عااااجل…………. كل واحد يعمل لايك للصحيفة وهو ماشي المكتبة
تغريدة واتساب
بقلم : معاذ ابومؤيد
عااااجل………….
كل واحد يعمل لايك للصحيفة وهو ماشي المكتبة
قلناها زمان ادارة صحيفة ماذي ادارة صفحه فيس
وشنو هي المؤهلات عشان تكون ماسك لسان حال كيان …
زمان الركن دا كان نقولوا لم شباب الحله يكونوا عطاله نقول لمكن التجمع الركن …
عشنا وشفنا الركن اصبح تجمع !!!
اسةً علاقة ادارة صفحة في الفيس بادارة صحيفة شنو!!!
منتظرنا نعمل لايكات في المكتبة من الصباح ولا مشاركة!!
عناوين تخجل في حضرة ادارتكم !!
اسة بدل كاتبين عاااااجل وبالخط العريض لعدم عودة جمال
ماتكتبوا عاااااجل انفراج الاذمة المالية ،،،
بالله دي يسموه شنو
يلا اي زول يطالع التغريدة يصفق لخبر الصحيفة عصان قالو عاجل
انتو قايلين عاجلكم دي حتفرح المدرج!!!!
انتو محتاجين للجنية حروف عاجل دي طيرت منكم جنيهات!!
عشان كدة قلنا كلو واحد يعمل لايك ويبقى مارق ،،،
ماتنسى ايها المريخي الاصيل تعمل لايك ،،،
ذي البتغمس ليك في صحن دمعة
لايك ليك وحلي فرصه لغيرك يعمل لايك ،،
دوس النجمة وشيل النغمة
دوس اللايك واعمل رايح
••••••••••••••••••••••••••
بالله اسة ابو العلا قاطعين عيشو مالكم عشان انتقد التسيير
هي التسيير محتاجة نقد
مابراها قاعدة في السهلة وسابحه عكس التيار !!
بقت لينا ذي دواء الملاريا ماتنبلع
وانتو لو مفتكرين صحيفتكم محامي التسيير خلاص شيلو اسم الكيان من فوقها وسموها التسيراب ولا اي اسم تاني!!
انتو تتكلموا باسم كيان ،،
الكيان انتو عارفنوا شنو
ولانوريكم ليه!!
دعوة ابوالعلا ودعوة غيروا حتغطس حجركم ودعوة المظلوم مستجابة ونحن كلنا حندعي معاه
تحت بند انصر اخاك ونحن حننصروا باذن الله
وحقوا مابضيع
باذن واحد احد
لكن يابوالعلا بالغت اصلا من الاول
قالوا اسال عن الجار قبل الدار
وجارك دا مامحتاج سؤال اصلا
ياها صوره واحدة هارينا بيها هري !!
غايتو لو كان لعب في المريخ قدر العجب كان حيعمل لينا شنو؟؟؟
محمد ولدك في حدقات العيون يابوالعلا وحدقات عيون كل المريخاب الا من ابى
عارفنوا طبعا،،،،،،
••••••••••••••••••••••••••
مسك الختام
المريخ كيان ولسان حالو لاذم يكون ينبض باسم المدرجات مش الافراد
والعندو رغبة يدافع عن افراد يعمل لية صفحة في الفيس من غير اسم الكيان
••••••••••••••••••••••••••
ونحن علي المدرج ندعم ونشجع ونتفرج
انتو قايلين الدعم دا بس نفرات
الناس البتشتري الجريدة ذاتها بتدعم
لكن دعمها دا ممكن يتوقف في اي لحظة بس للعلم فقط
يعني تعمل لايك وانت ماشي
بعديها ترجع لعم مارك بتاع الفيس يديك صفحة هناك تنطط فيها ذي ماعايز ،،
دي صحيفة كيان مش اي كلام
نحن حاليا في المدرج
حنشجع من اجل الكيان
ونتفرج من اجل الكيان
وشوية ونفضى ليكم
ومنتظرين كوتة المحترفين برفقة جون سينا قالو في الطريق والوكيل مصري يعني البضاعة تقليد لوكو الصبر
سمعتوني كوته محترفين
من ابو الفين وانت نازل
بركاتك ياشيخ كريم الحسن
وهلت بشائرنا ودام الفرح لينا وطالت ليالينا
لياليكم حتطول ياشفوت!!!
••••••••••••••••••••••••••
همسة اخيرة
حسب العنوان بتاع عاجل وعدم رجوع الوالي مفروض التسيير الان تفكنا من نغمه معارضين واعلام ضدنا ونغمة نوكيا المحفوظة
يلا اشتغلوا الساحه خالية تماما ليكم جهزوا لينا التيم للسبت وظبطوا لينا اجندة الجمعية العامه للمريخ وحلو لينا المشاكل المالية
مش خلاص علي حسب عنوانكم وكمان معاها عاجل وبالخط العريض
يلا المعارضة والناس الضدكم اقتنعوا بعاجل دي
النشوف همتكم
اكربوا نصكم اوع من الرخوة
••••••••••••••••••••••••••
خارج النص
اعطوا الاجير حقه قبل ان يجف عرقه
وابو العلا جف عرقه وعرق ابنه
اطفال الانابيب تجتاح كوكب المريخ الجميل بنجاح حاسب ايها المريخي الغيور والاصيل تعفص ليك واحد وانت ماشي !!!
منتشرين في كل مكان فيس واتس وحتى في الاستاد
لكن بتاعين الاستاد بسيطين لانو مابحبوا يصرفوا من جيبهم علي الكيان
وجيوبهم فيها عقاااارب اصلا ممنوع الصرف بتاتا منها
يامستر مارك ترقب قريبا انشاء عدد من الصفحات في الفيس ،،،،،
قال ادارة صحيفة قال!!!
كل من لبس بدلة وعمل صفحة في الفيس عايز يبقى مدير!!!
ونسة الاركان عمرها مابتبقي لسان حال الكيان !!!!!!!
••••••••••••••••••••••••••