عاطف النور: من الصعب إكمال الدوري في موعده
قال المهندس عاطف النور مدير الكرة بالهلال انه من الصعب إكمال الدوري الممتاز في موعده المحدد في ظل توالي تأجيل المباريات .. وطالب بالوصول لحلول حتي تستطيع الأندية ترتيب أوضاعها بالصورة المطلوبة وتؤدي مبارياتها دون ضغوطات.
وطبعاً السبب في التأخير كلو بسبب الفوضى البيعملوا فيها المرخرخين ومجاملة إتحاد اللقيمات ليهم، جمعيتهم بقت زي الجمعية التعاونية الزمان بتاعة السكر ديك، لمن الناس يرسلوا ولدهم ويسألوا عمك الماسك التموين السكر جاء ولا ماجاء، وعمك من الأسئلة الكتيرة يشيل ويسب ويجدع عدة السكر والشوالات الفاضية لناس الحلة في الشارع عشان مايصدعوا بيهو ، ويكتب إعلان في ضلفة الدكان السكر ماااااااااااااااا جااااااااااااا هههههههههههههههه
أسي المرخرخين زي الجماعة ديل والمفوض معاهم بقي زي عمك المسئول عن صرفة السكر، كل يوم يسألوهوا أها الطعون حصل فيها شنو وسوداكال جوة الجك ولا برة؟؟
لكمة أخيرة: تجربة الأخت الشقيقة الموردة تلوح في الأفق……وربك يستر !!