صحيفة كورة سودانية الإلكترونية

مجذوب اونسة فى ضيافة كورة سودانية

102

مجذوب

دردشة:سعدية الياس

“مجذوب اونسة” فنان راقي متواضع لا يعرف الترفع له طريق ، اهدي الشعب السوداني أغنيات اغلي من الدرر والألماس ، (عزيز أنت يا وطني ، أقدار يا
نور عنيا ، يارحتوا طولتوا و”حلم الصبا” ) وغيرها من الكنوزالتي ظلت حاضرة في كل افراح الشعب السوداني ..التقته (كوره سودانية في دردشة رمضانية خفيفة فالي مضابطتها ..
• رمضان كريم عليك ياأستاذ ؟

أولا أود أن أوجهه التهنئة عامة لكل الشعب السوداني داخل وخارج البلاد
بحلول الشهر الكريم وتهنئة خاصة لعشاق الرياضة دون فرز وتهنئه أكثر
خصوصية للجماهير الحمراء وبقول ليهم (كلو سنة وانتو طيبين وتصوموا
وتفطروا علي خير).
• علي كده انت مريخابي ؟

• مريخابي لابعد الحدود
• طبعا أكيد في بعض الناس بشتغلوك لان هناك ندية قوية بين هلال مريخ؟

• إنا في البيت ( منجض) هناك جزء من أفراد أسرتي يشجعون الهلال، وواحد
من أبنائي (هلالابي)
• طيب نرجع لي رمضان تاني.. اها انت جرسه ولا ثابت ؟

• افو.. نحنا اهل دار جعل وين رمضان شعر بنظروا بفارق الصبر لانو شهر
فيهو خير ورحمة للغني والفقير وفيه عتق من النار
• هل تعتقد ان رمضان اختلف عن زمان ؟

• اختلاف توتلي .. وزمان رمضان كان ليهو طعم مختلف لمة الاهل والجيران
ولكن ربما هذا الاختلاف في المدن فقط ولكن غي الاقاليم مازال طعم رمضان
هو هو نفس الملاح السودانية الاصيلة
• وصينية الفطور كيف ؟ انتو ناس البيتزا ولا ناس عصيدة ساااي؟

• نحنا اهل( العوض) العصيدة لو مافي في الصينية مافي زول بقعد فيها
..بيتزا بتاعت شنو
• بتساعد زوجتك في المطبخ ؟

• انا شاطر في المطبخ و”بظبط” حله عجيبة ..اساعد زوجتي با لمزاج
• بتحب تتناول شنو من المشروبات؟
• والله نحنا حبوباتنا اخترعوا لينا عصير مابنبدلوا بأي شيئ (الابري)

• طيب بقضي وقتك كيف في رمضان ؟

• الشغل في رمضان دايما بكون في الجامعات والقطاعات الخاصه وعلي النطاق
الشخصي اعشق السمر مع الاصدقاء وامضي معظم الوقت برفقتهم
• أكثر عادة سودانية رمضانية حزنت علي اختفاءها ؟

• الفطور فى الشارع والميادين رغم انه لم يختفي بصورة نهائية ولكنه قله كثيرا نادر ماتلقي ليك
ناس فاطرين برا

• شهر رمضان شهر ترويحي فيه الكثير من البرامج.. ذات الطابع المنوعاتي
..رايك شنو الفضائيات هل استطاعت ان تقدم شيئ جيد؟

• كل الفضائيات تجتهد من اجل ظهور افضل من القناة الاخري ولكن اعتقد، عشق
الشعب السوداني للغناء الاصيل جعل كل القنوات تتجه للبرامج الفنية واظن
انها وقفت في جذب المشاهدين
• ماعندك حاجه جديدة لجمهورك؟
• جمهوري موعود بعدد من الاغنيات الجديدة اتمني ان تعجبه وتنال الرضي والاستحسان
• اخيرا ماذا انت قائل؟
• الشكر اجزله لصحيفة منتدي كورة سودانية وكل سنه وانتو طيبن وبحكم ان
هذه الصحيفة رياصية بقول لهلالاب العفو و العافية وماتزعلو مني .

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد