملف المالي وملف الوك

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد