عددمن لاعبى المريخ مطلقى السراح استلموا شيكات من نادى الهلال ومحمد الرشيد طلب 25 مليار
مصدر موثوق كشف لكورة سودانية ان عدد من لاعبى المريخ مطلقى السراح استلموا شيكات من نادى الهلال بغرض الانتقال للهلال وجميعهم اكدو للمفاوضين ان الاولوية لبقاءهم بالنادى الاحمر وكل اللاعبين ابرزو تلك الشيكات للسيد آدم سودكال خلال مفاوضته لهم لاعادة التسجيل علماً ان اللاعب محمد الرشيد طلب مبلغ 25 مليار لاعادة قيدة للمريخ لثلاثه سنوات اضافة الى ان محمد الرشيد يواجه ضغوط من احد افراد عائلته للانتقال للهلال.
الكتراااابة العجاجها قايم !!
الأخبار الزي دي بتخلي أبو المستعار يخش في كومة ويغمي عليه هههههههه
ونرجع ونعيد علي قول أستاذ محمد كامل، أسي لو كنا في عهد المخلوع كان ناس محمد الرشيد قريشاتنا بتجيهم وهم راقدين في بيوتهم بإشارة بس من البتاع الطوالي، عاد أسي يحلوها كيف مع البلف القفل وسوداكال الناشف؟
مفروض الليلة دي يشيلها كلها أليخماو ويورينا حبه وعشقه للشعار وما تبقى الشغلانة كتابات تحريضية وورم ساي !!
صلاح دا عنده فوبيا من الوالي ومزمل ذي محمد كامل سعيد اعلم باصلاح الوالي تاني ما راجع لكن مزمل سوف يظل يدافع عن المريخ ولا عزاء لامثال محمد كامل سعيد
خلي اليخماو كبير الكهنة وكورال الضلال يردحوا ويسكلبوا ويجقلبواوبجعروا. دي الحاجات البتستحق الردحي. سوداكال جيبه مليان عقارب وما اظن بالطريقة دي يعيد تسجيل لاعب واحد. خلينا نشوف شطارة اليخماو وكورال البلطجة والضلال. والمثل بقول سهر الجداد ولا منامو. 😂😂😂