عاااااجل .. فيصل سيحة: الحكم رفض احتساب ركلة جزاء صحيحة للمريخ في الديربي .. وكان يجب اعادة ركلة جزاء الهلال
كشف خبير التحكيم فيصل سيحة خلال برنامج عالم الرياضة بتلفزيون السودان قبل قليل ان الحكم يحالفه التوفيق عندما رفض احتساب ركلة جزاء للمريخ في مباراة القمة امام الهلال في شوط اللعب الثاني عندما تمت عرقلة لاعب المريخ النعسان داخل خط 18 .. واضاف ان ركلة الجزاء التي احرز منها الهلال الهدف الثاني بواسطة الزيمبابوي سادومبا كان الافضل للحكم اعادتها بعد ان دخل اكثر من لاعب داخل خط 18 لحظة تنفيذ ركلة الجزاء دون وضع اعتبار الي اين ذهبت الكرة في حال دخلت المرمي او لم تدخل .. كما تحدث خبير التحكيم عن العديد من الحالات التي جرت في مباراة القمة .. وذكر ان الحكم تسرع عندما احستب حالة تسلل علي سادومبا عندما كان في مكان جيد لاحراز هدف .. وذكر ان مصعب عمر كان لا يستحق اكثر من الانذار الذي ناله عقب عرقلة النيجيري شيبولا داخل خط 18 واحتساب ركلة جزاء للهلال حيث ان لاعب الهلال لم يكن في حالة انفراد تام.
حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore
يا سيحة انت قايل جبت حاجة من عندك متين غلب الهلال المريخ بدون تحكيم كل لقاءات المريخ مع الهلال الانتصار للهلال كان عبر الحكام ومعروف بأنه فريق الحكام.
وعن ضربة الجزاء اظنك بتحلم يا سيحة لو منتظر حكام صلاح بحسبوا ضربة للمريخ 19. سنة من عمر الدوري الممتاز محرمين ضربات الجزاء على المريخ بقانون سري عشان كده حيظل الزنطور في صفره المتضخم كل عام إلى أن يرث الله الأرض ومن عليها
صفرابي لا تكلمني
الدنيا رمضان.
هههههههههههاي طيب خلي اتحاد اللقيمات يعيد ليكم المباراة طالما فيها الغلطات دي
ما مشكله حنحسبا ليهو في المباراة الجاية قدمو شكوي للاعادة
المريخ في أسوأ حالاته وظروف اللاعبين في الفترة الماضية وأكثر من 11. لاعب مصاب وبعد ده كله المهلهل يفوز بواسطة التحكيم. فرق
هههههههههههه خبارتك دي والله ياعمنا سيحة حيرتنا وحيرت الطيشاب قبلنا…!!! ناس المرخرخ قالوا ضربتين جزاء مع عنكبة، إنت الليلة وديتها لينا علي النعسان كمان ….ألحق باكابو “النعسان” عنده ضربة جزاء ماحسبوها ليهو، معناتها لو عندك باقي قريشات من الصفقة بتطلع ليك !!!
طيب ماكان بالمرة تكمل جميلك وتديهم ضربة جزاء واحدة من ضربتي الجزاء بتاعات عنكبة، أهو بالمرة النتيجة تبقي 3\1 للمرخرخ والجماعة يفرحوا ليهم فرحة وهمية بالتلاتة أقوان ونحنا نشيل التلاتة نقاط !!!
غايتو نحنا غير نقول ليك إذا إختلف……………….. ماعندنا حاجة
حتي سيحة زعلان من شيبولا؟
هههههههههههههههههه
متعودة دائما
اصلا الجلفوط لايمكن أن يفوز على الزعيم إلا إذا وجد دعم من التحكيم والمدعوم دوما من الحكام اتعود على ذلك
يا سيحة الدنيا رمضان … اختشي شوية
بعد تصريحات سيحة لاحظنا الدلاقين قام ليهم ريش وبدو يتفاصحوا .خلي سيحة يجي يديكم النقاط .شابولا ياهاريهم
من هو سيحة !؟؟
عندما كان سيحة ممارسا للتحكيم ..كانت صفارته تفوح منها رائحة الانتماء الاحمر ..وكانت معارك ومساجلات في هذا الشأن..وياما اعترضت فرق كتيرة في دوري الاولي العاصمي علي محابأة سيحة للمريخ..
سيحة و الجاكومي وهمد ورمضان عجب ..لافرق بينهم في خدمة المريخ إلا الموقع فقط
من نصب سيحة بأنه خبير ؟؟؟ ومن شيطن الشيطان ؟؟ الا النفس .و النفس لأمارة بالسوء يا سيحة مرخرك دا الا يرجع سمير فضل وانت ايام كننت تحكم في شبابك نسمع نغمة فضيحة .
عليك الله يا سيحه خاف الله الدنيا رمضان و شكلو اقوان شيبو وساسا حارقاو وماكله معاو جنبه .خلاص يا ناس الاصيفر خلي مسيلمه السيحه اديكم النقاط ونحن فايزين جوا عيونكم
عليك الله يا سيحه خاف الله الدنيا رمضان و شكلو اقوان شيبو وساسا حارقاك وماكله معاك جنبه .خلاص يا ناس الاصيفر خلي مسيلمه السيحه اديكم النقاط ونحن فايزين جوا عيونكم
جربتو التحكيم العربي ثلاث لقاءات مضروبين جربتو التحكيم الافريقي زبحناكم من الوريد الى الوريد تحكيم محلي اكتساح عديل علشان تهربوا من تفوق سيد البلد رميتو التحكيم بهذه الفرية علشان تبلعوا هذا التفوق ..النكلمكم عن التحكيم انتو اهلوا اخر فريق لعب معاكم وداكم التوج هو الكوكب المراكشي الذي قال رئيسه ان فريقكم لو ما ادوه ضربة جزاء ما بيغلب ..كركركركر المعروف في ظل هذه الشكوى المريرة كان الأولى ان تطالبوا بالحكام الاجانب ولكن الغريبة الهلال هو البيطالب والمريخ هو البيرفض ..كدي جاوبو ليه نحن عندنا ثقه كبيرة غي الله ان المكر السيئ لا يحيق الا بأهله الموسم الماضي عندما أصبحتو ملطشة لفرق الممتاذ رميتوا حكام ولاية الخرطوم ورفضتوا عدم تحكيم اي مباراة لوصيفنا العجز في الميدان جاب ناس سمير للعلم ما يحدث لكم هذا العام نتيجة للمكر في العام السابق ولسه يا ما حتشوفوا ربنا يدرككم برحمته …الله غالب
خلاص ح نحسب ليكم على كلام سيحة
النتيجةلصالح المريخ ١/٢ عجبي !!!!!!!!!!
كلام سيحة مردورا عليه وحتى لو كلامه صحيح ميه الميه
لان الحكم الايطالي كولينا طلع اليوم وقال ان ركلة جزاء راموس ضد كرواتيا كان يجب ان تعاد لان الحارس تحرك قبل التنفيذ
للعلم بان كولينا يشغل رئيس لجنة الحكام بالاتحاد الاوروبي
هذا مجرد تعليق بعد الاعادات التلفزيونية ولكنه لن يجلب نقاط او يعيد المباراة
كلام سيحة دا ، لان العيد قرب ،،،،،،،،،،
والله الحكم كان كويس بس وكان عارف انو ممنوع ضربات الجذاء للمريخ في الممتاز وين الحكم المميذ الفاتح وديدي