في السلك

المهم النتيجه
* بدعوة كريمة من فخامة السيد الرئيس كان الاعلام الرياضي حضورا انيقا بمنزل رئيس الجمهورية
* شيرت ميسي كان حضورا متألقا متأنقا
* الثعلب الارجنتيني ارسل فانلته هدية للاخ الرئيس تعبيرا عن اعجابه به
* والسيد الرئيس يقول انها رسالة اعجاب بالسودان تقول للناس
* السودان امان يا مان
* برغم حضوري (كعادتي) متأخرا جدا
* الا ان الاخوة الاعلاميون الرياضيون كانوا شموس اشرقت علي الدعوة وزادتها القا
* كنت داير اقول للريس ميسي الرسل فنيلتو ده بجي يوم يلحقها
* ويادوبك وقع لي كلام كردنه لما قال
* انا لو داير ميسي بجيبو
* الموضوع حدث يستحق الوقوف عنده كثيرا
* ونسبة للنديه المشتدة بين البارسا والريال
* نتوقع يوم تطالعنا وسائل التواصل بصور للمعارضه وهي ترفع فانيلة الدون
* نمرة سبعه يا حبيب
* وفي الحالتين كسبان السودان
* والسودان وطني،الغالي
* شكرا ميسي
* والشكر كل الشكر للاخ الرئيس
* المهم
* المهم النتيجه
* عبارة ادمنها المريخاب
* وهي في حد ذاتها تعني اعترافا بسوء الاداء والشكل
* ونلاحظ ان المريخ بنضغط شديد بعد الدقيقه عشرة من الشوط التاني
* ماعارف السبب فقدان اللياقه البدنيه ام خطأ التبديلات التي يجريها جهازنا الفني العارف ببواطن امور التدريب والتكتيك
* ايها الناس
* بالطريقه دي بجي اليوم البنرقد فيهو انعاش ونقول المهم مرقنا منها
* وبجي اليوم البتفلق فيهو ناس ونقول المهم مافي موت
* واخاف من اليوم البنقول فيهو المهم مانزلنا من الممتاز
* يا مجلس ادارتنا
* اعطوا الموضوع اهتمام كبير
* بالطريقه دي حانفقد النقاط واللاعبين والجماهير
* والداء لو بقي (كرونك) حا نحتاج لسته مدربين
* اتنين ينسوا اللاعبين الحاصل
* اتنين يشتغلوا مع اللاعبين نقاهه
* وبعد داك اتنين يدربوهما
* رمضان كل المدرجات تتفق علي انه افيد اذا لك يكن راس حربة صريح
* الا الجهاز الفني لسه مافكر للحته دي
* المدرجات كلها اتفقت علي ان عنكبه ادي افضل اداء له
* الا الجهاز الفني الذي اخرجه
* اخرج عنكبه المثبت النسور
* ودخلونا في حيص بيص
* دخلوا النسور في خط طمنطاشرنا
* ايها الناس
* المعلم معلم
* وكلام غرزه في اوكرا واضح
* ولكن اصحاب الملوتين في الكيل بقولوا
* مستوي اوكرا متواضع عشان غرزه كان رافيهو
* كيل يا ميكائيل
* الخريف،شديد
* ايها الناس
* بشائر اعادة لتأهيل الاستاد ظهرت
* امس النجيله حلقت برغم القوب الظهر
*وبمكتب دحيه  توجد كراتين معدات اعادة الكشافات لالقها
* وياريت باقي الناس الفي الروزا يحاسبوا،الكمساري
* انتهي زمن الزول البدفع براهو وبقول للكمساري كلهم معاي
* الماعندو ينزل
* نجر الشارع لي صابرين
* بنلقي ركاب
* وبدفعوا
* وطالع نازل بتصلح الفرده
* ايها الناس
* اخاف من عبارة المهم النقاط
* حاتجيب لينا المهم العضام
* ايها الناس
* ان تنصروا الله ينصركم
* اها
* نجي لي شمارات والي،الخرتوم
* كان شفت يا والينا
* المطره امس فاجأتنا ونزلت علينا
* انتوا زاتكم فاجأتكم موش كده يا والينا!!!
سلك كهربا
ننساك كيف والكلب يبرطع مجلبغا في المويه ساااااكت ويضحك علينا
والي لقاء
سلك