خاص كورة سودانية-عبدالله التمادي
عبر المدرب محمد الطيب مورينهو عن سعادته اولا بنجاعة لاعبي الشرطة وتطبيقهم للخطة التي وضعت للمباريات السابقة خاصة امام طرفي القمة وقال : عندما قلت انني سأطبق خطة الوخز بالابر امام المريخ ايضا لم يصدق البعض كما فعلتها مع الهلال وفعلتها امس مع المريخ وسأفعلها لاحقا واضاف الطيب انهم دخلوا كل المباريات بعزيمة الاصرار والانتصار وخرجوا بنقطة امام فرق متمرسة و مدججه بالنجوم وكان احترام الخصم اول خطوات تفوق الشرطة وحبس انفاس الاندية الكبيرة وواصل مورينهو حديثه ل(كورة سودانية) بانه سعيد بتطور اداء لاعبي الشرطة واحترافيتهم وحسن تعاملهم مع المباريات الكبيرة واكد انه يمتلكون روح الانتصارات.
وكان فريق الشرطة فرض التعادل السلبي على قطبي الكرة السودانية تواليا
الوخز بالابر.. ماذا تعني.. اي كلام والسلام
عليك الله بتسمي دي كرة قدم او خطه اي جاهل بجيب 11 لاعب يرصهم قدام المرمي وما محتاجه خطه ….فريق طوال 100 دقيقه ما سدد كره علي مرمي الخصم وعملتوها وقيع وحكم ظالم ساعدكم …والله حرام نقول انكم بتلعبو كرة قدم لانه الشفناه ده شلعت ما قدم ..وفرحان كمان والله لو من الاداره نبعدك اليوم ولو كان عندك تدريب لهزمت الهلال والمريخ مش تفرح بالتعادل خربتو كرة القدم
صه، هو إنت لعبت كوره قضيتوها وقيع وإدعاء اصابات والحكم صديق الطريفي ( تمشيطية) تم ليكم الباقي بعدم إحتساب الزمن بدل الضايع، يعني لعبتوا شوط ثاني من 35 دقيقة والباقي حركات مصريين، كورتكم مسيخة والحظ ساعهدكم بإضاعة لاعبين المريخ للفرص الساهلة. قوم بالله بلا مورينهو.
والله ما عندك خطة بتعريفه أنتم بتلعبوا مع الهلال والمريخ دفاعيا فقط بتبحثوا علي التعادل اذ نجد كل اللاعبين متكدسين أمام مرماهم ويطفشون في الكور عكس عندما يلعب فريقكم مع الفرق الأخري ينسي الدفاع ويهتم بالتهديف مما يكلفه الهزيمه في أغلب المباريات والدليل علي ذلك المباريات الماضية , فبكل أسف طريقة أسلوبك في التدريب ضعيفه يا مورينهو وليست مستقبليه للفريق .
خطة الوخذ بالابر دى جبتها الصين ولا شنو. ههههههههه المباراه الجايه اللعب ليهم بى خطة المساج بى ذيت الخروع والملح هههههههههههههههه