فراغ فني في المريخ والحاصل الان لن ينساه التاريخ
تغريدة واتساب
معاذ ابومؤيد
فراغ فني في المريخ
والحاصل الان لن ينساه التاريخ
••••••••••••••••••••••••••
لايصبح صباح الا ونشفق علي المريخ الكيان!!!
معقوله بس !!!
كل يوم من حفرة الي حفرة اعمق!!!
يحلها الشربكة؟؟
وافقتو بالتمديد عناد في المدرج وعناد في الجميع !!
ادخلتونا عنق الزجاجة!!!
من المستفيد؟؟
وكسبتوا شنو من التمديد؟؟؟
ماكنتوا تتخارجوا من شهر مارس وتحلوا عننا!!
قلتوا متخارجين قبل رمضان بيومين !!!
عايزين تتسحبوا براحه براحه؟؟
تاريخ ٦/٤ يصادف عيد ميلاد واحد منكم ولا شنو؟؟؟
ماتتخارجوا من الاول،،،
رجعونا مكان مالقيتونا،،،،،
••••••••••••••••••••••••••
لم قلنا قدموا استقالتكم قالوا بيحصل فراغ اداري!!!
طيب الحاصل الان نسميه شنو؟؟
لاعبين مسافرين !!
وجهاز فني مسافر!!
وقطاع رياضي مستقيل !!
ودائره كرة اصلا مافيش!!
ومساعد مدرب من الحاجات الاصلا منسية!!!
ونائب قطاع رياضي موقف حاليا!!!
وتاني يقولوا ليك فراغ اداري؟؟؟
دا غير اللاعبين المصابين !!
ويجيك واحد يقول تصدوا للمهمة؟؟؟
تصدوا مين ياحبيبنا انت واياه
تصدوا وبعد ماتصدوا لبسونا في الجدار !!!
المريخ في مفترق طرق وشكلنا نزلنا من الزلط وركبنا الدقداق!!!!!!
والحل شنو والحل عند منو ؟؟؟؟
ربنا يجازي الكان السبب!!!
••••••••••••••••••••••••••
اليومين ديل لانسمع صوت لي لجنه التسيير؟؟؟؟؟
وين التصريحات
ووين الصور والمنشتات!!
وحتي صحيفة النادي اصبحت عناوين شايتها في اكتر من اتجاه!!!
لا اسكت الله لكم حساً،،،،
خلاص حار بيكم الدليل !!
ماقلنا ليك الحب طريق قاسي وصعيب من اولو
مارضيت كلامنا وجيت براك اهو دا العزاب اتحملوا
من كلمات للفنان والاستاذ محمد ميرغني ينطبق علي لجنه التسيير !!!
عشان رفضتوا نصائحنا ومنادتنا ومناشدتنا بالترجل والرحيل!!!
اهديناكم الابيات الفوق دي ،،،،
ليست بشماته لكن لمعرفتنا التامة بقدراتكم المالية والادارية !!
عارفين البئر وغطاها!!!
بس قبل يوم اربعه ورونا الميزانية والامور المالية والديون بالمرة،،،،
عايزنكم تكشفوا ادق التفاصيل المالية!!!
الجمهور من حقوا يكون في الصورة،،،،
واعضاء لجنتكم المعترضين علي عدم قيام الانتخابات ستة شهور كنتوا وين!!!
ولامافاضين من التصريحات والمكايدات؟؟
جاين حاليا تقولوا الانتخابات !!!
••••••••••••••••••••••••••
مسك الختام
المريخ كيان كبير والبحصل ليه الان مدبر في غفله من الزمن!!!
الوضع حاليا لن يغفلة التاريخ ،،،
باذن الله ننقذ مايمكن انقاذه ورجالات المريخ تشعر بالخاطر،،،
القادم صعب وصعب شديد ياجماهير المريخ،،،
••••••••••••••••••••••••••
ونحن علي المدرج ندعم ونشجع ونتفرج
والان بدل نربع يدينا حقوا نرسل اشارات لكل شخص قادم انو القروبات معاه ومستعدة للدعم الشهري
بدل ماننتظر مرجان احمد مرجان
نلتف حول الكيان
القادم مامعاة عصا سحرية
اليد الواحدة مابتصفق ياناس !!
رافضين الدعم للتسيير
خلاص تتلم قروش النفره للمجلس الجاي،،،
ممكن تتخت في حساب النادي في البنك،،
ممكن تسلم لمجلس الشوري عشان تسلمها للمجلس القادم !!
لكن انتظرنا كدى مامنوا فايده
وارسال احساس بسلبيتنا للمجلس القادم !!
فلتستمر النفرات في مقبل الايام وتكون في انتظار المجلس الجاي،،،،
شعارنا
ندعم ونشجع ونتفرج
القروبات اهم اهدافها الدعم
حاليا مرتع خصب لتمرير الشتلات فقط!!!!!!!!
••••••••••••••••••••••••••
همسة اخيرة
الحاصل في الكواليس لايعلم بيه الا الله وبعض الشخصيات!!
الاسبوع هذا لايخلوا من المفاجاءت،،،
اربطوا الاحزمة وكل شئ متوقع الايام القادمة حبلى بالكثير والمثير !!
بس رجاء وليس امرا ياوزيرنا حضورك لي لحظة التسليم والتسلم او من ينوب عنك!!!
عشان باكر مانسمع اي تصريحات بخصوص المال والمديونيات!!!!!
اي تسليم وتسلم لاذم يتم بحضور الوزارة او من يمثلها عشان ماتكتر الاقاويل والتصريحات والاتهامات قي مقبل الايام،،،،،
الايام القادمة كل شي وارد فيها
تمالكوا اعصابكم فيها ياشفوت المدرجات،،،،
من اجل المريخ المطلوب مننا الالتفاف حول الكيان ،،،،
المريخ نادينا ونادينا حاليا ينادينا
••••••••••••••••••••••••••
خارج النص
ربنا يتقبل الخبير الطاهر محمد عثمان قبولا حسن ويسكنه فسيح جناته رحمة الله علية ……..
رمضان علي الابواب
اللهم بلغنا رمضان واغفر لنا وارحمنا ياعزيز ياكريم
دعواتنا للمريخ الكيان وربنا ييسر لنا الطريق
دعواتكم الان للمريخ ياشفوت المدرجات
المريخ في مفترق طرق علي الجميع التنازل عن الكثير من اجل الفريق
لاوقت للتصنيف مع فلان اوضد فلان،،،،
المديونية تنهك كاهل المريخ
والتحزبات حتقضي علي اخر امل،،،
اي شخص عندوا مجرد شك في كلامي
يكتب في قوقل مشاكل فريق اتحاد جده السعودي
وحتشوفوا العجب
وحتشوفوا وجه الشبهة
وعشان مانصل لنقطة اتحاد جدة الحقوا المريخ يااهل المريخ
الحقوا المريخ يااهل المريخ
الحقوا المريخ يااهل المريخ
الحقوا المريخ يااهل المريخ
وفي اتحاد جده عظه وعبرة للجميع ،،،،،،،،
••••••••••••••••••••••••••
تغريدات مرورية
القيادة الامنة راحة لك وللاخرين
رمضان علي الابواب
لاتكن سبب في حوادث للغير
لاتهمل الطريق وتنشغل بموبايلك
الطريق للجميع
لن تصل الي منزلك الا بمشيئه الله
اتصالك مهم
وحياتك اهم واهم
لاتتصل الا حين تصل
نتمني السلامة للجميع
••••••••••••••••••••••••••
للتغريدة نقاط واراء اقبل منها ماشئت وارفض منها ماتشاء
تغريدة بصوت مسموع تعبر عن اراء الكثيرين منقوله ومربوطة بنبض المدرج،،،،،،،،،،
••••••••••••••••••••••••••