عمرو المصرى فزورة ام ماسورة ؟؟؟؟
حدق العيون
خالد سليمان
عمرو المصرى فزورة ام ماسورة ؟؟؟؟
• هل هو ( تحفة ) من التحف التى ( يبتلى ) بها ( ادم ) المريخ كل عام ؟؟؟
• ( لغز ) من ( الغاز ) سوداكال …. هو لغز … ومحترفيه مجموعة من الطلاسم والألغاز ….
• من الذى رشح هذا اللاعب للرجل ؟؟؟ واين رآه يلعب ؟؟؟ ومع اى فريق ؟؟؟؟
• كلنا نعلم ان اللاعب ( المحترف ) هو ذلك اللاعب الذى يتجاوز ويفوق فى مستواه اللاعب الوطني … يستقدمه الفريق المعين لإحداث نوع من الإضافة للخط المعين فمن هو الذى ( ظن ) ان هذا اللاعب سيمنح المريخ ( شيئا ) ؟؟؟؟
• الأغرب من كل ذلك ان هنالك ( تعتيم ) شديد على مستواه للدرجة التى لا نقرا فيها حتى ما كان عليه مستواه فى الدقائق القليلة التى تطأ فيها أقدامه ارضية الملعب …
• هما ( افتراضان ) لا ثالث لهم …. اما ان لهذا اللاعب ما يقدمه للفريق ويعلمه الناس .. وأما انه مجرد ( خازوق ) من تلك التى يبرع سوداكال فى انتقاءها
للمريخ … فان كان كذلك … فلم الاحتفاظ به فى كشف ابتلى بالإصابات …
• ان كان ( سوداكال ) يريد
او هو بالأحرى ( يصر ) على جلب ( البضاعة ) الكاسدة والرخيصة بحيث لا يتجاوز مرتب المدرب فيها الالفى دولار
و الا يتعدى اللاعب مبلغ الألف دولار
وان كان هو يريد ان ( يراوغ ) و ( يخدع ) وبالمكشوف كدا ( عاوز يأكل )
مرتب كل معد بدنى للمريخ … ترى ما الذى يجبر هذا ( المخلوق ) على هذا ( التلصق ) المقيت ؟؟؟؟ ان كان هو غير
( المستفيد ) من المريخ فلم لا يذهب لحال سبيله ؟؟؟؟
• الغاز اللاعبين لم تقف عند ( ماسورة ) المريخ المصرية … فذات السؤال الحائر
ينطبق على ( الغالى ) ثمنا …. اين هو ذلك الذى سبقته تلك الضجة ؟؟؟ اين
اللاعب ( جيسى ) من تشكيلة الهلال ؟؟؟
• هل من المعقول ان يجلب الهلال لاعب تكلفته حوالى ( ٣٠٠ الف دولار ) ليلعب بدلا عنه ( بشة الصغير ) ؟؟؟
• ترى اذا لم يحتاج ( بوغبا ) المصاب الى وقت طويل ليقتحم تشكيلة الهلال فهل يحتاج ( الدولارى ) الى عام ليغادر
مقاعد البدلاء ؟؟؟
• يعجبنى او الأصح تعجبنى كتابات الأستاذ ( محمد عبدالماجد ) السياسية
فهو معبر بارع لنبض الجماهير والشارع
وذو احساس وطنى اصيل … لكن محمد
عبدالماجد ( الرياضى ) فلا يماثل الاخر
• يكتب محمد ( غزلا ) كثيرا …. لم … لا ادرى … كل الذى اعلمه ان ذلك ( الغزل ) هو شعوره وحده دون كل أهل الازرق الذى ملأهم الإحباط وخيبة الأمل بعد ( خيبة ) فايبرز …
• تذكرنى كتابات صاحب ( الترس ) أغنية كوكب الشرق ( أغدا ألقاك ) وأغنية صالح الضى ( انت ما عارف عيونك لما تسرح وين بودو ) … ياخى ما تسرح كتير …. ( التش ) قالو لا مصاب
ولا حاجة … والسمانى زاتو قاعد
• ابو ( الترس ) أقول ليك جهزوا ( ابو عشرين ) …
اخر الحدقات
الاخ الغالى ابو ساروتا
عميق اسفى وكثير حزنى … يعلم الله أننى لم أشأ ان اجرح ( مشاعرك ) فانا
اموت الف مرة ان شعرت أننى ( خدشت ) شعور غيرى .. لك العتبى
وشاكر لك ( كلماتك الطيبات ) …
• ما اكتبه فى حق الأخوة الآهلة ( دعابة ) كالتى يمطرنا بها كل صباح ( الترس ) و ( الكسيح ) فما تزعلوا لو مرة كسحناكم وكتحناكم …
• خليكم ( ديمقراطيين ) ولا والله نحرش ليكم ( سلك ) ….
عايز تقحم في شأن فسيخي ايه دخل الهلال في المصري والا التركي … جيسي لاعب مهول كل الناس شافته ولا يخفى مستواه علي اي احد .. ما عارف الفسيخ السوداني بجيب ديل من وين
هسه الهلال دخلو شنو فى سودكال جاب محترف مصرى بى الف دولار وجاب مدرب بى الفين دولار يعنى لاذم تحشرو الهلال فى كل مشاكلكم وخلاص. ما بعيد عليكم بكره تقولوا سودكال ده زاااتو اكيد ناس الهلال بى اتفاق مع شداد هم الفارضينو علينا . بعدين يا صحفى يا فاشل الاغنيه وبقول فيها الفنان ( انت عارف عيونك لما تسرح وين بودو ) دى اغنيه الفنان ابراهيم حسين وليس صالح الضى . الاغنيه اسمها ( نجمه نجمة الليل نعدو )
والله عشنا وشفنا، كل مستجد من زلمات الكاهن الأعظم أليخماو لو عاوز يشتهر أقرب طريق ليهو التسلق على شتيمة السيد الهلال !!
بعدين إنت مالك ومال جيسي، نحنا جايبنه كدة إسم محترف نخته في الكنبة عشان نفقع بيهو مرارتكم بس وما عاوزنه يلعب،وما تنسي معاهو برضو الولد الزجاجي ميدو الغربال الحرق القلوب، وخليكم إنتوا مع كاهنكم ومخدركم الأعظم يسوقكم من إضنينكم يمين وشمال!!
طبعا ياخي، المصري ماسورة وماسورة ٣٦ بوصة كمان، وجايي يعمل ليهو قرشين تلاتة من المغفلين عشان يرجع كفر العجور يعمل ليهو بيت وكم بقرة !!
ميدو وجيسي يا حلاتهم في كنبة الإحتياطي 😆😆😆
حتي ما طلع ماسورة قالوا الكاشير حق البوفيه في الاستاد
الظاهر عليكم نفيستكم دخلت في جسي الفنان. كل من تشتمونه من لاعبي الهلال تسعوا الي تسجيله باي طريقة وعملتوها قبل كدي مع بجري المدينة وهيثم مصطفي والمعز محجوب وغيرهم. بس المرة دي تلقوها عند الغافل وسوبطة ليس بكردنة وجسي ده سنرعاه حتي يصير بطاحا مثل ابن جلدته سادومبا. ونحن مش مستعجلين عليه. انتو مالكم مستعجلين؟؟