صحيفة كورة سودانية الإلكترونية

كورونوك ولا جوك جوك

73

في السلك

بابكر سلك
كورونوك ولا جوك جوك

*الشئ الوحيد الجميل في فايروس كورونا
*اننا ولاول مرة في التاريخ نأخذ امرا بمثل هذه الجدية
*علي الاقل علي المستوي الحكومي
*ونتمني نفس الجدية علي المستوي الشعبي
*فمازال شعبي يركلس حول ستات الشاي
*ويعطس ليك جوة حنانك زاتو
*بعضنا اهتم بالامر
*قام لبس كمامة
*ولكنها كمامة لزوم القشرة
*زي سيجارة الحفلة زمان
*وزي النضارة البرفعها سيدها علي راسو
*تلقي الكمامة معلقة علي الاضنين
*وباقيها علي الرقبة
*والخشيم والنخيرة بره الجك
*بس عريان ولابسلو صديري
*اما بعضنا الآخر
*فيعتمد علي عبارة الكاتل الله والحاي الله
*وهم بذلك لايفرقون بين التوكل والتواكل
*اعقلها وتوكل يا اخي الكريم
*ولاتدعها مطلوقة وتعتمد علي المولي في حفظها
*ستجفل بالتأكيد
*ومع كورونا الجفلة من الدنيا للآخرة طوالي
*اذن علينا بالاحتياط اللازم
*وعلينا الاشادة بالجهود الحكومية في هذه الكارثة
*وقبل كل ذلك نحمد الله انو كورونا جات بعد الجماعة فاتوا
*كان شبكونا ليك البعد عن الله هو السبب
*لو عالجناكم بتموتوا ولو خليناكم بتموتوا
*وكان انبثقت كم لجنة كده تضرب العون الانساني العالمي جوة الطيارة
*ثم يطل علينا آخر
*هي الكورونا شنو!!!!
*ماياها ام قنطو حقتنا القديييمة ديك وام تكشو وسمير بتاع الجداد
*ايها الناس
*نرجو التعامل مع الامر بجدية شعبية واعية
*البس كمامة
*ماتصافح
*تجنب التجمعات قدر الامكان
*اغسل يديك بمطهر كم مرة يوميا
*لا تقح في وش زول لاتخلي زول يقح في وشك
*ماتاكل في الشارع
*ولو زول عطس عطستين بينهما شهقة
*قبل يعمل فييييط قول يافكيك وبلغ بالاتصال باحد ارقام الجهات المعنية
*حاتقولوا لي ده كتير
*وكورونوك ولا جوك جوك
*ولكن تذكر
*كورونوك مابشهدوك
*شتاااااات يافردة والامة المهملة منقرضة
*المهم
*موضوع لجنة الاستثمار نزع الاهمية من موضوع كورونا
*وتحدث الناس في القروبات وعبر الاذاعات عن رهن اصول المريخ
*حديث بالطبع مخجل
*ويفيد بان الذين يلوكونه يجهلون مواد النظام الاساسي الذي بموجبه تم تعيين لجنة الاستثمار
*ونجد العذر علي الجهل والتجاهل والجهالة
*لان الناس وقتها كانت تعارض في نظام اساسي بالتبعية او الوكالة
*دون الاطلاع علي بنوده
*لذا كانت العبارات المضحكة تخرج بين كي بورداتهم منسابة من فرط الجهالة
*ايها الناس
*لجنة الاستثمار لجنة طموحة
*وقائد ركبها ابو اواب شهدت له الايام بمواقف كريمة ومشرفة ومشرفة
*لذا علي المجلس واللجنة تحكيم العقل والجلوس بهدوء وبنفوس نظيفة لإزالة اي لبس في الموضوع
*كفانا الكورونا
*ايها الناس
*النجيلة قررربت تقوم
*ولو قامت في ناس حاتقوم صوف
*اما السياج
*فسياج عالمي يشبه العالمي بحق وحقيقة
*تاني الكاف يشوف ليهو محل غرامات يعيش منها
*فكل مبارياتنا الافريقية
*كان الكاف بقطع لينا ايصالنا من قبل الكورة
*مخالفة سياج وخور كاشف حول الملعب
*كنا زي الحافلة المامرخصة
*من الصباح نقطع الايصال عشان نسترزق ونشتغل
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*لو عطسنا
*بتجري تخلينا؟؟؟؟
*ولا بتعطس معانا
*ولا بتداوينا؟؟؟؟
سلك كهربا
ننساك كيف والكلب قال كدي واحد فيكم بس يقول اتشوووووو شوفوني كان تلقوني
والي لقاء
سلك

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد