ما نحنا آل بلال عادمقالات كورة في سبتمبر 2, 2019 20 مشاركة المقال في السلكبابكر سلكما نحنا آل بلال عادبسم الله الرحمن الرحيم*قبل كل شئ*يجب ان نؤكد اشياء*حقارة الاتحاد العربي بينا*تنبع من شخصية اتحادنا الضعيفه*ولهفة انديتنا علي الدولار والاسفار*وخلعة جمهورنا بدبي وملاعب ابو ظبي*البلد الوحيد البحقر بيهو الاتحاد العربي*لان الخلعة ماسكانا*ولان اداراتنا تهتم بمضغ التفاح*والتواجد التشريفي*كان لازم يحصل كدة*مدام رئيس دولتنا المخلوع*كان بتخلع امام العقالات*ويقبل الظروف التحت تحت*ويقبل الغمت*قاعد زي ود الطهور*يغمتوا ليهو ويقش خشمو*لذا كانت الحقارة*حتي وصل الامر لظلمنا تحكيميا داخل استاداتنا من الحكام العرب*والحكام العرب بتشابهوا*سواء كانوا علي رأس دولهم*او خلف صافراتهم وراياتهم*معقولة حكم يحتسب ضربتين جزاء علينا من خيالو*ويتغابي عن ضربتين لينا*واحدة مع التش*والتانية ضربت في يد لاعب الوداد بعد تنفيذ نلسون للضربة الثابته في نفس الشوط التاني*حكم زي بت ام لعاب*من شكلو ماحبيتو*لكن ده ما المهم*المهم اننا كنا لانستحق ان ننتصر*لان الطريقة التي لعبنا بها لايفهمها الا رب العالمين وابراهومة*واحتمال رب العالمين براهو العالم ببواطن الامور هو الذي يعلم بالطريقة التي لعبنا بها*تلاته محاور اتنين فيهم اتقل من الفيلة*والتالت يدعي ود الرشيد ملك اللت والعجن*ومهاجم واحد ووحيد لم توضع الخطة التي توصل له الكرة*وفوق لي ده*يثبتها متر*ويرجاها خلف المدافع عشان يجليها*حلاة لقلق*ايها الناس*ابراهومة اكثرنا معرفة بالكرة بحكم خبراته وتاريخه*ولكن هذا لايعني ان لانقول له رأينا*هو بمثابة الملحن*واللاعبون عازفون*ونحن كمستمعين*نقيم اللحن برغم عدم المامنا بالنوتة*لحنك امس ما اطربنا*لم يشجينا*وعازفنك نصهم شتر*كمنجة السماني في الدو*ودلوكة النعسان في المي*وساكس ماماني يهنق في الفا*واورغن التش في الصول*شتارة افرغت اللحن الفارغ اصلا من مضمونه*انا متأكد*كل من كان امام الشاشة*وكل من كان خلف مذياع*وكل من كان داخل الاستاد بي ابراهومة*كنا ماعارفين مدرب الوداد لاعب كيف*وده كلو كوم*الحكم من الاردن*والاردن عندها ملك من آل البيت*والمغرب برضو عندها ملك من آل البيت*نحنا ما آل بلال عاد*من حقهم يعملوا فينا اكتر من كدة*طالما لم نشهر عليهم سيف خالنا بلال*العرب بتعاملوا كده*ويمكن مدنيتنا دي كانت سببا لاصرارهم علي اخراجنا من بطولتهم*حتي لاتتعلم شعوبهم المستكينة من شعبنا معني الحرية*المهم*اذا ما احترمت نفسك*مافي زول بحترمك*ويجب علي اتحادنا وانديتنا وجماهيرنا واعلامنا*ان يبطلوا الشرقة الزائفه دي*ونعمل علي احترام أنفسنا لنجبر غيرنا علي احترامنا*نحمد الله انو ماحصلت لي زول فينا فنقلة الجريف*لكن بعيديييييين شدييييييد*اها*بطولة عربية ببح*يعني دولار وقف*مجلسنا ده تاني بستدين تحت ياتو بند؟؟؟؟*هو نحنا دين غارزيتو كاتلنا*ديون تااااااااني*يالطيف*استقالة جماعية*جمعية عمومية*ممارسة للديمقراطية*وشكرا لكل من تحمل القصة*من شاخور ولي اسة*ايها الناس*ان تنصروا الله ينصركم*اها*نجي لي شمارات والي الخرتوم*كان شفت ياوالينا*الحكومة كلو يوم تمنية واربعين ساعة يؤجلوها لينا*والمدارس بقت زي الحبن*مامعروف متين بتفتح ليناسلك كهرباننساك كيف والكلب قال لجنة حصر المنازل التي انهارت بسبب الفيضان في حصرها سجلت حسين الجريف…الزول ده ماتبع السيول يالجنةوالي لقاءسلك ما نحنا آل بلال عاد 20 مشاركة المقال
