*فرق كبير جدا
*مابين الكيان والكيمان
*فالانتماء للكيان ليس ارتماءا علي الكيمان
*ولاننكر ان المريخ قد دفع ثمن الارتماء علي الكيمان باهظا خاصما من درجات الانتماء للكيان العليا
*وصلت نوايا البعض امنياته منا لدرك سحيق لم يصدقه المريخاب الخلص حينما اشرنا اليه
*بعضنا للاسف الشديد تمسكه بالكيمان جعل رؤية المريخ ظافرا مستقرا تمثل له بعبعا اذا كان ذلك الاستقرار في عهد اداري لايمثل الكوم الذي ارتمي عليه
*فتباعدت شقة العشق بين بعضنا وكياننا
*في ٢٠٠٨ وعلي صفحات السوبر العملاقة كتبت محذرا من ظهور الكيمان اللعينة
*ولا داعي لذكر ماقلته بالحرف حتي لا احرج الكيمان او الانسان
*ولكن خلاصة قولي كانت خلونا مريخاب وبس
*فلقب مريخاب يسعنا جميعا ويربط بيننا مهما اختلفت وجهات النظر
*ويجعل من الكيان عشقا مقدسا
*ولكن للاسف تنامت تلك الكيمان بمسمياتها المختلفه
*وفعلت مايحلو لها بالكيان
*واوصلتنا لمرحلة كنا نخافها تمسكا بحياة المريخ
*وبدأنا نعمل بمفهوم المابدورك في الضلام بحدر ليك
*وبقينا نتحامر داخل عتمة خسران الممتاز والبعد عن منصات التتويج الافريقية والتي خبرناها من زمن جية البشير
*وبقينا نعمل بمفهوم اخوك ان اراد بك ضرا تنقط له العسل يبصق يقل لك مرا
*نقط بعضنا العسل في ٢٠١٥ ووصلنا للمربع الذهبي افريقيا بل وكنا المرشح الاول للبطولة
*في ذلك الوقت بصق بعضنا الآخر وقال مرا
*حققنا انجازات سيكافات ودبي والشارقة ومانديلا
*عسل زي العسل
*فخرج علينا بعضنا حديثا يتفتف قائلا ان ذلك العسل مرا
*وان المريخ لم يعرفه الناس الا حديثا في عهد كومهم
*وده الجنن بوبي
*اخي الكريم
*ادعوك للتفرقة مابين الكيان والمجلس
*فلا تبتعد او تعادي الكيان بسبب ان المجلس ماكومك
*ولا تقترب وتتقرب من الكيان لان المجلس هو كومك
*فالمجلس يجب ان لايحدد درجة انتمائنا للكيان
*اقول قولي هذا لان بعضنا يحرض بعضنا الذي يدعم الكيان حاليا
*يحرضه علي عدم تقديم الدعم للكيان نكاية بالمجلس
*شوفوا القصة وصلت وين
*معروف ان هناك من يدعم وبسخاء في هذه المرحلة دون ادني مصلحة او علاقة بالمجلس
*فقط حب الكيان
*والامثلة كثيرة
*فما قدمه الجار ومبادرته مثلا فاق التصور والتصوف ونكران الذات
*وماقدمه سعادة القنصل حازم ومايقدمه حتي اليوم
*يفوق الخيال وصفا ورسما وتجرد
*اخيرا وليس بآخرها كانت ازياء السنية والاطقم البهية
*يدعم القنصل ماديا وعينيا ليس لانه شريك سوداكال ولا نسيب علي اسد
*وليس لانه يصنف نفسه من كوم السوداكالاب
*فقط لانه يعي تماما انه من المريخاب
*وعلي الرغم من هذه الاشراقات الرقم
*الا انه نمي لعلمي ان بعض الكوماب قد حرضوا سعادة القنصل علي وقف الدعومات
*ياهؤلاء
*ان كان حازم يدعم آدم لشخصه او لمصالح مشتركة
*يمكننا ان نبلع نصيحتكم له
*ولكن طالما هو يدعم كيان
*يبقي بلعنا لهذه النصحية يصبح ابتلاع لسم التعصب والتحزب والتنافر الذي لايدفع ثمنه الا كيان يفترض انه مقدس عندنا جميعا في المقام الاول
*شكرا حازم
*وشكرا لكل من دعم بصرف النظر عن موقفه من المجلس
*وشكرا لكيان ربانا علي تقديسه والبعد عن التعنصر والتبعية للاشخاص
*وشكرا جزيلا للمدنياااااااو
*ايها الناس
*لفت الاتحاد العربي نظر المريخ الموسم الماضي لعدم قانونية عربة نقل المصابين ورفضها تماما
*واوصي بالنقاله(شكل حوض) لانها تحافظ طبيا علي المصاب
*ناس اسد راجيين سوداكال يجيبها
*وسوداكال ماجابها
*وماظنيتو قال حبابها
*فهل يجوز لنا ان نطلبها من سعادة القنصل بالاربعة لبسات المصاحبة لها؟؟؟
*اخوك كان عسل ياحازم
*ولكن ايرقان المال الذي اصاب كبد المريخ يجعلنا مضطرين لنلحس العسل كلو
*مقدما اشكر سعادة القنصل علي اجابة الطلب
*فهو لم يعودنا علي رفض طلبات الزعيم الملحة
*ايها الناس
*ننادي بادارة راشدة تخرجنا من جيوب الرجال
*فعهود جمال كان معظمها يعرف بمجلس الرجل الواحد
*والآن نحن نعيش عهد الرجل المافي
*بمناسبة مافي دي
*كردنة جا ؟؟؟
*مابصدق!!!
*الزول ده وين ياروشا؟؟؟
*نحنا رئيسنا معروف محلو قلنا مافي
*انتوا رئيسكم المافي في البلد ده تقولوا عليهو شنو عاد!!!
*لأ
*هو مشكلتو شنو؟؟
*مابحب المدنياااو ولا شنو!!!!
*زمان ضارب اللقيمات مع بشة
*اسي الاصم ده مالو عيبو لي؟؟؟
*ايها الناس
*غدا ساحدثكم عن قروب اسمه مريخ البطولات عمل في صمت وانجز في صمت وكان له القدح المعلي في جميع النفرات
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والله يا والينا
*السنة دي الا كان انت تضبح لينا
*تعرف يا والينا
*عندنا جارا لينا
*عندو ولد اسمو المحينة
*سمييييين ياوالينا
*اها جارنا اليومين دي ببحلق في ولدو سااااي
*مرة قال ليهو انت وزنك بالتقريب كم يا المحينة؟؟
*انت يا ابوي السنة دي رأيت في المنام شنو قول لينا
سلك كهربا
ننساك كيف والكلب قال من العبارات العجبتني في مسرحية خطوبة سهير لما استاذنا مكي سنادة قال..في وسخ مابغسلو الصابون يابتي
والي لقاء
سلك
