مجلس المريخ يعين محامياً سويسراً لمتابعة قضية شيبوب
أعلن مجلس إدارة نادي المريخ في اجتماعه الأخير تكوين لجنة قانونية من أجل متابعة قضية لاعب الفريق شرف شيبوب الذي انتقل للهلال في فترة التسجيلات التكميلية الماضية والعمل من أجل الوصول بالقضية للفيفا حيث أكد المجلس أنه سيتصل بأحد المحامين المتواجدين في سويسرا مقر الاتحاد الدولي لكرة القدم لمتابعة القضية حتى يستعيد المريخ حقوقه من اللاعب الذي انتقل للهلال بطريقة غير شرعية كما جاء على لسان مسئولي المريخ.
ليكون عظة وعبرة لمن يلعب بالنار .. الوالى جاكم
اول امس كان ايطالي فجاءة اليوم بقى سويسري
يا كافي البلاء لسه القضية ما بدت وانتو لسه قاعدين تغيرو في المحاميين
أمبارح مش قلتوا المحامي الألماني منو “قمري” كده؟ الليلة مرقتوها في سويسرا؟ هو كردنة (ماشاء الله تبارك الله وربنا يزيده ويبارك في ماله ويخلف عليهو) لمن لقي المحامي بيكلف في موضوع بجري المدينة خلي الموضوع وصرف نظر عنه، تجوا إنتوا الليلة وبي فلسكم ده والماسورة الإتقفلت عاويزن تخدروا جماهيركم بالفرفرات البتعملوا فيها دي؟ سيبوا تخدير في جماهيركم المساكين وبدل الجرسة والسكلبة دي أمشوا جهزوا المواسير بتاعنكم لعلقة بعد بكرة …!!!
أجمل حاجة في الموضوع إنو الهلال أداكم بالطرشاء بعد ماعرف حيلتكم ولعبتكم، وأسي شيبوب راقد تحت المكيف ماشاء الله تبارك الله ومستني تمرين الليلة عشان الخواجة يديهو تعليمات مباراة الإثنين ويوريهو يعمل شنو في دفاع المرخرخ وحايرقص منو وحايجيب القوون كيف؟
شكلو كدة لجنة التسجيلات السنة دي في المرخرخ حايكونها شيبوب، وشغلها حايبدأ قبل 6 شهور من تاريخ بداية فترة التسجيلات …بس علي جعفر لو مفتح يمسك النص القالو ليهو الرئيس الطوالي، ولا كمان يروح عليهو النصين الإتنين هههههههههههههههه!!!
وييييييييييييييين الايطالي
شكلو عرف انها فالصو وانسحب
السويسري لما يدرسها برضو ح يهرب
هو المحامي ايطالي ولا سويسري …اثبتوا علي راي هههههههه
دى كلها دعاية اعلامية مكشوفة والقصد ( هضربه ساى ) قبل مباراة القمة انتم وقت الزول دا عارفنو نجم ولعاب ما كان لكن كان فعل ماضى