لعبوا الجمعة و تموها السبت و الله شافهم من الخبت

شارعين و ناصية
محمد الطيب الأمين
لعبوا الجمعة و تموها السبت و الله شافهم من الخبت

• ماشاء الله تبارك الله.
• يا أرض احفظي ما عليك.
• كل ما أشاهد روفا أردد الكلمات أعلاه .
• من العين والحسد.
• وكل عين ساحرة إلا ما قالت ماشاء الله
• روفا فنان هذا الزمان
• نجم إذا غاب غابت اللمسة واللمحة.
• وإذا حضر كان الجمال كل الجمال
• حيوية ونشاط
• ذكاء و خیال
• لاعب يسجل الأهداف على طريقة الكبار
• بالأمس سجل روفا هدف بطريقة فيها كثير من الإبداع
• وكان لوجوده اثر كبير وتأثير واضح على النتيجة
• بمناسبة النتيجة
• لعب المريخ امام حي الوادي (الجمعة والسبت) فكانت النتيجة تعادل
• ولو لعب معهم (الجمعة والسبت الاحد) لكانت النتيجة تعادل أيضا
• يوم الجمعة الكهرباء انقذتهم
• يوم السبت بدلا من أن يستفيدوا من الدرس وقعوا في نفس الخطأ
• والحالة قالوا مدربهم بتاع بطولات
• مدرب بطولات بيلعب يومين ما بغلب؟
• وين الجزولي نوح
• وين رمضان عجب؟
• رمضان عجب من يوم ما قبض قروش الهلال تاني ما ضاق عافية
• وين محمد الرشيد؟
• بخيت خميس.
• وين طيفور ولدنا.
• ويبدو أن طيفور أصبح مركز مع الهلال أكثر من تركيزه مع المريخ .
• وكذلك الأخ غير الشقيق توني.
• توني لاجا ولا يرد على رسائلهم
• لا رد لا جايب خبر اشواقنا وين ما وصلتو و
• هانت سنين الود عليهو ولا المشاغل نستو
• طارينا ولا غياب سنين بدل ملامح وقصتو .
• والليهو في الأفراح نصيب بيجي يوم وياخد قسمتو
• أول مرة في حياتي أشوف لي فريق بيلعب يومين ومع ذلك يخسر بالتعادل
• المهم
• الحمد لله علي نعمة الإسلام والمويه الباردة والهلال
• الحمدلله على نعمة روفا.
• و الحمد الله على نعمة الغربال
• وليد الشعلة
• اجاجون
•الفارق 8 نقاط.
• ويمكن يبقي 18 نقطة في ما حصل من قبل
• الجماعة طالبين التأجيل
• تأجيل ليه
• لا فيی برد ولا في مطر ولا في سحائي
•لكن في روفا ومزمل لا.
• مزمل أخطر من البرد
• وغايتو جنس غايتو.
• توني لأي مبيوع