عماد الطيب: ما حدث في الابيض استهداف صريح من الاتحاد العام
خاص: (كورة سودانية)
تفيد متابعات (كورة سودانية) ان الاستاذ عماد الطيب سكرتير نادي الهلال هاجم الاتحاد العام لكرة القدم السوداني وذلك علي خلفية مستوي التحكيم في مباراة الفريق بالابيض .. واشار ان ذلك يعتبر استهداف صريح من الاتحاد العام عبر لجنة التحكيم .. واوضح ان النادي يترصد ذلك جيدا .. وقال ان برمجة الدوري الممتاز ظلم الفريق كثيرا وذكر ان النادي سيكون لديه العديد من المواقف تجاه هذا الترصد والتي سيعلن عنها في الوقت المناسب.
ناس الهليل ديل جنوا و لا شنو ترصد .. قاصدين. . هى حرب و لا شنو .. عايزين تخوفوا منو ؟؟ العبوا كورتكم أو انسحبوا الاتحاد طيلة أيامه و حتى اللحظه مساندكم ..أما البرمجة فهى قرعة هل كانت موجهة .. مقدمة للانسحاب و الخرخرة
بدات الجرسة ودائما الهلال واعلامه يصورون لجمهورهم ان فريقهم مثل الريال او برشلونة وعندما يبدا الدورى يبان المستخبي فتبدا الادارة والاعلاميين حارقي البخور بشغل المشجعين بحكاية الاستهداف والانسحابات بالله الحكم يعمل ليكم شنو جبتو قون وما حسبو جات ضربة جزاء والحكم صهين الله يكون في عونكم اذا كانت هذه ادارتكم وفلان وعلان وعلانة هم اعلامييكم
امركم محير جدا هل الاتحاد هو من حكم المباراة أم لأنه لم يجبره على هزيمة هلال الأبيض تحمدوا الله الحكم جاملكم انقطع عنكم المدد و ظهرت الولولة و الجرسة حتى القرعة بوجودكم صارت ضدكم
كفاية فضائح السنة الفاتت ضد النسور واهلى مدنى واخرها فضيحة مريخ كوستى لغاية ما محترف مريخ كوستى رمى الفنيلة وقال دى ماكورة…
ولسه ياما ح نشوف فضائح التحكيم الموالى للزناطير
دي مرصوصه رص قرعه شنو شوف اي فريقين من المجموعات دي بتبادلو الخصم حتى نهاية الدوره الاولى: الهلال واهلي شندي /المريخ والخرطوم/مريخ نيالا واهلي مدني /الاهلي الخرطوم والنيل شندي وباقي الفرق نفس الطريقه حتى الراحه ترتاحو في اسبوع واحد امثله:
الهلال *هلال الجبال /اهلي شندي *هلال الجبال
الهلال *هلال الابيض /اهلي شندي هلال الابيض
#
المريخ*مريخ كوستي /الخرطوم *مريخ كوستي
المريخ *الرابطه /الخرطوم *الرابطه
سبحان الله.. هل أصحاب النعليقات يعملون لدى اﻻتحاد؟! إداري في النادي شايف انو القرعة فيها بداية ضاغطة على الهلال .. أما الحكم فكانت قراراته فعلا مثيرة للجدل أو على اﻷقل كانت شخصيته ضعيفة.. الهلال منافس حقيقي مع المريخ على الدوري.. والحرص شي طبيعي..
فرجاءا بطلو التحشر!!!