قرقوش تاني قام على جنه !!

لهيب النار

هاشم الطيب

قرقوش تاني قام على جنه !!

# بعد الجن الأولاني والفيه حرم الأجهزة الفنية للدرجة الرفيعه ( الممتازة) وهي ليست هكذا وشطح ونطح وأصدر قرار واجب الإنفاذ بدون مناقشة لا بد من مشاركة لاعبين من السنيه وتم تنفيذ القرارعلي سكات ولسان قرقوش غلب !!
# والناس ساكته وواضعين الخمسه فوق الاتنين وهم يرددون في حد أفهم من قرقوش في علوم الكوره !؟ # فريق باني إكتوي بجمرات قرقوش وعجز الفاتح أن يفتح الله عليه بقولة بغم !
# وقام الحاكم بأمر الله في شأن الكرة السودانية بفتح السيستم في زمن الربيع لا صيفي ولا شتوي والأمر من أجل الكبيرين فط والبقيه لو ما عجبهم يشربوا من النيلين !!
# ولسان قرقوش غلب !! # غلب منو وبكم ؟
# سجلوا محترفين ومافي زول يفتح خشمه !!
# وكمان يلعبوا في الأبطال والممتاز لو عجبكم !؟
# ما قلت عاوز تبني الفرق القوميه بس معقوله حنبنيها بالمحترفين واولادنا المواهب سدوا عين الشمش!! # نرجع للجنة مك الكوك سيد الفهم الأوحد سيدنا السلطان الدولي عامر بن عثمان المسؤول عن جميع حكام السودان وبعد …..
# يا شيخنا قيل أعمل لدنياك كأنك تعيش أبدا ولآخرتك تموت غدا و…. # وكمان قالوا لو هي دائمة لدامت لمن سبقوك ولم تأتي ليك يا مك !!
# جدك ألمك نمر لما ضاقت به الوسيعه عمل ليه متمه في الحبشه أنا خوفي عليك لما تضيق عليك ترجع تبني ليك بيت في المايقوما !!
# و يا شهر تسعه ما تسرع عشان قرقوش يرجع لكرسي القماش والبقيه تدخل الأجحار ومراقبات تاني بالهندي ( ناهي) !!
#وباكر تقول انا مكتوب عند عمالي !!

# لا لا كله من عمايلك أرخ أضانك أسمع حكامك بيقولوا شنو أنزل من برج قرقوش تعرف إنت واقف وين ؟
#وقالت… السوق ولع نار رد عليها كله من عمايلكن أي حاجه زدتنها مويه !! # يا عامر فك الزراره الفوق وعود ونزل القزاز تعرف إنت واقف وين؟
تواصل….
_______
جد بالجد بدون حليفه الزول بيموت أنا فرحان لجيل حكام كرة القدم الجديد الذين رموا ذلك القول القبيح الذي توارثته الأجيال جيل بعد جيب ( ورثنا وسنورث) يا لهذه الورثة القبيحة التي أساسها الحفر لبعضنا البعض وما نشاهده اليوم يا نجومي وكردي وبقية هذا الجيل نقول لكم يافخركم وليس كل مايورث يجب أنيورث يا بختكم بهذا التواصل وأمسكوا قوي .. حكم (م) هاشم ….