في الصمت كلام
محمد عثمان بلل
لسه ما سقطت كويس .. والبشير جاي النيابة بـ(برادو)
• معقولة يا جماعة.
• دا كلام.
• البشير جاي النيابة بـ(برادو).
• عربية آخر موديل.
• وكمان شغال يبشر للناس.
• الشباب كانوا بهتفو ليهو يا سفاح.
• وقاعد يبشر.
• دا يقولو عليهو شنو.
• الطاغية دا مش مسجون.
• وحسب ما هم قالوا .. موجود في سجن كوبر.
• وأي سجن في الدنيا عنده عربية لنقل المساجين.
• وطيب البحصل دا شنو.
• مفروض ينقل بعربية السجن.
• زيو وزي باقي الناس.
• دا مفروض يجي النيابة (كداري).
• ثورتنا لسه.
• حكومة الهوان ما سقطت كويس.
• الكيزان موجودين في كل مكان.
• بالجد ما سقطت والحال ماشي لأسوأ.
• وين ناس الحرية والتغيير.
• نسيتو العهد الزمان.
• وين حق الشهداء.
• وحق بناتنا كمان.
• شكلكم مع المكيفات والسفريات نسيتو أي حاجة.
• الكلام دا ما جاي.
• لازم تسقط كويس.
• لازم تسقط كويس.
• لازم تسقط كويس.
