كمان جابت ليها لفحي فضائيات
ﻓﻰ ﺍﻟﺴﻠﻚ
ﺑﺎﺑﻜﺮ ﺳلك
* حال الهلال يغني عن السؤال
* واليومين دي آخر سنه وتقفيل حسابات وتحقيق ربط
* أي متأخرات جبايات ما بتعفيها الجهات الفارضاها
* بلد زومتها ضايقي
* والمحليات بختها وبخت أمها
* ربنا جاب ليها قريشات في صمة خشمها
* رخص زي الرخص
* رخص بالهبل
* رخص بقدر عدد الأهلة الشرفاء
* الجماعة بقوا يحننوا
* يحننوا دي دايرة ليها رخصة
* يحننوا ساااي ؟
* فوضي هي
* أي هلالابي يدفع رخصة عشان بقي يحنن
* والبظهر عليهو في وشو إنو بحنن
* يدفع عرض خارجي
* العرض الخارجي كمان بكلف عند المحليات أكثر من العرض الداخلي
* لكن لاعبين يا محمد عبدالماجد تحننوا كاتبين تجننوا
* المهم
* هلالابي قال لي لو جبتوا ليكم رئيس ؟؟؟
* قلت ليهو نحنا بنجيب أقوان بس
* صاحبنا ندم علي السؤال
* ومشي مسكيييييييييين
* يحنن
* كلهم يحننوا
* وإتحنني
* والناس البحننوا ديل بنقشوا كمان
* ناقشين أي شئ
* لكن عاملين رايحين
* تلاتة من البحننوا وبنقشوا كويييييييس
* كانوا بتونسوا
* الأول قال نحنا نبوظ كورة الوطني وعمل منها زواغة من الدوري
* التاني قال ليهو أبداً
* نحنا نقول الإتحاد ده إتحاد عصيدة وننسحب
* التالت قال ليهم الخطتين سمحات المهم ما نقابل المريخ
* لو قابلنا المريخ بفرتقنا حتة حتة
* ويجدع بي جاي أب ستة وبي هناك الكسكتة
* موش قلت ليكم التلاتة بحننوا وبنقشوا كويس !!
* أيها الناس
* قولوا واحد
* أب كسكتة شبع من الفرجة علي ركبة جابسون أظنو
* سمعنا تحت تحت قالوا قال ليهو شيل ركبتك وأنهي غربتك بلي يخمك ويخم الجابتك
* محاسن تاني ما تجيبي حرجل
* قلت لي يا كردنة دايرين تقعدوا جابسون في الكنبة وتتفرجوا علي ركبتوا وكلو يوم تسألوهوا ركبتك الليلة كيف يا جابسون ؟؟؟
* غايتوا قعدتوا في الكنبه شفناها
* وفرجتكم علي ركبتوا يا كردنه شفناها
* وسؤالكم ليهو ركبتك الليلة كيف يا جابسون سمعناهوا
* بس إجابة جابسون ما سمعناها
* إجابتوا علي سؤالكم كانت شنو يا فطومة ؟؟؟
* أوعه يكون غشاكم تاني وقال ليكم أنا ركبتي تش
* لأنو الركبة التش بتعرفها
* إنتوا طبعاً حاجة تش ما عندكم
* أسألونا نحنا من التش
* وحانتشكم
* أيها الناس
* وأنا أقرأ لأستاذنا الكبير ميرغنيي أبوشنب علي زاويته المدرسة بصراحة بصحيفة أخبار اليوم العملاقة
* أبوشنب سجل إدانته لفضائية الهلال التي يجب علي حد تعبيره أن تلتزم بما تنص عليه العقود والإتفاقيات
* وتحت تحت قالوا التشويش علي شاشة الملاعب كان بسبب تلك القناة وعدم الإلتزام بالعقود ذلك
* سمعنا باللفحي في الفيس
* وشفنا لفحي الواتساب
* كمان جابت ليها لفحي قنوات !
* قااااادر الله
* وإتلفحي
* أيها الناس
* أيها الشفوت
* موقعة أهلي الخرطوم هي معركة التتويج
* فهل أنتم لها ؟؟؟
* كل مريخاب العاصمة والولايات المجاورة مطالبون فرضاً بالتواجد داخل الإستاد من عصراً بدري
* فرض عين لا يعفي منه حتي المريض
* نجي كلنا نحمي موسمنا
* ونشجع زعيمنا
* ونحتفل بعد المباراة بالبطولة
* ومن حقنا
* فرق الممتاز طمنطاشر
* طلع المريخ الباقي سبعطاشر
* مع إحترامنا لهم جميعاً
* دخل المريخ بي جاي
* والسبعطاشر فريق بكامل كشوفاتهم بي جاي
* وحكام الدنيا والآخرة
* المريخ بغلبهم
* لأن المريخ هو القوة الفنية الضاربة في البلد دي
* ولن نكون كذلك إلا إذا حضرنا لنا بشعاراتنا وكاباتنا وكتاباتنا ولافتاتنا وشيرتاتنا وناسنا ونحاسنا وفرقة جازناالفيها الدرمز البي جمبتوا مربوطة الحاجة البتقول تشششش
* أيها الناس
* إن تنصروا الله ينصركم
* أها نجي لي شمارات والي الخرتوم
* أكان شفت يا والينا
* واحد قال إشتريت قميص بي خمسة الف
* قلت ليهو بالقديم ولا بالجديد؟
* قال لي إنت في ده ! أمس نمت أربعة صباحاً
* قلت ليهو بالقديم ولا بالجديد ؟
* قال لي ده كلو سيبو . يوم التلات أنا مسافر
* قلت ليهو التلات بالقديم ولا بالجديد
سلك كهربا
* * ننساك كيف والكلب قال مرات أنبح اليوم كلو بالجديد ولما أكون فتران بنبح اليوم كلو بالقديم ؟؟؟!!!!
والي لقاء
سلك
حمل تطبيق كورة سودانية لتصفح أسرع وأسهل
لزوارنا من السودان متجر موبايل1
http://www.1mobile.com/net.koorasudan.app-2451076.html
3,699 حملو التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
13230 حملو التطبيق
على متجر mobogenie
http://www.mobogenie.com/download-net.koorasudan.app-3573651.html
5000+ حملوا التطبيق