قلتي لي طيارتكم !!!مقالات كورة في مايو 3, 2019 47 مشاركة المقال فى السلكبابكر سلكقلتي لي طيارتكم !!!بسم الله الرحمن الرحيم في السلكقلتي لي طيارتكم !!!*انباء عن مطالبة بعض من اسرة المخلوع ومنطط عيونو بتسليمهم الطائرة الرئاسية (الورثها من ابوهو) عشان هي هدية شخصية لي سعادتو*وان صحت الانباء نقول لاسرة علي بابا والاربعين حرامي*الطيارة هينة*علي بابا عرفناهو*الاربعين حرامي ديل منو يا اسرة(المخلوع)؟؟؟*نرجع لقصة الطيارة*قلتوا لي طيارتكم؟؟؟*تطير عيشتكم*برضو وقع منها كسرت سنو؟*انتوا راكبين تخمخموا نازلين تلملموا؟*نحنا ماعندنا مانع لو بقت طيارتكم نديكم ليها*وكافوري لو طلعت ماكافوريكم ترجعوها لينا*كلو زول يشيل حاجاتو*نرجع للطيارة*ولان الشعار حرية سلام وعدالة*نحكم فيكم شرع الله*موش قلتوا اسلاميين*يبقي نحكم شرع الله*تتذكروا الصحابي الجليل الكلفوهوا يجمع الزكاه والناس ادتو هدايا شخصية مع الزكاه*لما رجع موش قال رضوان الله عليه للرسول الكريم عليه افضل الصلاة والتسليم*هذا لكم وهذا لي؟*الرسول الكريم عليه افضل الصلاة والتسليم قال ليهو شنو؟؟؟*بتتذكروا ولا اذكركم؟*قال ليهو هل جلست في بيت ابيك وامك ورسلوا ليك الهدايا دي؟*الآن بالشرع كده قولوا للمخلوع*هل جلست في حوش بانقا وادوك الطيارة دي؟*لو قال نعم*تعالوا شيلوا الطيارة*واكلفكم بسؤال تاني للمخلوع*قولوا ليهو سلك قال ليك رجع لينا خط هيثرونا*ماياكلكم حنك ويقول ليكم طالبني حليفه؟وحصل انا كضبت عليكم؟*الزول ده كضاب شديد*والله تمشوا ليهو في كوبر يقول ليكم انا في السويد*ماتصدقوهوا*غايتو لو صح خبر المطالبة بالطيارة اللافي في المواقع ده*يبقي صحيح الاختشوا ماتوا*قال طيارة قال*ياخ سودانير كلها وين؟؟*برضو رميتها من السقالة وكسرت سنها؟*صحيح الاختشوا ماتوا*استاذنا الطيب مصطفي والهندي عزالدين*ببكو علي الامن والامان*امان آند ابان؟*ياتو امان البتبكو عليهو؟*امان الاعتقالات والتعذيب وكتائب الظل والحقارة وسرقة مال الدولة؟*لا امان مع جوع وقهر ياناس*ربنا زاتو جاب الاطعام من جوع قبل الامان من خوف*زول جعان امان شنو كمان*المواطن ينوم يصحي يلقي الراجحي اشتري نص البلد*تقول لي أمان*يادوبك نحنا عشنا امان يامان*لاتاتشر ساكانا*لا قناص بندقيتو في ايدو وعينو في الضبانه*لابتصدر لحمنا من السلخانة*وهيييي وهييييي وتاني هييييي*قال امان قال*ماتخلونا نترتر لي ورا وندخل في جرجرة*ماتخلونا نقيف في الصينيه ونكورك للحرامية*هيييي وهيييي وتاني هيييي*ماتخلونا ننزل دستور ونمرق الكتلوهوا بالخابور*قال امان قال*ماتخلونا نمرق المال الوطن خسرو ونجيب سيرة خط هيثرو*قال امان قال*ماتخلونا نبين الجخة في الفاضي وسرقة الاراضي*هبييي وهييييي وتاني هييييي*امان في بلد حكومتها تسعة وتسعين في المية محتالين ودجالين وحراميه؟؟؟*امانكم داك مادايرنو*اماننا لو ماعاجبكم شيلو بقجكم*نحن في عهد*الملك الشعب*ايها المجلس العسكري*دحين انت ماشلت رئيس القضاء؟؟؟*دحين انت ماطلعت مليون قرار ما اتنفذ؟*فنجري علي شنو يامجلسنا العسكري؟*الناس الصابنها طلعت سلمية ضد الحرامية*الآن بشوف اللعبة احلوت*عسكر وحرامية*وعشان بنحترم العسكر*حقو ماتلعبوا مع الحرامية*كل فلول الدولة قاعدين في مناصبهم*عرفتوا ليه صابنها ياعزيزي برهان؟*ثقتنا في الجيش كبيرة*بالذات المدرعات وسلاح الجو*وكل الجيش بدون فرز*الجيش مابهون علينا*وحتي لغة خطابنا معه يجب ان تكون محترمة*لانو لكل مقام مقال*وبرغم كل ذلك يحتاج لنظافة شأنه شأن الخدمة المدنية*حتي نضمن انه ليس طرفا في لعبة عسكر وحرامية*يامجلسنا العسكري*اصبحنا لا تستبعد بكرة يجينا في الاعتصام موكب الحرامية*لانو ماحصل ليهم اي شئ*وبمناسبة موكب*عندنا موكب اصحاب الصلع*انا وحاتم عبدالغفار والطاهر الحاج بتاع الموردة وبقية العقد الفريد*شعارنا تكسر سنك بي وقعة*تكشف حظك بي ودعة*تشيلك بره مليون صلعة*وهتافنا*الليلة بجيك بهناك*ثورة*كوجاك ينطح كوجاك*ثورة*جدادة نحمرها ليك*ثورة*شربوت نتقلوا ليك*ثورة*كنداكة كان نعرسها ليك*ثورة*وداد تكسر كرعيك*ثورة*بس موكبنا ده اتأخر*لانو فهم المجلس العسكري باشراك الناس ديل في اي شئ مخوفنا*ممكن بشة يطلب المشاركة*عندو صلعة*اها نسوي شنو؟*ايها الناس*ان تنصروا الله ينصركم*اها*نجي للشمارات*كان شفت يامجلسنا الفنجري*دايرين نغني جياشة*ساعدونا بالمشاعر الجياشةسلك كهرباننساك كيف والكلب قال اجمل عبارة هي…الملك الشعبوالي لقاءسلك قلتي لي طيارتكم !!! 47 مشاركة المقال