صحيفة كورة سودانية الإلكترونية

لسه باقي ليكم شوته

25

في السلك
بابكر سلك

* الجماعه امس نشاطهم كان كعب شديد
* الشبكة كعبه ولا شنو ?
* برغم انو التحكيم حيرنا
* ضربة جزاء اوضح من ظلم الحسن والحسين في الشوط الاول
* ملامسه واضحه باليد للكرة
* لكن يمكن قانون التحكيم الجديد الضراع فيهو ماتبع اليد
* انتهينا من يخطئ ولا يظلم
* وانتهينا من هاند تو بول
* وبول تو هاند
* جاتنا القصة الجديدة
* ضراع بول إز نوت هاند بول
* الهاند من الكوع ولي تحت
* ومرات حسب الظروف
* وفي الشوط التاني
* مدافع الهلال علي رأس خط طمنطاشر بتاع الهلال
* يرفس برجلينو الاتنين الكرة علي مستوي رأس مهاجم النمور وتحتسب مخالفة علي المهاجم
* مخالفة بي كرتها كمان
* وفي نفس هذا الشوط يدفع مدافع الهلال مهاجم النمور ود مزمل داخل الخط
* ويخطئ التحكيم بالسكات
* ولا غرابة من تحكيم ساعد علي تصفية المواهب جسديا امثال التش ورفاقه
* فكيف لا يسكت علي دفر باليد ساكت !
* انه نفس التحكيم الذي كان سببا لتأهل الهلال في مباراة ود نوباوي في بداية كاس السودان
* وراجعوا شريط المباراة
* المهم
* امس النشاط كان قالي شديييد
* ياربي من شنو ?
* من الاكل الكعب !
* ولا خوف من غسيل المعدة ???
* غسيل المعده كان كتر بجيب غسيل الكلي
* ماجيران عاد
* بتأثرن بي بعضن
* ايها الناس
* لن تتطور كرة القدم عندنا والتحكيم بهذا الحال
* اذا لم يغير التحكيم من حالو
* حايفضل مستوي البلد الكروي في حالو
* المهم
* امس شاهدنا صور لمحمد موسي بتاع الاهلي في بيت كردنه جوار نفس المرايا
* المرايا دي برضو اتصور جمبها بكري المدينة وما وقع
* اتصور جمبها اب سته ومانفع
* اتصور جمبها جابسون وودع
* اتصور جمبها تيتيه وفلسع
* اتصور جمبها مكسيم وماجمع
* اتصور جمبها ابراهومه المانجع
* اتصور جمبها آدم المشي يجيب التمنمية للعقرب ومارجع
* اتصور جمبها اوكرا الفي الكنبة انجدع
* غيرو المرايا دي يافطومة
* جيبوا مرايا تانية جديدة
* عشان تعكس ليكم الصورة الحقيقية
* لكن المرايات مامضمونات
* دايما بقلبن الحقيقه
* يمينن شمال وشمالن يمين
* عشان كده جابت ليكم عمر اب سته 36
* عكست الارقام
* عشان كده جابت ليكم ركبت جابسون سليمة
* عكست الركبه التانية
* وكلميني يا مرايا
* المهم
* ماذا حدث او يحدث او سيحدث في قنبلة الموسم التي فجرها تريعة البجا يا شداد ????
* قانون كهيه ?
* ولا قانون تم كرتا نهي ?????
* ايها الناس
* ياربي ناس العالم عملوا شنو في قصة هتلر والمحرقة ???
* وهل ناس اتحادنا اصدروا شئ عن المحرقه ولا لسه في المحركة ????
* والله يصرف الامريكان
* ايها الناس
* لا اخبار عن تسجيلاتنا
* ان كان هذا المجلس لا يملك المال اللازم
* يعلن القصة دي
* ماعيب
* ويستنفر الناس للكارثة دي
* ويطلب من الاقطاب مثل جمال والفادني العون
* ماعيب
* يقول ليهم كلو زول فيكم يموت ليهو بي لاعب
* اما اذا عندو القروش
* ورصد ناسو
* وبعمل في السر
* هذا امر عظيم وبارك الله فيهم
* لكن ليعلموا جميعا
* اذا فشل المريخ في هذه التسجيلات بسبب شح المال وعدم الاستعداد
* فهذا يوم تصافح فيه آذانهم عبارة
* اررررررحل
* المهم
* امس التحكيم ظلم الهلال شدييييد
* والله الهلال عندو ضربة ما شاتها
* ناس شندي شاتوا خمسة
* وناس الهلال شاتوا اربعه
* بعد ناس شندي شاتوا الخامسه
* الحكم طوالي نهاها
* وهذا هو شكل من اشكال ظلم التحكيم للهلال
* واتظلمي
* علي الطلاق ناس الهلال عندهم شوته ماشاتوها
* ياروشا
* رجع الناس ديل
* لسة باقي ليكم شوته
* ايها الناس
* العلاقة بين جماهير المريخ والشرطة كانت علاقة فيها الاحترام والحميمية
* ناس الشرطة لما يدخلوا عشان يقعدوا حول الملعب
* كانت تداعبهم جماهير المريخ في المساطب الجنوبية بعبارة
* بي غادي… بي غادي
* في اشارة منها للقول باننا مابنجيب الشينة ومامحتاجين شرطة تحرسنا
* بي غادي
* فهل حافظت الشرطة علي هذا الاحترام والحميمية ???
* دعم اجابتك علي السؤال بالسوابق والمواقف الحصلت
* ايها الناس
* ان تنصروا الله ينصركم
* اها
* نجي لي شمارات والي الخرتوم
* كان شفت يا والينا
* سك ستات الشاي ماخدمة لينا
* تنظيم وترخيص بي رسومو احسن ليكم وافضل لينا
* احسن ليكم لانو ماحتخسروا الغرامات
قصادها رسوم الترخيص يا والينا
* وافضل لينا كمجتمع لانو الجوع كافر و لازم ياكلن يا والينا
سلك كهربا
ننساك كيف والكلب قال ما يصرف علي سك ستات الشاي لو صرف علي سك العمله كان الدولار نزل
والي لقاء
سلك

 

 

 

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html
3,699 حملو التطبيق

لزوارنا من جميع انحاء العالم من متجر قوقل

https://play.google.com/store/apps/details…

13230 حملو التطبيق

على متجر mobogenie

http://www.mobogenie.com/download-net.koorasudan.app-357365…
5000+ حملوا التطبيق

 

قد يعجبك أيضا
4 تعليقات
  1. خال أماسى يقول

    انت ما قالوا محامى وبياع كلام
    اذا كانبكري المدينة وما وقع
    * اتصور جمبها اب سته ومانفع
    * اتصور جمبها جابسون وودع
    * اتصور جمبها تيتيه وفلسع
    * اتصور جمبها مكسيم وماجمع
    * اتصور جمبها ابراهومه المانجع
    * اتصور جمبها آدم المشي يجيب التمنمية للعقرب ومارجع

    * اتصور جمبها اوكرا الفي الكنبة انجدع

    7 لاعبين ما نافعين حسب هذا الهراء الذى سودت به الصحائف والصحف كيف لفريق مثل هذا ان تاتى خلفه رغم دعم الحكام الواضح الفاضح
    سيبقى المريخ وصيفا مع دعم الحكام وان اختفى الدعم واتوقع فى وجود شداد ان تلحق بالموردةوبرى والتحرير طالما كتاب المريخ من امثالك يمشوا خلف المرشد
    هذا الفريق هزمك ف السباق الخاص والعام ونال الدورى عنوة واقتدار بصواريخ لاتصد ولا ترد يا

  2. خال أماسى يقول

    ناس الشرطة لما يدخلوا عشان يقعدوا حول الملعب
    * كانت تداعبهم جماهير المريخ في المساطب الجنوبية بعبارة
    * بي غادي… بي غادي
    * في اشارة منها للقول باننا مابنجيب الشينة ومامحتاجين شرطة تحرسنا
    * بي غادي انت فاكر القراء كلهم من جيل الالفينات كذبت ولويت عنق الحقيقة والله كنا نقولها من داخل الاستاد وكان ياتى لصايد الاهلة مجموعة بسيطة والعدد الاكبر كان ف صايد المريخاب والجلد واللبع ياماhttps://www.youtube.com/watch?v=_2_TVAErYLA دا جمهور الصفوة

  3. ود الزين يقول

    مافي زوول غيرك انت وموهوم ابو القنابل مغطس حجر المريخ . يا صحافة الغفلة . هذا زمانك يا مهازل فامرحي

  4. tango يقول

    النصيحه الغلب حااااااااااااااااااااااااااااااار ,, ليك اسبوع تهضرب
    مره منشطات مره كواميت مره الحكم لمن غلبك التسوى
    نحن غير بل ما عندنا ليك شى يا اب صلعه
    و مع رئيسك المسجون ده كمان حتطلع من مولد التسجيلات من غير حمص
    الشافك السنه الجايه لاعب سنترليق ما كضب

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد