مابين بحر دار وعروس الرمال

في السلك

بابكر سلك

مابين بحر دار وعروس الرمال

*حسب وجهة نظري
*طالما تمت اجازة قلعة شيكان من الكاف
*مافي اي سبب بلعبنا كورة الارض تمهيديا في اي حتة خارج الوطن
*وده لاعتبارات صالح المريخ
*المريخ داير شنو من المباراة غير اعلان التأهل؟؟؟
*طيب اعلان التأهل ده بيابا تلتين مليار كااااش معاهو كمان؟
*بالتاكيد ما بيابا
*يبقي مجرد المقارنة بين بحر دار وعروس الرمال غير موجودة
*بالابيض سيجد المريخ الدعم الجماهيري المطلوب
*ممكن الجماهير البتجي تخلع الجيبوتيين ذاتهم
*لان عدد الجماهير داخل الاستاد سيفوق عدد المواطنين في جيبوتي
*وخلعة ساي الجمهور عندو قونين
*ضف الي ذلك
*الجمهور ده بدفع اقل من تلتين مليار؟؟؟
*دحين التلتين مليار مامحتاج ليها ناد يتولي الصرف عليه زول وااااحد بس؟
*ايوة زول
*وزول واحد كمان
*عشان كدة بحر دار دي مفروض تكون بره الحسابات
*وعلينا ان نوجه المعركة(لغابة) شيكان لنضمن التأهل والكاش
*المهم
*امس في المباراة التجريبية استعجل الناس كعادتهم الاحكام
*ناس طلعوا المحترفين خرافيين
*وناس قالوا المحترفين فيهم،طرف قدر جبرة وراس حربة دفعة الغرايري
*وطبعا الحكم في هذا المرحلة لايكون الا لشي في نفس يعقوب
*وما اكتر اليعقوباب في مجتمع المريخ اليوم
*ايها الناس
*الناس الفي الكشف ديل ياهم اسلحتنا
*يجب ان نهتم بها ونعتز بها ونرفع من درجة اعدادها لاننا سنخوض بها المعركة
*المهم
*منتخبنا تحت سبعطاشر ابهر،الناس
*نعم
*تحت سبعطاشر
*ولاتعليق اكتر من حبوبة لاعب منهم شافتو في التلفزيون وسمعت المذيع قال تحت سبعطاشر
*قالت اجي!!!!!