(كورة سودانية) تكشف الاسباب الحقيقية لتمرد لاعب المريخ شمس الفلاح
كشفت (كورة سودانية) الاسباب الحقيقية لاعلان لاعب المريخ شمس الفلاح تمرده وتوقفه عن اداء التدريبات بالمغرب .. حيث دفع تحويل اللاعب للفريق الرديف بعد تعاقد المريخ مع اللاعب ابراهيم جعفر خلال فترة انتقالات اللاعبين التكميلية الي المطالبة بشطب بالرغم من رجاءات البعثة التي حاولت الجلوس مع اللاعب وانه سيعامل مثل لاعب الفريق الاول ولن يلعب مع الرديف .. إلا ان اللاعب تمسك بوقفه وطالب بإعادته للخرطوم فورا.
ياكردنة حرام عليك ياخي، جرجيرك الأخضر فتح النار في معسكر المرخرخ، وكل يومين تلاتة نسمع بحركة تمرد جديدة في معسكرهم، أصلهم ياحرام كانوا متعودين علي ماسورة (قروشنا) البتنقط قروش 24 ساعة، وبصراحة كدة بابا جمال دلع اللعيبة وبقوا مابيستحملوا الفلس….الجماعة شافوا شيبوب شاوي القلوب بيستمتع بنعيم الدنيا في الجوهرة عشان كدة القعدة في المرخرخ غلبتهم وبقت ليهم الدنيا مسيخة….!!!
السوؤال هو، هل سنسمع ياتري بكوبري بين أمدرمان والقاهرة في تسجيلات ديسمبر القامة يحمل مازن (محمد) شمس الفلاح إلي الجوهرة؟ وماهي العاصمة الأفريقية التي سيتم منها تهريب اللاعب من الطابق الرابع في هذه المرة؟ ومن من مجلس المرخرخ سيحضر اللاعب من تلك العاصمة ويتصور معه في المطار؟
غايتو براكم بتجيبوا المشاكل لي نفسكم، تحولوا اللاعب للرديف ويبقي هاوي تاني وتفرطوا فيهو وبكرة تجوا تجعروا وتسكلبوا…..
أقول ليكم حاجة، رسلوا أبو نجود يستلم اللاعب ويبقي بودي قارد ويحرسه لحدي شهر 12، علي الأقل ماعنده شغله وقاعد عاطل ساي !!!
صلاح شيبوب