مدرب الهلال : واجهنا منافسا كبيرا وحظوظنا قائمة في التاهل
قال الصربي زوران مانولوفيتش مدرب الهلال ان حظوظ الفريق ما زالت قائمة في التاهل للدور القادم رغم التعادل امام مازيمبي الكنغولي اليوم الاربعاء لحساب الجولة الثانية من مجموعات ابطال افريقيا مؤكدا ان الطريق ما زال طويلا. :
واضاف خلال المؤتمر الصحفي بعد المباراة :قدمنا أداء جيدا اليوم وراض عن اداء الفريق.
وواصل :صنعنا العديد من الفرص ولم نحرز الاهداف تعاملنا مع فريق كبير بحجم مازيمبي المتوج بدوري الأبطال 3 مرات وكان علينا احترام تاريخه.
وارجع زوران سبب تراجع مردود لاعبيه بالضغط العالي للمباريات بالدوري السوداني مختتما بان حظوظ الازرق ما زالت قائمة في الظفر باحدى ورقتي الترشح للدور المقبل.
راض عن أداء الفريق، ده مدرب شنو ده
أول مرة أشوف مدرب يلعب ثلاثة لاعبين في خانة واحدة، معقولة بس فيني ومحمد عبدالرحمن وعليهم أنور الشعلة وكلهم لاعبين صندوق يعني فقدت خانة وثلاثة لاعبين وتقول راض عن الأداء
ياخي المفروض تنزل عيد مقدم يمين وواحد من التلاتة ديل مع محمد موسى
نجيب لاعبين يجينا مدرب كعب …. نجيب مدرب كويس وانلقى لاعبين
إقتباس (وارجع زوران سبب تراجع مردود لاعبيه بالضغط العالي للمباريات بالدوري السوداني) أها عاوز يؤجلوا ليك الدوري أمش يا عاطل إنت ومدرب المريخ النابي عطالى وماعندكم حادة تقدموها للكورة السودانية، نوعية اللاعبين العندك لو أنا كنت المدرب لقدرت أن أوظفهم التوظيف الذي يمكنني من كسب أي مباراة بس نقول شنو من العقدة السودانية إنه أصحاب البشرة البيضاء والعيون الخضر هم أفهم مننا،
يا سيد زوران بعد التحية ،،،، ارجو ان تشوف ليك شغلة تانية غير تدريب الهلال ،،،، انت ليس بقامة الهلال وهذا الرأي لم يأت من فراغ انما بعد متابعة وصبر ،،، كل العناصر مستوفية لتقديم فريق جيد ومقنع بما في ذلك عنصر الزمن الكافي للتعرف على إمكانيات الفريق والمنافسين له ،،، ولكن للأسف الشديد النتيجة فشل ثم فشل ،،،،، اللهم طولك يا روح